新生命孕育實錄(之一)

多日沒運動

今朝出完昨晚的 "棄枴逾旬之喜" 那食篇之後
晨運去也

六時許的朝陽

未曬未熱
涼爽舒服

 一切生物盡皆依照本身其已被 "設定" 了的生命流程而 "運作"
難脫窠臼

生有時...繁衍有時...乜乜有時...物物有時...

看來係時候爾等亦要為快將來臨的後代起個竇耶 ?

今天星期六...
嗯...成班歐盟成員移師在這裏舉行希債會議耶 ?!
稍後且看你班大帝謦成點...哼 ?!

 -----------

大人今天一早約了C9兵團飲茶直落
自己晨運回來早餐梳洗然後瞌番覺

早上所見個巢仍是空的

瞓醒時近中午...

兩三日不見的雀雀又再蒲頭

午間又曬又熱
以為佢回來抖抖暑氣

不以為意

見佢紋風不動

東岸時間

7月11日星期六

10：00AM

生蛋

 晏晝又唔見咗...

無聊行埋窗邊趌高裝下個竇裏面...
哈哈...哈哈...嘩哈哈哈...

前不久在此地一位女士的網誌見過知更鳥的蛋是藍色的...呵呵...
原來剛才(那隻係雌鳥!!)......痾咗出嚟罅... (興奮夾開心)

同事說的應該全中 ~
條仔起好間屋(一定唔會係條女大住個肚自己起的?)... :-D
出去識女(若然...根據時間應該係已經有女多時...個肚都咁大個...蛋咯喎?)...
搞掂...到時到候帶佢番嚟生...
(儍更更忽發奇想...唔知尐雀互相點認對方及如何溝通嘅呢???)

同事不時參加野外生態專家的活動果然近朱者赤 (讚佩) ^-^

得一隻蛋
顏色藍得純淨均勻 ~ 好靚

相中那些斑點是玻璃外面的污漬耳
相機和技術又渣呢  :P

7月11日星期六

中午

見蛋不見雀

 

趁雀雀唔喺度

諗住擔張櫈出去門口擒高影清楚尐..

 

企喺櫈上面發覺自己個頭都高唔過個巢...:-D
又怕隻雀隨時返嚟
都係咪搞咯

大人早前已經提過個巢貼住玻璃
起得相當穩陣
門前又有個上蓋伸出遮住
落大雨都不怕

今日出去比較近距離觀察個巢
我地同隔離屋兩間左右拍住...
莫非如網友所說 "覺得" 呢邊好住 (安全 ~ 貼右邊角落又有牆遮擋)尐所以揀嚟起竇?

細看之下
覺得動物的本能有時真係十分神奇

留意右邊連住個巢黐(!!!)在門框防漏塗灰邊的那條幼長而似乎都略受得力的細草
刻意如此的???
 ~ 萬一個巢跌落嚟...都頂得下或者可以吊住...
唔使落地撞散晒致覆巢之下無完卵的保險 "工程" 耶?

繼續追踪下去... ^-^

--------------------------------------------

7月12日星期日
9:30AM ~

(自己 "見" 到時的時間)

今早回來孵蛋

換了幾個姿勢和試調了方向

10:42AM ~ 

走了...

11:23AM ~

今日第二孵
 
咁睇我諗可能要隔一陣就孵一次
一次大槪孵少於一小時...?
豈有排搞?...又要搵食...
勞累呵...

11:44AM ~
又換了個方向
可能想隻蛋受熱均勻尐... ^-^

2:00PM ~
下午的我打倒上午的我   :-D

原來今朝嚟唔係孵蛋
係嚟再痾蛋嘅...
可能會陸續有嚟添...哈哈

網上圖片及説明

北美知更鳥

北美知更鸟，鸫科游鸫属，在北美分布于加拿大、美国和墨西哥，范围十分广泛，是著名的鸟。经常在草地、草堆觅食蠕虫、无脊椎动物，也啄食成熟浆果。