說三道四

呢位家長好掂

鹹甜出品俱佳

很有專業水準
比起出面麵包舖賣的不遑多讓

至於較 "雞" 的則甚至尤有過之

此所以有信心送予 "一眾街坊好友" 耶?!   ^-^

食完向大人表示好食
稍後大人自會 "實話實說"
轉達給家長知道

或者遲尐又有 ... ^-^

此批腸仔包已放了入雪櫃
那兩件啫喱芒果蛋糕更一拎回來就要雪...

昨晚歎了一件蛋糕 + 半杯奶茶消夜
開工整晚都不虞肚餓及血糖偏低了

今朝操完波一兜友飲茶回來就住洗乾淨頭、身的汗臭..  :-D

瞓醒已晏...食舊腸仔包飲埋另外半杯奶茶就算午餐

晚餐等接完大人收工讓她出主意

一個包仔自己費事開小焗爐

叮熱就食

若是大人在場
先叮後焗相信會更香脆更好食

----------------

收工大人話唔知食乜...

反正明天星期五
今週只需帶多一日午餐
不如返歸掃雪櫃

 

返到屋企才省起今天出去兩轉都忘記買報紙 ~
饞人買報...志在排位   ^-^

本來諗住過公園行陣
既然如此索性安步當車行去買份報紙

至近都係這條路...

一條直路行到篤過埋馬路有個商場仔...
來回加埋都應該唔只一哩(?) ~ 要行差不多50分鐘

I walked a mile for ......  ^-^

口痕為食
順便在商場仔的FOOD COURT買多個四寶飯
貪其多尐嘢食下...要甚麼都任揀
燒味雙拼及雙鹵 ~ 大人喜歡食鹵水豆腐和鹵水豬脷，還有半邊鹹蛋...哈哈

燒臘檔老闆問：一個人食唔食得晒?
答曰：食唔晒可以食多餐...!!

記得以前提過的...

"鷗鷺忘機  雲水任寬窄"


來加前渾渾噩噩返工放工
在加國則游手好閒無所事事
有時食自助餐肆意食到頂住

有時一個飯盒自己可以分兩餐食
...................

其實生活若要簡單可以相當簡單

自己的想法是...

雲水隨緣任寬窄
每個階段就著當時客觀現實環境所獲賦予的那些條件
睇餸食飯之餘
苟能略適己意就已經很好了  :-D

----------------

大人目前已可棄枴就住慢慢趌幾步
以象形表示大槪似... "R"

自己眉角的傷口今日開始有尐痕了
應該正在結焦...
不過未敢棄貼膠布
蓋怕唔覺意會不知如何整到傷口又流血