不記得從許久之前的何時開始, 都習慣了在家只會喝茶。
從前工作的日子, 辦公室有蒸餾水機及熱水壺, 貪方便就飲清水。加上早、午各一杯奶茶或咖啡, 喝水量已相當足夠。回家後才 "歎" 杯茶, 調劑一下。
所謂 "歎", 對我來說, 不過是一日工作之後, 可以鬆弛一下之意, 並非懂得品茶。那時多沖飲普洱, 且是價錢不貴的普通貨色而已。
別人口中所說的甚麼甚麼茶味層次, 我根本不懂欣賞。 我是 "牛飲"。愛喝濃茶, 喜歡普洱的那種厚重帶苦濃黑, 入口之後, 稍徜徉於唇舌之際, 令人有種充實的感覺。尤其吃過濃膩甘肥, 幾口濃茶下肚, 感覺就是舒服。
移民之後, 仍然保持喝茶的習慣。由於終日閒賦在家, 自然喝得多了些, 所以已不敢再像從前般單喝濃黑的普洱, 而兼之以其他; 隨意改換, 興到一時一樣。
這兩年更加懶和貪方便, 平常多用LIPTON茶包浸泡, 偶然或是在有客人之時, 才用茶葉沖泡。於是家中的茶葉似乎愈來愈多...
No.1
回覆刪除[版主回覆09/28/2009 22:39:00](Empty)
嘻嘻！我是唔飲清水的，我一直以來都是習慣：早上飲咖啡、下午飲綠茶、晚上飲酒（！？）
回覆刪除不過靚嘅中國茶葉，實在太貴，平嘅，又不是味兒和怕有農藥，所以一直多年，我只喝日本煎茶，有時即使身在外邦，都不惜揸兩句中車去小日本入貨。
[版主回覆09/29/2009 06:26:00]哈哈, 覺得清水太過寡淡了吧? 就如你的人生觀... 從前的茶葉尚不致如現在的這麼貴; 可是自己不大懂品茶, 就算有人送我頂級極品, 可能還讓妙玉嘲諷我這只為解渴而飲的蠢物蹧蹋妙品。太貴的茶葉真的不捨得買 , 有人曾經請我喝過一小杯對我來說算是頗貴的普洱, 哈哈, 不錯是覺得幾好, 但花錢長喝就覺得似乎不太值得, 亦難於負擔。所以還是取個中庸之道, 過得去就算了。幸好如此, 正如你說, 靚茶葉愈來愈貴, 飲慣了, 由奢入儉難, 而且慾壑難填...。 許多人對某些生活細節的要求比較高, 而且執著, 這是個人的情意結, 總要自己覺得愜意、享受, 辛苦一些也值得咯。
Tea is not my favorite, but coffee....I like strong coffee, like Spanish or mexican coffee..they are the best!
回覆刪除[版主回覆09/29/2009 09:19:00]咖啡我也喜歡喝濃的, 不過就算從前工作時都僅止於每天一兩杯; 現在平常就以茶代水...。
我喜歡飲茶. 多數飲 " 萬佛朝宗"
回覆刪除茶水部師兄俾嘅!.....貪佢唔濃!
[版主回覆09/29/2009 09:33:00]茶水部那位師兄每日入幾多樽剩餘物資俾你? 俾得多你飲唔晒, 可以拎去效外賣, 賺些外快!
哈哈！想不到你連石頭記都熟讀，勁。
回覆刪除我也曾試過友人送的小小量極品普洱，真是齒舌留草，才首次明白到世叔伯教的什麼氣入丹田，但當年以經賣成幾十萬一斤，飲唔起呀。所以後來好唔捨得飲，就算飲都沖成五、六次，結果當然還是飲哂啦，所以我才明白到古代二世祖，為何可以品茶，都飲哂副身家。
在家很小泡中國茶了，因為貴嘅買唔起，而且我還是喜歡日本茶的青草腥味。
嘻嘻！中國四大奇書，紅樓不是至愛，我獨愛三國，下次你 quote三國呀！
[版主回覆09/29/2009 11:07:00]非也。人云亦云架咋。 我試過慕名揭看紅樓兩三次...不過每次都只係睇一陣就掩卷 冇興趣追下去。亦試過偶然隨機抽看 , 總之是東一忽、西一忽, 看來是未夠水平欣賞, 也沒打算看畢全書。倒是金庸的武俠小說自射雕始, 有些反覆看了幾遍。 哈, 我說那次人請的一小杯貴普洱, 據說當時不過是一千元左右一兩。你那些天價的遠年普洱茶餅/茶葉, 今生恐怕是可望而不可即的了。或者今期中秋金多寶一票獨得, 會試吓買一餅見識見識。 女性愛讀三國的我想真的不多, 那不如有機會你引些來說說
除了每朝杯咖啡外...返工多數都飲清水...屋企都係有客到先會沖茶......
回覆刪除[版主回覆09/29/2009 11:29:00]醫生都說, 清水是最有益的...; 起碼D牙都美白一些, 唔駛洗得咁密
想更方便，可以飲樽裝綠茶
回覆刪除[版主回覆09/29/2009 11:38:00]呢樣唔啱飲喎... 計我話若你想更方便, 不若改造自己個循環系統, 將之環保化, 加水一次, 就循環不息, 入而後出, 出而復入, 涓滴不漏; 久久才加一次水...
gold mine： 樽裝綠茶有糖，茶味太人工，多喝無益噃
回覆刪除[版主回覆09/29/2009 11:41:00]那不是我杯茶...
Kitty預祝各位blog友中秋節快樂
回覆刪除[版主回覆09/29/2009 14:04:00]謝謝! 中秋節快樂!!
哈!茶就真係好少飲,除咗上茶樓就保利壽眉,響企白滾水多.
回覆刪除老婆一度一啲積咗好多茶葉添,唔知有無期限呢?
隔夜茶飲咗就會乜乜啫,過期茶葉飲咗,又唔知會點添
[版主回覆09/29/2009 14:09:00]會乜乜... ...哈, 隔夜茶還是隔夜蛋呀? 保存得好, 唔好使潮, 茶葉應該幾禁擺的...
我喜歡0個盒碧螺春呀....,平時在家多數飲綠茶,覺得普洱茶味道太濃,又有d苦,唔多中意飲....
回覆刪除"從來佳茗似佳人", 總是各有所好...。 不說味道, 碧螺春真的似是一位佳人名字, 令人遐想。
回覆刪除普洱好呀... 飲入口喉嚨有種好舒服感覺, 中秋食完月餅唔少得一壺普洱. 現在 d 人話, 茶葉唔可以浸太耐, 否則會釋出致癌物質喎~~~ 好在我飲茶都係一杯斟完又一杯, 一壺飲完就收工
回覆刪除[版主回覆09/29/2009 15:49:00]基本上我好多種茶都喝, 現在多泡綠茶茶包 ... 泡出茶味就取出茶包丟掉, 飲完又再泡。
(Empty)
回覆刪除[版主回覆10/01/2009 11:10:00]多謝MISS; 中秋節快樂!