薑汁撞奶

大人趁開學前仍比較得閒, 近日頻頻煲些不同的湯水送往姪女處...

今天除魚湯之外, 還有這尐尐私房雞汁 ~ 幾舊大雞胸僅蒸出咁多 

食完飯講開薑; 諗起以前在油麻地一條很短的橫街食過碗幾好的薑汁撞奶(我要勁薑汁 ~ 夠薑夠辣, 食完胃都慶埋!)
大人都叫做識整, 不過就...有時要撞手神...
口痕, 於是問侄女屋企有冇傢罉和材料
食尐薑對姪女有好處, 即興叫大人整次讓大家試下...掂唔掂?

佢地有個咁嘅磨, 但似乎尚欠一個電動磨薑器去配合 
(一講磨嘢, 不期然又諗起我的母親...以前用個橢圓沙甸魚空罐釘穿了, 自製(?)過一個 "磨" 。咪話, 雖然粗糙, 都幾好用, 效率還挺高的 , 印象都用之有年;
只是我每次磨完嘢之後(多數是薯仔或芋頭 ~ 我喜歡食臘味蝦米煎薯仔餅和芋頭煮魚腸), 雙手(磨到攰要換手)總難免有多少損傷, 有時還會連皮帶肉唔見一兩 "忽" ...)

有排磨...

成功!!

胃寒(?)如我, 若齋飲奶或就算食燉奶, 個胃都會唔係幾舒服。
加了薑汁咁食會好好多, 而且自己覺得更加好味!