鼓掌。和菜。遠位

昨天下午接大人收工，陽光普照。

學校門口隔鄰的 "露天小型遊樂場" 十分熱鬧，

有幾位先生及助理(大人嗰份)帶同兩班靚十多廿人在場內玩耍及曬太陽。

大人用枴之後，

通常我將車停正在門外等大人出來，不泊入比較遠的車位，方便上車；

自己就不會進入學校。

望見大人預備從門口出來，慣性落車去接枴、開車門。

那班先生和助理斯時忽然在遊樂場內望向我們這邊輕輕鼓掌(睹狀而不聞聲的)。

一心以為班先生和大人開玩笑，

為大人夾枴返工多時、如今可以自己撐十幾廿級樓梯上到門口，

而向大人鼓掌。

於是笑著禮貌地向她們舉手招呼並表 "回謝" 之意。^-^

今日大人講開，
當時她們其實係向我鼓掌...@-@，

原來...並非玩大人，而係玩我耶?!

大人可能近來不時提起家中的賓佬今回幫佢做咗唔少嘢，服侍亦算週到，
既私且公 ~ 包括朝早幫手開檔，
於是班先生昨午 "一起" 向我鼓掌。  :P

好在當時唔知，否則雖皮厚都可能會面紅的 ~
都只不過係些應該做的濕碎嘢而已，何足掛齒更鼓掌耶?!

不過若然早知道是 "因此" 衝著我而來，
老頑童可能忽然 "頑皮" 性起會同佢地玩埋一份 ~

揮手之外，且彎盡腰(未必夠90度) "深" 鞠躬以 "答謝" 大家的鼓掌呢...

:-DDD

----------------

今晚大人開會放晏
收工往歎四和菜
又食又拎

今次難得樣樣都唔錯

經過買杯特價耆英咖啡入去歎

 新車落地之後
自然特別惜車
然而部車的車門位置已經有兩處不知在何時、何處畀人輕輕揩花了的 "傷痕"

一向在商場(尤其有超市的)若果泊車位多都盡量泊在較遠、較少人泊的位置
寧願行多幾步(嚴冬就弊尐...)

食完飯出來自己去攞車先
停車場盡頭極遠處疏疏落落的一排隔開一兩個車位分別泊了幾部車
相信都是 "同道中人" ~ 怕自己部車讓人揩花
所以泊到冇雷公咁遠

證明 "吾道不孤"

^-^

泊得在這裡的就大家都甚有默契
井然有序
至少隔空一個車位
不過有時有尐 "唔生性" 的其後或會 "攝" 在中間

你驚我...我驚你嘛

:-DDD

----------------

咁搞法...

睇下幾時要食番餐自助餐先掂
^-^