上星期在妹夫家做節吃了豐盛的一餐之外, 還另有收獲。當晚與妹夫幾兄弟邊飲邊談, 輩份及身形和我咁高咁大的姻兄大哥(是啊, 也是大哥, 哈哈!)講開舖頭有幾部SONY電視機存貨(與人合股主要賣批發零售的食物舖頭而非電器舖), 妹夫剛用自己友成本價買了一部。即時看過部機、問過價錢, 心郁郁問大哥我可否都要一部。大哥爽快, 即時答應；今天一早親自和妹夫送貨到來, 裝好機後一行五眾再往飲茶。
新力40吋LCD螢幕；外頭電器店賣C$1199 + 稅, 如今1000元,
免稅, 另退回扣$100, 實付900大元, 足足平了$450元!
至於Rebate的100大元, 剛夠請大哥等飲茶！
左側地上的21吋機是香港帶過來的, 用了十年, 仍然操作正常。
只是躺在床上時距離較遠, 螢幕稍細而看得不大清楚。新機裝好, 未看已覺零舍不同。
試機------美式足球比賽
色彩鮮明, 影像清晰, 相比以前那部當然正得多
；一分錢, 一分貨, 沒得說的!! (大人笑呵呵
, 可我就肉痛啊
!!)
我反而喜歡個櫃。。。！！好優雅！
回覆刪除[版主回覆09/21/2008 23:28:00]哈, 多謝欣賞啊!!
嘩...40吋..會否好似你咁...大過頭呀.... 不過計落又真係好抵買喎...香港買SONY 40吋LCD都要過萬蚊 不過你要睇有無死點喎....以前聽人日講話出現唔知幾多粒死點(20粒??),可以攞返去換架...ONLY SONY機
回覆刪除[版主回覆09/22/2008 06:47:00]乜野死點? 點CHECK架? 係咪畫面有D地方出唔到顏色? 嘩, 香港賣過萬咁貴? 雖知道買平左, 不過唔知筍到咁架喎!!! 呢邊正價連稅C$1350 = HK$10000元左右。現在C$900 就唔駛HK$7000! 床頭離電視機位大約成18' 喎, 攤係床睇我覺得幾適中, 字幕都清楚; 以前部21吋就睇唔到字幕, 大人要坐響第二張相右下角果張私家后座度睇(相中所見者為該套單人椅的踏腳部份)。
你果邊地方大，睇60吋都得喎﹗
回覆刪除[版主回覆09/22/2008 10:09:00]哈, 蝸居40吋的已足夠有餘罅。以前住在弟弟處時, 地窖有部50/60吋(?)的大電視, 是大牛龜的舊式機, 雖大卻不大清晰, 影像質素普通。現在的lcd機清好多, 不過每大一個尺碼亦相應貴好多, 若非踫巧有便宜筍野, 我都未必換機住啊!
死點係出唔到色..除左死點仲有光點......我都唔識得點CHECK..好似用黑白紅綠黃的底色畫面CHECK掛... 40吋咁大,仲要放响房到睇添呀....怕唔怕睇到眼都花,呀....
回覆刪除[版主回覆09/22/2008 10:31:00]電視機適當尺寸視乎觀看位置距離, 好似有公式計的(忘記了點計)。間房連浴室在第二層佔一整層, 是全屋最大的房間。攤在床上睇, 距離約17/18呎, 40吋應該唔會太大卦?! 我就覺得相當舒服。 反而樓下廳果部只得32吋, 大人在廚房做野時會將部機轉向住佢, 一邊做一邊睇(所以成日見紅囉?! ), 觀看距離約8-10呎。
32吋放廳,40吋放房..咁過癮既...哈哈....
回覆刪除[版主回覆09/22/2008 11:15:00]因為間房大過個廳丫嘛; 而且大人一喺廚房做完野, 就會上房坐在后座之上, long高雙腳睇電視, 所以房部電視使用率更高。
你應該用投射的一種.
回覆刪除或者用望遠鏡.......!!
[版主回覆09/22/2008 19:24:00]應乜鬼該丫! 今次係有便宜唔駛抵頸, 忍痛吟荷包買架咋, 舊果部21吋都重睇得, 我睇電視基本上求其有公仔出就得... 若非有筍野都唔換機住架!
我屋企放12吋都太大............!!個廳 5尺x6尺
回覆刪除[版主回覆09/22/2008 19:38:00]呵, 你屋企個盥洗廳都放部12吋電視架?!! 咁係大恭小恭暢快之餘, 重有視覺享受喎!!!尊夫人咪成日要催你快D出黎...???
唉！ 我次次都唂到出晒眼淚。。。。。先得粒欖核。。。~！！
回覆刪除[版主回覆09/22/2008 21:07:00]痾呢陀佛, 食齋痾欖核 ......咁你平常梗係食得齋多頂嘞!!!
亞大, 乜你咁核突, 講屎講尿...??
回覆刪除我係話我地一家人都有圍埋一起睇電視,飲杯茶, 食欖仁嘅習慣.
每次都俾佢地搶晒我買返黎嘅果仁, 你話係咪谷到要喊吖...!
佢地每次見到我谷到眼紅紅, 先分俾我一粒....!!
[版主回覆09/23/2008 10:04:00]佢地蝦你, 你唔駛喊喎, 等第日我見到你, 一定分粒欖核你食吓!!
亞大你有冇食齋? 有就唔駛客氣喇!
回覆刪除Nice!!!!
回覆刪除[版主回覆09/26/2008 03:00:00](Empty)
真係天淵之別啊！
回覆刪除[版主回覆09/27/2008 14:39:00]價錢亦然啊!!!