大人逢星期六會打一次羽毛球，圍內人一早成立了一個羽毛球會，以處理租場、財政及會內的大小活動事宜。因為學校放暑假，期間室內球場亦會關閉，於是打羽毛球也要抖暑，等開學後才恢復。
開始抖暑的第一個星期六/日，若天氣許可，都會搞一次戶外燒烤。大人年年去開，今年我卻是首次參加，費用每位$8。
揀個樹蔭架爐
左方的另一邊樹蔭是開餐之處
這裏環境不錯，外面是湖，裏頭一大片草地
共架了三個爐......這邊燒好食物，輸送往那邊開餐......
......開動之後，專心致志，且手肥咀膩，沒空再拿相機......
每位會員獲送龍蝦一隻(我不是會員，所以冇份)，我們
豈會蝕底，當場先清理其他食物，此龍蝦帶回家作宵夜。
霸番個頭位先!!
回覆刪除[版主回覆06/23/2008 14:29:00]冇事番工嗱?!
好抵呀！
回覆刪除[版主回覆06/23/2008 15:50:00]球會每年收會員年費(主要是租場費)收成$75架; 非會員去打又按人頭每次收費($15/$10?)。年結有錢剩, 咪響聖誕買禮物抽獎，同埋燒烤送龍蝦囉!!
8蚊燒一次野食???..咁喺呢餐bbq有d乜野食物呀..大伯?...會唔會只得一隻雞奕比你燒咋?...
回覆刪除[版主回覆06/23/2008 15:58:00]咁就肯定好抵，因為球會賺到就駛番D錢落會員度。當日食物都係一般燒烤材料，都夠晒食，重食唔晒。我地除龍蝦外，重攞左一整包十多條大肥香腸(好食過熱狗腸好多!)返歸, 價值$7.99!!!哈哈!不過自己唔敢食咁多，上去細佬處抄相之時, 俾左半包佢地歎
肥大香腸會唔會係珍寶腸黎??大伯..聽見又想食....
回覆刪除[版主回覆06/23/2008 19:26:00]NOT SURE, SIZE就的確係珍寶......
星DOY： UP吓昨日D食物啦: 有雞翼、雞扒、豬扒、漢堡扒、魚丸牛丸、越南大頭蝦、香腸、沙律......夠未??? 下午兩點零開始燒野食，夜晚食埋隻龍蝦, 飽到今朝!!!哈哈。
回覆刪除嘩...夠曬啦...8蚊有咁多野食..真係抵到難... 下晏兩點幾開始燒呀,咁咪係最熱個時燒,加埋D火熱,咪熱到痴線...大伯???
回覆刪除[版主回覆06/24/2008 02:01:00]昨日唔係太熱, 最高只廿三、四度, 在樹蔭底下尚算舒服。我地唔駛落手落腳燒架(當然亦可以請纓)，由 "工作人員" 燒好, 我地等食。 最多行幾步, 做吓傳菜員。
呢幾座係乜黎架？睇個樣呢 d 嘢應該唔會放梗一處，係會搬黎搬去 o 既噃。灑水器又唔駛放得咁密，又唔似係揚聲器，有咁多個頭應該係會好頻密咁用 o 既喎。無乜頭緒，唯有估佢係臨時路燈啦。
回覆刪除呢段回應放錯左位添。
回覆刪除[版主回覆06/24/2008 10:17:00]冇所謂，總之收到!
呢 d 湖有無魚釣呢？係咪又要攞牌先至釣得？
回覆刪除[版主回覆06/24/2008 10:21:00]釣魚牌係釣親魚的人都要有, 係跟人, 唔係跟地方。 都應該有魚卦, 但不熟行情。其實安省有本釣魚指南(有埋中文版), 介紹邊個湖有D乜野魚釣, 幾詳細, 可以做盲公竹。
嘩~~!!仲有工作人員幫你燒埋比你食添呀...咁呢8蚊係欧羅都抵啦...大伯..
回覆刪除[版主回覆06/24/2008 10:23:00]啱我囉。但係有D人鍾意自己玩吓就冇咁過癮。
你地個d BBQ唔係唔係用炭燒架?..大伯
回覆刪除[版主回覆06/24/2008 11:14:00]戶外自己搭爐, 多數用炭燒。不過有D人有架大VAN甚至拖車, 可以搬屋咁搬, 成個現成燒烤爐搬去, 果D就帶埋一大罐GAS。在屋企後花園燒烤, 多數用GAS爐, 比較乾淨企理。
用到拖車咁緊要????..
回覆刪除[版主回覆06/24/2008 12:32:00]呢度唔係罕見。 好多車都可以拖野，甚至拖成間小型屋(有床、有廁、有廁房)四圍去，去到果度住到果度；拖艇(平時放車房，慳番泊位)；拖個小型貨櫃......等，不一而足。當然若果野少, 架VAN放得落, 咪唔駛拖囉。
拖車屋響電視電影都見過，我都有諗過呢 d 四圍去 o 既生活，好似幾好玩喎。
回覆刪除我諗好啱你, 不過你或師太要學左揸車先... 逐個湖去釣, 釣完一個釣第個, 有唔同魚食, 釣到即刻上房整黎食......噫, 都幾過癮HAWA??!!
回覆刪除最衰大陸無呢支歌仔唱丫！若果唔係，響大陸整架呢 d 車去流浪下都幾過癮！
回覆刪除[版主回覆06/24/2008 14:59:00]去一頭半個月, 都可以折衷吓, 約個司機包佢(不論男女都要師太事前審批同品格檢查!), 任你點囉! (只限接送服務)!!
嘜可以係草地燒烤o架咩。
回覆刪除[版主回覆06/29/2008 02:43:00]呢處除左馬路同行人徑, 多數係草地, 任人 "踐踏"...。D公園及郊野地方, 可以燒烤架。不過燒完要自動自覺清理乾淨現場囉。