涅槃。偶像

昨天星期五係大人返暑期班首期一週的最後一天。
(八月中還要返多一個禮拜耶)

大人臨急抱 "佛"腳 (有時真係有尐意思不如換過個頭像...:-) ) ~ 又搵到我嚟搞 ；

蓋學校要搬清一個出入通道堆積的雜物以應付消防年檢巡查。

學校除了一些小小男生之外，
教職員全部是女流之輩。
大人雖非弱不禁風，且傷勢亦已大槪好得七八，
呢尐咁粗重嘅嘢都係等虧精賓伯做罷喇。

不過入到去現場望見堆嘢，嘩，佛都登時暈得一陣...幾乎涅槃咁滯...。 :-D

一兜友肯定搬到一佛出世、二佛升天...矣！

四、五箱重甸甸的書及兩、三箱雜物、
十幾個與腹齊高的有轆書架、
兩三件大玩具、
十個八個長約四五呎、高約十吋八吋的實木踏架(排排企時用來企高尐用的?)、
幾塊用過的巨型勞作咭紙板...；

要由一頭(通道門口側附近)搬過去一尾(一間大房)...。

大人語焉不詳，賓伯想像中冇咁大劑的呀。

未虧完冇諗住操波所以朝早未食早餐添；
唉, 點都要...頂硬上喇...。

當時幾乎連全國唔識粵語的都在抗戰(?)時聽過的那句著名三字粵罵都出埋。

沒有古代運輸用的木牛流馬，也沒有現代搬嘢用的金屬手推車仔；
哈哈...還好的是...，(一額汗)
尐書架有轆。

將尐嘢搬上書架之上推之，
操控雖未如古之木牛流馬和今之車仔便捷，
好在駕駛及掟彎技術尚可，

沿 "途" 左 "西" 右 "西" 、就下就下，
點都好過咁重逐件搬、咁遠逐件行咁搬到CC下吖！

花了四十多分鐘叫做搞掂，
出汗、頭赤、軟軟地矣...。
急忙撒退，
一兜友都要去整兜鳯爪排骨飯、幾碟點心叉番尐電先掂！

^-^ 

又食又拎架...

-------------------------

操波已暫停半月，
昨天搬完嘢今天週身都覺痠痛 。  :-D

之後暫與學校小別月半，
有排冇得操波，
得閒要過公園行番多尐。

今日只打算慢踱，

一去到就見偶像阿嬋已出現了...。

踱了一圈，

以影相為主 。 :-)

睇到口定目呆喱

唔只你頭呆鵝睇架

後面還有另外一頭一邊睇一邊影呢

一足踏地一足撐天

真的十分厲害耶!!!

高人唔知收唔收...咁老的徒弟嘅呢?

練到尐尐...，遞日或者都唔使郁下就痠痛幾日咁虧吖...?!   :-DDD

-------------------------

瀉後漸復舊觀