暑假吃得較為放肆, 終於吃出禍來。早日天雨欲作之際, 隻腳趾公旁那突出的關節又開始隱隱作痛...。
啪丸之餘, 剛好在收音機聽說飲生薯仔汁有消弭痛風之效
; 此外, 之前還聽過不少幾乎能醫百病的渲染說法。一向對這些偏方的效用存疑, 大人卻慫恿我不妨試試。既然大人不怕麻煩, 即管做一次白老鼠, 相信也不致飲壞人....。其實啪了四、五粒止痛藥之後隱痛已消, 不過目前仍然隔幾天便榨杯來飲, 看看是否可以減少發作的頻率。
昨晚又榨了一杯...
生薯仔汁味道其實不大討好, 於是用一個薯仔, 隨意加個生果(梨/蘋果/甘筍...)
榨完將渣再打爛...
"全力" 壓榨多一次; 果然重有...
即榨即飲
薯仔汁可否医痛风真係唔知，但記得有次睇電視訪問詹倍忠，佢話患cancer 期間，每曰飲一公升薯仔汁，飲左半年，腫瘤得以舒緩，不過佢話要生磨，不可機榨，話會破壞啲 texture etc..
回覆刪除Anyway，希望你個痛风快啲好返。。。
[版主回覆09/05/2009 14:11:00]D舊同事亦提過, 不過我唔係幾信單用薯仔汁就可以搞掂聞之色變的惡疾。那次在收音機聽可醫痛風, 似乎係林嘉華訪問周兆祥時說的, 我見都幾簡單, 好多人又話呢樣好、果樣好, 諗住試一陣看看後效如何, 至少應該唔會飲壞人卦...不過凡事過則為災, 都唔敢飲太密太多的。
唉!腳子公痛,大人心更痛.
回覆刪除所以話補重身體,由如孝敬大人.
所以好多時,好似你咁,橋埋雙手孝敬大人架
[版主回覆09/05/2009 14:28:00]呢次濕濕碎啫, 重行得郁。 我都算保重身體架罅, 冇咁痛就連續三日去行跑步機, 好彩都頂得住, 哈哈...
隻腳趾公旁那突出的關節又開始隱隱作痛...。痛到會自動跳...!
回覆刪除我痛咗十幾年......針炙好番!
[版主回覆09/05/2009 14:38:00]邊瓣唔妥? 唔會只因痛風就咁神心去受針架...
好唔好飲呀...
回覆刪除梗係冇你買卑豬仔杯Honey Melon Parfait咁好飲... 加個生果溝埋, 還可以咁喇
回覆刪除飲佐有無肚痾? 痛風症好難斷尾,經常復發.保重.
回覆刪除[版主回覆09/17/2009 01:43:00]哈哈, 咁又無... 痛風乃不治之症, 希望可以減低發作的頻率, 唔駛食藥和戒口太清, 已於願足矣。