如是問聞

"...15日朝早最後一次劇痛之後, 至今已沒再發作;

近幾日平時持續的痛感減退, 但就好痕好痕, 又唔敢點大力搲 ~ 驚搲搲下又痛過..."
( "搲" (?)痕...) @-@

"痕係正常的過程 ~ 尐皮膚因為...............................; 

 搲係唔會引致劇痛嘅, 當時就算你唔搲佢都一樣會痛...;

尐藥已經好重手架罅, 放心啦, 現在尐痕癢應該係向住好嗰面行緊...。

(廿年老主顧了, 白袍老友應知我有嘢容易驚青。

上次食完抗生蛇藥番睇強調 "用啱藥",

今次又強調 "藥重手" 以安吾(多)心  XD)

安完再安... XDD

用手撳下眉骨皮膚的色素沉澱

"現在無傳染性架罅, 嗱, 我用手摸都唔使洗手..." (XD 呢樣我知吖...)

"尐止痕膏唔搽都得架罅,

好痕就可以用冰敷下 (冰敷舊同事提咗我喇, 上面旣話搲痕唔怕, 咁會雙管齊下...)

現在食緊的止痛藥就可以食多一兩個星期先停。"

"哦....等尐痛感再鬆尐先停呀...?"
"係囉..., 重有, 出街要帶帽呀..." 

 "希望呢單嘢你嚟埋呢次唔使再嚟咯, 快快樂樂過聖誕假期..."
"知道; 係咁望囉...唔咳晒...聖誕快樂..."

放低多一塊心頭大石

^-^

七週痛癢
煩躁腌悶自多
 (七週乃懵炳目前估計的 "始 ~ 終" 大概時間)

早幾日才新添的另一...

冰肌雪膚可人兒


舊的平時在 "冰窖" 養尊處優
月來隨時候召出動
疲於奔命

今回一新一舊兩個可人兒平分 "深" 色
不時輪流貼額親近
身一暖就立即換班接力服侍
果真能對於在苦痛苦癢之中讓人得以稍為緩解一二的妙品也

^-^