確診

好在軟軟韌韌的幾種廁紙家居存貨豐厚，
足夠應付過去48小時以及未來幾日(?)所倍(X?)增的用量。

昨天啪了2粒過期止瀉丸，次數稍減。
卻原來只不過是假象！

今日故態復萌。

"...尾閭洩之，不知何時已而不虛..."
這是海神說自己之大都未自滿並教訓河伯不可自大...。

"...尾閭洩之，不知何時已久而不虛...者難矣..."
這是河魚之疾患者阿大自己騰雞...。

下午去畀白袍老友睇睇比較穩陣。

-----------------------

問了十幾廿條(?)問題...

排除了出國旅遊領嘢番嚟、食物中毒(問通常一齊食嘢的大人有冇事  :-) )的可能；

"有冇痾血?腹痛?

有冇心痛?(呢條唔明點解咁問...)
有冇發燒、痾嘔(應是順口問慣了 ~ 答反胃無嘔齋痾)、鼻水(有尐)、喉嚨痛(冇)?"

..............

 照喉嚨..."紅晒喎..."(痛感麻木了? 不過就真係有尐喉沙...)
"又係嗰味呀?..."
"係囉；呢個天熱唔夠熱，往年五、六月會有三十度以上，乜都熱乾...；
今年天氣好，人周圍走，病毒又活躍周圍 "走"， 咪易中招囉 ~

今朝睇了兩三個咁嘅，你係第4個...。"

報之昨天食了兩粒、今天一粒陳年倉底貨的止瀉丸，怕唔怕過期五年太耐；

"唔怕，有尐藥過期十年八年的放響度我有需要都照食...(哈，堅唔堅架...)"

"冇藥食，由得佢自己痾清佢，不過要食嘢，唔好飲奶甚至朱古力等奶類製品，
食番尐嘢等有尐渣隔下，唔使呢頭飲水嗰頭即瀉番出嚟..."

根據經驗，感冒病毒大槪搞你五、六日，即是要捱多兩三日添。

這樣的一篇都不能一氣呵成，騰出騰入幾次呢...唉...

清雞湯煮雞脾肉白菜苗通粉
食時加幾粒鹽及胡椒粉

----------------------

後記

第四天(星期五)的早上

希望是谷底...

自己衰咗令大人連日都冇啖好食
今晚食番飯了 ~ 走去食四和菜添...一個飯兩份
自己當然就住食...食多尐不大沾油的蒸魚