落藥

平時一向正常尚算溫馴的三叉獅子給疱疹病毒搞到發晒炎

近來的反應神經兮兮
顛顛DUTDUT

傳遞的訊息亂晒籠 ~
在街上畀風吹下或是洗頭淋下水以及用手輕掃幾下頭皮
就胡亂丟出了個被火燒到或是被針拮的感覺訊息

好彩的是似乎沒有影響眼、耳、口、鼻的功能和本來面目
誠不幸中之大幸
否則真箇不堪設想  =_=b

不過亂發訊息已害苦了班主自己

頂唔順痛唯有今日向白袍老友求救

白袍老友問清楚了如何痛法

並安撫班主謂..."呢個病有時係會好煩架..."

"...有冇藥可以幫到減痛, 令個人痛得冇咁辛苦? "
(都唔敢奢望即時止晒痛)

白袍老友一派成竹在胸以肯定的語氣答曰... " 有! "

開了兩隻藥

都係令隻如今半睡半醒而神神地的獅子不要那麼亢奮敏感的 "迷藥" 

先食細樽那隻比較長效的 ~ 一日一粒

瞓前3-4個鐘食

食四五日看看如何

若止痛效果不如理想

 再加食第二隻快速而短效的 ~ 一日三次

食幾日再返去睇

雖然不時會衰下...

"一番煩, 一番病..."
今回衰多樣 "一番痛"

 然而自己這般年紀該屬 "多事之秋" 本是 "正常" 預期

有乜事既幸有白袍老友睇住

而買藥現在亦多數唔使畀錢

咁...重想點吖

 縱使有時難免要略受些苦
也實在不宜再多抱怨更說些甚麼了 :)

希望因呢劑嘢堆在心頭的幾塊大石在病情日有進展而得以逐一放下

眼下...

且以一小塊吃之而後快的吾之愛易一大塊丟之而後快的心頭石

^-^