一向都有購買649彩票, 近年還為了省事, 索性寄表往彩票局每期買兩注固定的號碼, 以圖守株待兔。此外, 假如見到連續三數期沒有人中頭獎, 累積彩金逾千萬, 行經分銷商舖, 興到(其實大貪, 哈哈!)又會不惜再破慳囊, 另外加碼, 直追至有人中得頭獎方心息。可惜多年以來, 至多偶爾只中得十元、五元或是免費注項, 累積下來, 小數怕長計, 橫財夢卻原來所費不貲。
不過近日運氣似有轉機......
今次竟中了四個字, 派彩$80.3！在我來說, 是多
年來買649獎金最"豐厚" 的一次。(遲D要請大人
食番餐慶祝架, 哈哈!)
此外, 近兩星期連中多次, 這兩張支票是在彩票局所投注那固
定兩注的彩金。我都不知是那一期中、那一注中, 總之有支票
寄來就是。
另外一期在分銷商舖買的亦中了十元, 收彩金之後乘勝追擊,
漁翁撒網...
且看會否中個大獎!!!
賭仔心態....又話自己唔係病態賭徒..!!??..ANYWAY...祝早日中大奬.. 中5蚊十蚊都寄張票過黎??...咪連郵費都蝕埋間彩票公司. 其實係點樣玩法??..睇緊都睇唔明張彩票
回覆刪除每期固定投注$4, 有大JP就有時買多幾蚊咋喎, 咁賭法都唔係好病態啫HAWA? 何生成日都話小賭怡情架嘛, 我服膺呢句......自問重未亂性!! 佢唔寄支票黎, 唔通叫我去佢度領十蚊彩金咩? 我就好想去領彩金..., 因為中得咁上下先有資格架! 見到D人(都有不少華人中過, 夾錢都夾得順D,哈哈) 揸住張大支票影相見報, 都唔明點解有人會咁好彩??? 649$2注, 等於HK六合彩, 49個號碼買6個, 所以叫649, 開6個+1特別號碼......; 至於SUPER 7就買7個號碼, 買1注送2注...; 平時只買呢兩樣。
回覆刪除Great!!! I am happy for you!!
回覆刪除[版主回覆10/02/2008 08:58:00]哈哈, 中得果幾十蚊, 不過是雷聲大, 雨點小, 煞有介事咁架咋!
下期開6,16,18,30,33,35.
回覆刪除信我!
[版主回覆10/02/2008 20:17:00]除左買兩條固定的號碼, 其他全憑天意, 由電腦揀號碼, 懶人免傷腦筋, 更加費事慢慢劃。
漁翁撒網? 買得果三張, 亞大, 你個網D網眼都頗大.....!!
回覆刪除[版主回覆10/03/2008 10:34:00]哈, 凡事相對(口既)啫, 對我黎講, 平時買幾蚊649, 今次中左10蚊, 貼多2蚊買夠三樣, 已經算係撒網罅...... 當然, 我見到有D人揸住十幾廿張飛喺部 "對獎機" 度磨蹭幾分鐘, 相對果D人我就係雞仔注囉! 網眼疏密其實分別不大, 最緊要係個天網之眼是否眷顧啫, HAWA!!!
哈, 我長期買六合彩連安慰獎.... 都唔見中下 !!!
回覆刪除買下馬仔反而比我中下喎 ...
[版主回覆10/09/2008 11:14:00]彩數呢樣野真係好難講, 中安慰獎有乜用丫, 任你中都番唔到本, 不如等時來風送滕王閣, 到時一中就去登記重好啦!