今天天氣好, 忽然興到要為座駕沖一個靚涼。
家居地下停車場設有洗車處(屬一般柏文大廈設施), 除冬季天氣太凍避免水管結冰爆裂需要關閉外, 其餘時間俱開放讓住戶可以自己洗車。冬天路面又鹽又雪, 異常邋遢傷車, 要經常去油站光顧自動洗車, 一併清洗車底, 否則容易锈蝕。寒冬過後, 就可以去下面洗車處自己動手為座駕內外清潔一下。
洗車處只有一條長水喉, 其餘傢伙自備。
開工
乾乾淨淨
順帶交代......
還記得大半年前提過隔鄰車位的 "展品" 嗎? (下面兩張是當時
所拍, 再經過這一段時間, "潔的呼聲" 早已又再蒙塵, 更加污糟！)......
......數天前出車之時終於見到車主蒲頭, 一家三口(國語人)在
換電池, 還準備了好些潔車用品......；稍後開走, 估計是去洗
車處為展品清洗 "老泥" 。
看! 好好的一部車, 蒙塵逾年, 終於還它本來面目, 可以想像中
間經過一場相當耗力的運動....!!!
It's nice to have that type of facilities, parking spaces and also a car washing area...
回覆刪除[版主回覆09/29/2008 09:56:00]是啊, 架車若非在寒冬跑到通身雪泥鹽水, 穢漬斑斑, 就咁在洗車處射水+洗潔精洗吓已經相當乾淨。
停車場設有洗車設備都幾好喎...香港就吓吓都要攞去比人洗... 你個架坐車係咪就係傳說中既丰田camry,3000cc V6引擎黎???
回覆刪除[版主回覆09/29/2008 10:20:00]我地都要按月交管理費(相對平過柏文單位DD咋)噃, 故此可以使用柏文的大部份設施......例如健身室、泳池等等。雖然有係度, 不過有時懶起上黎, 都喺入油時幫襯埋洗車。 醒喎, 一睇就知係CAMRY; 不過唔係V6-3千CC, 而係四汽缸2200CC架咋, 好在初時冇買3千CC咁勁咋, 咪呢幾年就重皮好多!!
回覆刪除用海綿擦背
[版主回覆10/03/2008 13:59:00]HI, ...唔單只擦背呀, 前、後、左、右都擦勻..., 自己沖涼都無咁仔細乾淨!
that's a huge difference for the "before and after pic"!
回覆刪除[版主回覆10/11/2008 14:02:00]臨洗前夕比起網誌 "之前" 幅相更加污糟, 又舖塵又斑點..., 差不多連車身原來顏色都睇得唔清楚, 我都為架車可惜; 哈, 又俾佢地洗得番咁靚!