大人星期三放工又由同事順道送往做 "飛SO" ，完事後接她同吃晚飯。今回再到上次幫小朋友從大學宿舍搬竇後去吃晚飯的 "阿一小廚"，剛好相機放在車上，遂補上次欠相之不足。
小店有多款平價小菜，由$6.5起，竟和FOOD COURT
價錢差不多。八珍豆腐煲是其中之一，材料豐足，超值！
白灼蝦$2.99！一碟八隻，就晒我地兩口子可以食多味餸。
四餸一湯：白灼蝦、豉汁陳皮蒸大鱔、八珍豆腐煲、
欖菜肉鬆四季豆、送例湯(西洋菜煲豬踭)。
蒸鱔最貴，$12.99；新鮮肉爽，不俗，惟陳皮略嫌不足。
味道尚稍不及妹夫手勢！
嘩 ~ 好正喎, 我唔客氣啦, 起筷先 ~
回覆刪除[版主回覆06/22/2008 02:11:00]SURE, 隨便喇...
好豐富，兩把口食得晒架拿﹖ 呢排好勤力鋪相，越來越有癮﹖
回覆刪除[版主回覆06/22/2008 02:26:00]即場梗食唔晒喇, 不過點菜時諗住翌日大人要帶飯, 咪叫多些少, 果味食剩欖菜肉鬆四季豆 + 幾隻蝦 + 豆腐煲些少配料就係大人第二日的午餐囉!! 現在出街經常都放部相機在車，見到啱影就影左先，卻未能即用，儲埋要等上細佬處才叫侄女抄碟帶回家, 通常1-2星期做一次, 抄完一次或者有幾次相用, 所以有時會連連鋪相。
四餸一湯，白飯任裝﹖
回覆刪除[版主回覆06/22/2008 21:14:00]一人一碗, 任伙記裝!
大伯同亞伯有仇咩?蒸左亞伯黎食???..
回覆刪除[版主回覆06/23/2008 09:52:00]講真我都幾鍾意食鱔架!!
呢餐幾啱我食喎，但係俾我食就應該唔會有咩淨得底咯！而且任你話平都要卅幾蚊加仔至走得啦，我食慣大陸餐，就覺得呢餐係矜貴嘢黎嘞！
回覆刪除[版主回覆06/23/2008 10:12:00]冇計喇, 鬼叫呢邊D消費咁甘咩! 咁食法呢餐相對已經算平。 大陸講食的確比較平, 不過除非你喺上面落籍, 否則上上落落, 計埋交通費, 同香港差唔得幾多喎。
差唔多要hkd20蚊,得個8隻蝦,好似貴左d喎..大伯..
回覆刪除[版主回覆06/23/2008 10:56:00]不能同香港或大陸相比啊, 晚飯特價餸才有咁平咋!!
加國人工貴,消費更貴....
回覆刪除