中秋佳節

昨天吾家廚神提早在家做節, 又招呼我和大人食了豐盛的一餐!



今次專為小朋友而設的主菜是片皮鴨------家廚當然難以自製燒
鴨。過門都是客, 便在燒臘檔買隻剛燒好出爐的上去由妹夫操刀
------皮肉剝離殆盡, 空餘鴨架子。
燒鴨免斬原隻拎走, 燒臘檔主都知買來作片皮鴨, 所以特意要些乳
豬醬也順理成章。

廚神炒鴨崧

配料齊全, 餅皮亦是廚神自家出品；香口的炸排骨及蝦片當然
亦合小朋友口味。

餅皮口感煙靭

二度鴨崧生菜包的生菜; 旁為魚頭煲。

廚神自製的醉鴨, 雖云醉鴨, 可酒味不濃。

蒜子火腩大蟮煲; 一向視蟮為佳味---只要生猛, 如何炮製都好
吃---。幸好卻非人人愛(敢?)吃,  哈哈, 於是益我密密起筷。

筍菇魚頭煲; 大人因人多竟有些 "閘住閘住" , 唯是主人家熱情
佈菜, 亦嘗到一大舊魚雲精華, 我亦從中沾光。

炸排骨另分一碟埋芡, 小朋友唔吼, 他們集體寧將沒打芡的那碟
蘸乳豬醬來吃, 吃得津津有味, 一早清碟, 或許這就是他們吃的
"文化"。(此酸甜汁廚神用山楂調味, 或因此令小朋友洒手?)

大蝦預備白灼

東坡肉; 為免吃者自危, 廚神折衷揀舊不太肥的, 又切細舊一些,
不過如此一來, 口感就比以前所吃過的較為遜色。

人月兩圓, 菜餚豐盛...; 當此佳人佳節, 就算腳痛都要嘆杯紅酒
以佐食興和談興!