那天在廚神家歎罷豐富的晚餐, 繼續淺飲謦欬...。
(謦欬, 粵音 "傾偈" 原字, 見於<莊子>。早前剛和同事說起粵語的音和字 ~ 其實粵語有時還真的古雅得很......簡直古雅到一塌糊塗 ~ 哈, 謦欬!!!
)話說兩姑嫂說著說著, 不知如何, 竟約了翌日(昨天星期日)去逛公司; 隱約預見會有兩隻金翅身虎鳥在偌大的商場內低迴盤旋...
中午出動, 廚神夫婦落嚟接我哋...
星期日商舖開得晏, 好些接近中午仍未營業
行了一陣, 索性去食個BRUNCH先
笑 ~ 因為知道有鏡頭影佢
整緊我哋個PIZZA
叫了兩個差不多的 ~ 不過好像影漏(刪?)了一個
不見了的是波蛋鹹牛肉
這個是煎蛋火腿
整個不見了的 ~ 這是部份遺跡
PIZZA冇上次去食 "私房菜" 那間咁好食, 不及其薄身和香脆...
食完進入正式主題...
三人行...(商場), 必...破鈔焉!
哈哈, 我哋比較少來這套...
兩隻雌的金翅開心鳥四圍飛, 四圍瞰, 尋找獵物;
呢兩隻雄的金翅身虎鳥一有機會咪停咗喺度爭取休息囉;
好在這裏沒香港那麼多內陸鳩鳥, 尚容易搵到枝棲;
兩隻都叫做有伴, 好過得一隻咁孤另吖
行到近黃昏...專攻減價貨品, 兩隻開心鳥各有收穫。
返我處抖陣, 再出去食飯
------------------------------------
這星期改行夏令時間...撥快一粒鐘, 與香港剛好相差12小時
今天早上去去圖書館, 就匿喺屋企攤抖
近兩天食得勁, 又飲了些酒, 個胃有尐頂住、噯酸(係我唔係大人, 萬勿誤會!
) ; 今晚簡簡單單調節下腸胃...雜菇雞柳撈壽桃粗
食咗唔夠一半...
拖手仔係好平常事，結婚第一日，已經有執子之手，與之偕老的誓言。雜菇麵＞正！
回覆刪除[版主回覆03/12/2013 11:11:59]是習慣問題, 大人鍾意撓手; 我就比較鍾意搭住大人膊頭...但有時佢嫌我借晒佢力, 話好重...
兩隻開心鳥各有收穫，身虎鳥都應該分到 D 戰利品。
回覆刪除[版主回覆03/12/2013 16:01:58]有!!!... 身虎鳥遲尐咪分到自己隻開心鳥那天所簽的信用咭賬單囉....
Good day to walk around the mall! The restaurant looks very nice!
回覆刪除[版主回覆03/12/2013 22:52:28]放假無聊, 行商場於我也是無聊!
餐廳地方和服務都不錯, 不過食物一般, 但就不算貴。
而家互聯網非常方便，即使天各一方，有尐乜嘢事，都可以對住部腦，大家謦欬吹水，唔使等郵差揈封信入信箱...
回覆刪除[版主回覆03/14/2013 11:51:46]我真係靠這幾年打些網誌以及同你哋謦欬打多咗尐中文, 又練又學...; 否則可能廢晒武功了
[goldmine回覆03/14/2013 11:32:12]仲可以睇網誌，學中文
[版主回覆03/13/2013 11:11:01]而且...寄信只單對單, 互聯網可以開十方八方會談...
呢邊現在要C$2郵費寄封信返香港, 重年年加價, 貴到飛起。
有得買有得食又有伴......幸福都應該係咁啫.....
回覆刪除[版主回覆03/15/2013 09:58:31]只是性之所趨啫...
[德肋撒回覆03/15/2013 09:39:29]平淡是福呀........有人陪等都好過一個人"on居居"吖.....
[版主回覆03/14/2013 10:27:10]"兩隻都叫做有伴, 好過得一隻咁孤另吖"
我講得唔清楚; 意思是說, 兩隻金翅身虎鳥這回有伴, 一齊坐響度等嗰兩隻開心鳥, 冇咁悶咋...
[版主回覆03/14/2013 10:05:44]呵, 每個人的要求都不同...
MISS言重了; "幸福" 兩字無論如何是絕對不敢當的;
一向似乎都習慣了隨遇而安, 就 "當時" 所 "賦予" 給自己的生活條件, 得過且過, 平平淡淡、簡簡單單, 渾渾噩噩, 就此而已...