嘩!!! 天方夜譚耶...
廿分(十分...十分
) 好奇 兩年前, 在九龍城的茶餐廳食個早餐都HK$30-32喇
大佬, 點做呀? 條數點計? ...舖租、食材、伙記人工、燈油火蠟...等等, 如何維皮???
(好似早前還平10蚊?現在由30蚊加到40蚊...會唔會繼續加落去...
)儘管許多升斗市民都話搵食艱難、沙塵滾滾、水源乾涸; 在咁惡劣的環境下, 竟然有這麼的一處......
; 啱晒那些為食、大食, 又唔想花費太多的人..。哈哈, C$6 任食, 此刻...真有些許回流的衝動。 
門面唔算UP耷, 看似幾好生意, 坐到近門口都影影綽綽...
真係好想去試下...。可惜山長水遠
, 而且最怕係要排晒隊, 又坐到逼逼夾夾, 插針不下, 要側來側去, 左閃右避 ~ 這些都是我的 "C穴" ...
根據經驗, 玩一陣之後, 就應該會無聲無息冚旗架咯; 看來饞人空得個恨字, 冇乜機會幫趁的了...
忽發奇想, 若是空間轉移, 間餐廳開在多倫多, 或是大人間學校開在香港, 大人豈非可以帶晒班(口靚)(佢哋全部都矮過1.4米架
)操去茶餐廳搞個課外叙餐活動 ~ 食餐勁嘅, 嘩, 唔使多, 一人一份炸雞脾薯條、汽水...; 收得40蚊, 招呼你班大帝, 間餐廳就真係唔得你C咯....
(或者要即時改制...每個大人只准帶一兜(口靚)咯。)夢話講完
; 回歸現實...最理想當然這是個老闆和顧客的雙贏之局; 否則都衷心希望尐食客食得滿意和過癮, 而老闆就算蝕(?)到結業, 或者都蝕得比較安慰
這是個經濟繁榮的年代, 這是個荒謬畸型的年代 ~ 如今百業只得地產獨大, 基本上已完全打殘了、幾乎趕絕了小本生意的個體戶。香港飲食業的個體戶為了掙扎求存而產生的這一個小小漣漪, 信難惹起波瀾。
就趁這小小漣漪未知何時會消失前誌之, 略表饞人對往昔香港百花齊放的經濟街坊小店愈見凋零的失落, 以及勉強都算的狐悲之慨 。
真係唔知佢點做.....
回覆刪除[版主回覆03/21/2013 10:26:05]所以我想以身試 "法" (方法)
嘻嘻！你真係好天真可愛。
回覆刪除香港許多食肆包括酒樓、日式放題、茶餐廳等 (I don’t mean this cafeteria)
在計劃執笠前三個月至半年 ，都會辦賣大包益街坊任食。
到差不多夠皮啦！就拉閘執笠，當然佢地唔會找街數或出尾糧俾工人。
因為通常食肆嘅 food & beverage 行規都係賒帳(3mth – 6 mth) ，唔會現金交易，咁即是係個無良老闆賺到盡後，佢執笠你 (supplier)又唔可以拉佢坐監，只可循小額錢債告佢，但一旦佢申請埋破產，佢就連毛一絛都唔洗賠。
+++
所以…最後…基於個人品格操守，我係唔會幫襯哩啲食肆，免助人造孽。
[版主回覆03/21/2013 11:38:30]這個走數的方法我知, 呢邊的食肆有些都係咁做。
不過呢, 人家未做, 不宜便妄自判罪...哈哈, 這也是我的操守。
真係乜人都有,重係好多人都有,有朋友問我麥記派包我有無去,或者我係另類人,重來有得派,好多人去地方,我都被之則吉,重來都相信無咁大隻蛤蟆除街跳,今日世界有錢執都要昅清楚.
回覆刪除一句講晒唔要著數,無蝕底,唔賭邊會有輸錢.
[版主回覆03/21/2013 12:27:16]或者這樣說, 除非派乜派物是有些甚麼附帶條件的, 那就要諗清楚會否因想得少反而失大 [(big grin)] 。
至於麥記派包, 在它是預了做宣傳的已出之物, 去排隊的人付出的是時間和精力, 值唔值得就見仁見智; 去唔去攞是自己的選擇。 [(batting eyelashes)]
呢邊麥記好像未試過派包, 但就久不久會派免費咖啡, 我哋常到的商場有一間, 行過遇啱都會 "順便" 埋去攞杯 [(tongue)] , 不過我的確至怕排長龍, 條龍長就唔攞的了。(呢世人趁熱鬧貪便宜去排長...龍, 在呢邊試過一次年前在國慶日陪小饞去食免費自助午餐, 杰咯 [(devil)] ), 痛苦的經驗! 相信此生不再, 我寧願請佢食!)
當然喇, 若是派乜派物有指定的條件和對象, 自己不符, 就應該唔好搏懵, 免得剝奪合資格者嗰份。 [(big grin)]
茶餐廳的食物，真係唔食得幾多...
回覆刪除現在還有其他小店跟風，有中式點心舖，這還可以食下。不過我甚少趁墟...
[版主回覆03/23/2013 18:18:22]小時通街大牌檔...粥檔、潮州粉麵檔、糖水檔、西式茶檔和中式飯檔(後兩者稍後期才得食起)..., 由有零錢可以私下搵食始, 我是食這些大牌檔長大的, 也是我自小養成的 "口味" 。
到出嚟工作..., 唔使攤大手板了, 大牌檔亦陸續取締, 就轉而入舖食 ~ 還是喜歡食那些嘢。
自然, 漸漸就食得多樣化了、貴價化了...。
以前環頭環尾的小舖尚可以一如大牌檔做得咁 "專" (貴是自然稍貴); 可是, 隨著皮費愈重, 較多嘢食希望吸引多些不同食客的茶餐廳就應運而生了..., 也是香港的特色。
離港之前, 仍是茶餐應的常客哩。