加西遊記(3之7)

26/7 星期五  第五天 (續)


下午遊完冰川, 去食晚餐。




這個旅程超晒額

呢餐同飯堂差不多

三種餐 ~ 煎雞扒、牛扒、三文魚 ~ 任揀一款

我呢碟飯又係偏爛, 同大人易飯而食

----------------


露易斯湖酒店湖景房間, 都唔錯; 有尐西斜...

咦...

咦...咦...兩把咁多...
又搵唔到何處是冷氣開關, 心知不妙
打電話問..."呢尐房冇裝冷氣架!!!" 

在193X年 建造之時, 那時可能冇咁熱, 風涼水冷, 房內只裝暖氣, 沒有冷氣。只怪我們烚烚下, 不知行情。
不過湖景就真係無敵

開盡那唯一的少少窗罅透風

加埋兩把風扇...吹呀吹, 讓這風吹, 將熱氣通通帶走...
好在天氣不算太熱, 入夜出面真係幾涼, 漸漸好尐

搞好晒檔攤, 大人有任務在身, 要落去幫人影幾張日落相, 還緊張過自己影。

話說台灣學生哥今次一個人和同學及同學的家人一齊嚟北美洲玩一個月(玩完溫哥華, 就落去美國), 女朋友沒和他同來。他們今日住另一間酒店。

學生哥專登留低佢和女朋友......, 請託大人幫佢在露易斯湖影尐有佢兩個一齊的日落日出照片...


大人拎住的就係佢哋...

哈哈, 幾十歲同尐小朋友玩埋一堆...

任務完成一半(還有明早...), 到我地自己行下、影下...

晚上多蚊, 我中了幾下。最刁鑽識食嗰隻在我手心猛吸, 該處敏感, 有點癢痛自然而然拍了一下...

拍到自己满手...指都是自己(起碼有尐)的鮮血, 手心又痕。隻蚊雖以身殉血, 終究是個雙輸之局。隻蚊還番尐血畀我都冇用 ~ 此蚊甚毒, 隨後兩天手心被咬之處腫了一粒, 痕痕癢癢, 要搔癢又部位敏感, 愈搔愈癢, 唔得佢C。

廚神重弊, 成隻手背腫晒...。大家搽了兩日我帶去的敏感止痕藥膏...。

咁多蚊, 走番入去行好過。又睇喎...

--------------------