繼續衝刺

廚神癮起, 今天中午又約了去食中東嘢...



以小見大, 從一小商場見一國...

國家一向標榜多元文化 ;  既有許許多多不同族裔的移民, 自然有多采多姿的不同文化---包括飲食方面的 。於是, 做的各有各做, 吃的各適其適 ~ 只捧自己友場者有之, 食過 "界" 者有之。

莊子說的： "道在螻蟻、在.....、甚至在便溺"。

相信在生活上的一些大、小事情(在這裏我非指便溺), 或者都有所謂的 "道理" 在。那對於 "揀飲擇食" 這回事, 我自己的歪理是猶如做人一樣, 喜歡食乜、唔喜歡食乜都好, 互相尊重、包容是基本的。個人喜歡的話當然可以進而去探索、欣賞、追求某些東西, 否則亦大可我行我素, 擇 "食" 固執, 吃自己喜歡的、消化得來的、負擔得起的...(成年人咯, 當然吃完的所有後果就應該自負!)。至於貴賤精粗, 就不必用 "勢利" 的眼光去計算了。而先入為主, 一葉障目,  太過自以為是, 動輒以一己之 "口味" 為至尊, 私意就覺得並不可取...。



民族有所謂 "吃" 的民族, 這個可說是 "吃" 的商場
中、西、日、韓、中東......都有

哈, 這些不知名的盡是甜品

生的烤肉串

唔知係乜

五顏六色

好大個的.........空心麵包 ~ 比中國人的 "大發" 更大發

矮瓜溝乜乜醬(因為當時聽唔明), 紅色的是石榴粒

士多啤梨+芒果汁

攪勻後

兩錐烤肉, 一牛一雞

烤牛肉配薯條(略似牛肉乾, 稍柴偏鹹而香料勁, 大人麻麻)

烤雞肉配沙律, 呢個較啱大人口味 ~ 但雞肉肉質仍覺乾柴 (幸無烈火在側..)

食物空口食覺得偏鹹, 可能是預了用來送包的...
鹹而香料勁, 頭頂又出汗, 難免渴...
要尐甜嘢解毒
小杯咖啡免費任斟任飲, 沒提供奶, 只有糖, 是中東的飲咖啡文化?

妹夫買了兩盒這些甜品拎走, 我試了一粒中間啡色的 "雀巢" , 香酥而甜度適中, 中間有幾粒夏威夷果仁, 幾好食。

食到尾聲, 可能見我哋非佢族裔, 又生口生面, 先後有人來問尐食物好唔好食, 得唔得...