食。美容

近來出去食或是買外賣有時都唔知食乜好
食來食去嗰三幾間 ~ 有尐悶

那天一兜友行超市
見有塊T骨扒幾靚
買了叫大人當晚即焗
當去飯堂鋸扒 ~ 塊扒點都正過飯堂嗰尐喇
簡簡單單大人亦唔使做咁多嘢...

住家餐有個好處若有存貨可以隨時啤一啤...   ^-^

打邊爐飲一罐大喜力
今回(只隔一晚咋...大人略有微詞)語大人 "試" 下另一隻黑金剛
罐黑啫...都係啤酒嚟...不過酒精比喜力的5%略多 ~ 6.4%
甚佳 ~ 喜其味濃   ^-^

 ---------------

今朝操完波梳洗妥當
去搵皮膚美容專科醫生整容

年前發覺眉角位有粒嘢稍稍突起而不癢不痛
不算大粒且有眉毛覆蓋著
費事理佢

月前似乎覺得痕痕地不自覺會用手去抓

幾星期前某次照鏡才驚覺粒嘢大了不少(懷疑不知是疣、瘤...???)
相當礙眼

大人緊張過我
腳傷期間催我 "順便" 去畀白袍老友睇埋

"幾大粒...會痕架喎...不如整甩佢喇...?"
(白袍老友用徵詢語氣，係因為通常呢類嘢若非關乎皮膚的大鑊嘢，
政府視之為美容性質則醫療保險係唔包的 ~ 要自己畀錢 ，可以選擇唔做。)
"好吖..."

轉介一個皮膚專科女醫生畀我
去睇了一次說了大槪
約了今朝去 "整甩" 佢

主理 "手術" 的另有其人
係一位年輕女子
入到去先詳細解釋點做...
聽到 ... "老人斑"(並非班  :-) )...
(必也正名乎? 根據WHO所訂標準應係中年斑啫???) :-DDD
心諗斑不是平坦而不會呈粒狀的嗎???

"先在手術部位附近打麻醉針，會有尐痛；然後 "刮" (個心寒了一寒!)走佢...，
手術大槪做十五分鐘，傷口會有少少疤痕.；遞日或會再生過...。
刮出嚟會循例拎去化驗......"

"眉毛尐毛囊會否出唔番尐毛?"
"有可能...視乎結疤的增生組織幾厚...條毛能否穿透而出..."

在手術床上攤低...瞌埋眼(唔敢睇)

"嚟喇..." (個心暗道啫...)

打麻醉針真係幾痛而且痛咗頗一會(?)

然後...
"有無尖的感覺...?"(香蕉女(?)講中文...)
"吓...? "
"尖拮咁......" (應該係用嘢拮我試尐麻醉藥效...)
"唔覺係 "拮"  "...

跟住就覺得開始 "刮"
不過完全唔痛 ...一陣就搞掂
然後好似剪完髮揸面鏡畀我睇剪成點咁...

照下個傷口(略似火山口)畀我睇才貼膠布  ^-^

"今日唔好沖涼洗面...要日日換膠布..."
(此幅相已經換了一次膠布，
食完飯諗住戽水用梘洗下臉上分泌的油脂(口、鼻)唔覺意慣性整到尐水上眼眉...

連膠布都濕了印到淺淺的血水...:P)

呢劑盛惠...$56.5 ~ $50 +稅
自已覺得算平咯   ^-^

 ---------------

 今晚勞逸結合

大人隔晚煲了個湯
預備今日煮味餸就一餐

得一味餸...諗住買個涼瓜炆金鯧魚添
落單的靚佬落咀頭
"不如買多個送飯喎"
多個餸又唔使再煲飯(雖然出面尐飯(米)無咁好食...)都好
要多個蝦仁炒蛋
(兩個都係貴餸...超出預算...:P)
食唔晒可以上倉讓大人帶飯

今晚都想.......不過唔敢 :P

大人之勞(並非太辛了)

薯仔炆排骨 + 打邊爐食剩的牛柳邊
小試幾好味
因為主力食晒條魚先 ~終於都剩番少少

 

碌葛(大人話係我喎...:-D )煲豬肉赤小豆眉豆

食堂餐餘

上倉

 ---------------

 

 ---------------

美容事了
開工環境似有轉機
心情亦隨之轉佳  :-D

且來多個消夜
以消永夜
開工、搞呢篇，連預備溫習OT功課暫時都分身不暇

家長HOMEMADE的好睇好食蛋糕 ~ 正
食完呢件還有一件   ^-^
難怪今日接放工時大人特別叮囑小心拎佢個背囊...