住的雖然不是大廈, 同樣要和隔鄰柏文看齊, 每月繳付數目不菲的管理費 ~ 此所以我們都可以和柏文住戶共用設在大廈之內的康樂設施。
還有的是, 隔兩三年, 會翻新髹下外面的大門及欄河諸如此類。
基本上屋外範圍及公眾地方的定期維修翻新, 一槪由管理公司負責。屋裏面的一切, 就住戶貴客自理。
接到通知今天會入屋來髹上下兩個露台的欄河...
要睇天開工 ~ 連日晴朗
逐戶做, 唔知幾時嚟, 以及要搞到幾時...
索性預備煮飯
三蒸(唔係酒!)一淥
早前買了每樣一孖
各蒸一條試下
鴛鴦蛋蒸豬肉
本來完美無缺的賣相, 因我急不及待而破壞了...
這是躺在超市魚檔雪堆上面的碧古(除非去釣, 超市沒有游水碧古賣的), 平時極少蒸吃 ~ 試過買來起肉整魚丸
今次見難得 "新鮮" , 鰓紅而魚身仍有光澤(所以亦特別貴尐), 又不太大條, 慫恿大人買條試下;
這些湖魚, 魚味淡薄幾乎是必然的了, 而且還是上水的...落麵豉醬蒸之以藏拙。肉質尚可以, 沒有泥味和腥味。
你就好啦,只是油油欄河,我就慘入屋換電線,我自己做的半入墻線,須然10年,但係重料線粗,真係唔想換,豆腐潤咁細,爛傢俬柜全到天花,嘩!要換線頭都大.
回覆刪除條魚咁勁蒸不薑,犀利.
[版主回覆08/23/2013 21:13:40]"要全屋傢俬＆住客搬出去兩個月...", 哈哈, 係精唔係蠢, 咁樣方便佢地做嘢。當然, 我諗未必間間裝修公司都會要求咁做, 因為不是每個客都可以傢俬連人搬走兩個月的。人比較易話為, 成屋傢俬......諗起都暈!!
[肥Ｍ回覆08/23/2013 20:53:48]而家Ｄ工程公司做裝修，鬼咁蠢＋煩，要全屋傢俬＆住客搬出去兩個月。以前，我外家千幾呎，裝修時，唔使搬走，工人將物品搬到中間，做完一部份，將物品搬回原地後，再做第二度，唔會煩到住客。
[版主回覆08/22/2013 01:13:28]要入屋換乜換物, 真係頭痕, 執嘢、搬嘢、清潔都搞餐C。你自己裝修落了重料、正料..., 可唔可以選擇唔換?
大人本來話用薑葱蒸, 我驚上水魚輕則無乜魚味, 甚至可能有泥味和腥味, 所以諗住用麵豉醬尐味蓋之...
我地屋苑，法團由２０１１年開始計劃大維修，傾到今時今日，要政府＆房協出面，改選法團了，仍未有決定，因為我地呢度有１０００份業權，每戶要夾差唔多十萬，業主瓜瓜嘈，太貴！家常餸，好正氣。
回覆刪除[版主回覆09/05/2013 18:28:13]明白了...
[版主回覆09/01/2013 13:16:39]屋苑是房屋協會興建的?
[版主回覆09/01/2013 13:14:23]顧全大局, 應該如此 可這一來, 那法團顧問可能會有尐小動作, 不太合作, 甚至有意無意的從中作梗了...哈哈。
若是萬一(!)個別住戶的確一次過拎唔出筆錢, 可以貸款, 分期償還+利息(當然不會是供樓咁長喇
[肥Ｍ回覆09/01/2013 12:50:10]政府－房屋協會已經從旁協助，報價只係法團顧問公司一半。唔可以唔大維修，法例每十年要大維修一次，如果法團無決定，由房協派員維修，費用再向業主取回，欠款者＞釘契！
[版主回覆08/27/2013 11:58:19]嘩, 億億聲咁大...鑊...
自己這樣想, 通常呢尐情況, 由議、決、到做, 此中必定有許許多多阻滯。咁大的屋苑、咁多業權, 自不然會有人覺得未必需要做住, 又會有人嫌貴, 又會有人驚招標時有中飽私囊的情況........實際是很難百分百齊心的。
此中涉及小數服從多數、賦予 "適當" 法定權力去做嘢, 以及有效的監察機制...等等各方面的平衡, 嘿嘿,. 茲事體大, 並且複雜。...好多時得個議字, 決是很難的, 更遑論上馬去做了。
曠日持久, 再過些時間, 報價1億變兩億或甚至更多, 咁就不了了之...
[肥Ｍ回覆08/27/2013 10:29:16]法團有普通維修儲備，但係涉及外牆剝落＆更換每戶屋外去水喉＆污水渠，＆花園＆平台通道＆幾層停車場＆好大ｇｅ入大廈大堂＆３個公廁，每個業主都要科款。新近報價已經過億。
[版主回覆08/23/2013 21:56:15]這是住緊有番咁上下樓齡的私人屋苑/大廈的常見問題...。
要額外拎一筆錢出嚟做維修, 莫說是全部咁多份業權, 極端的說句, 就算一家人, 有時都可能有不同的意見。
這邊的大廈管理有個固定的營運模式(市政府應有指引?!), 大廈管理公司一定要經常保持一個數目不菲的維修儲備金, 除了日常的維修保養工作, 幾時要做乜換乜之類心中有數, 眼見儲備金數目下降, 不足以應付預算的維修工程, 就加管理費(此所以我地尐管理費頗貴, 而且或多或少都是年年加的)。這樣就可以避免到時要人科錢的種種煩惱。這邊的管理公司權力大, 業主立案法團能做的只是在旁邊 "監察" 或提些意見...。
喺屋企煮, 多數以蒸、焗為主, 比較清淡的。