大人近來疏於廚政---昨天收工說攰, 今天又要往做 "飛SO" 晏了, 所以兩日都在外頭開餐; ......至於明天......?
17/6(三)
日式自助餐@$14.99
雜拼刺身
辣吞拿魚手卷、鰻魚及魷魚壽司、沙律
牛脷、半生牛肉刺身
<考一考各位, 不知見到上下這許多款不同食物, 有沒有發覺其中一點特別之處?>
三文魚頭、天婦羅蝦、炒雜菜、雞翼+蝦、煙肉金菇卷...
左下角那碟壽司本來是叫刺身的, 豈料大人劃錯位置, 於是無端多了十幾舊飯, 要我哽埋..., 嘿, 蝕晒底...。
唯有再叫多轉刺身...
有來有往...
當日落狗屎, 順便可以免費洗車, 洗得還算乾淨
...特意在餐廳揀了個窗口位置(目及)實架車...
18/6(四)
阿一小廚
例湯---豬肉煲合掌瓜
枝竹豆卜茄子豆腐班腩煲; 大大的一煲 ($8.99)
涼瓜牛肉($6.99)、白灼蝦($2.99)---都是特價菜
大人最愛吃這裏送的飯後甜品---豆腐花, 又熱又滑!
Morning ~ 食早餐先 !!
回覆刪除[版主回覆06/19/2009 10:09:00]早晨, 貓姐! 自便咯...
都係日本菜吸引d... ...特別之處?...
回覆刪除[版主回覆06/19/2009 11:01:00]等你諗吓先, 得閒入黎望多兩轉... 今晚收市(4:00)開估...
我望咗好多轉...除咗有得睇無得食之外...我諗唔到喎...
回覆刪除你咁克意影有來有往張相..關鍵肯定响呢樹...但我諗唔到..淨係睇到食淨好多舊飯咋..
回覆刪除會唔會係.........同款野..刺身變壽司?? 變咗咁===>
回覆刪除考起兩位心水清、轉數快見稱的...... 提示：不必太過鑽牛角尖的啊...在平常之處見端倪...
回覆刪除再提示：和刺身沒甚麼關係...
回覆刪除呢張要轉番90度
回覆刪除[版主回覆06/19/2009 15:58:00]是啊, 但LOAD完上相簿(在相簿無得編輯?)先發覺... 咪就咁囉
叮 ……夠鐘……答案係… D碟全部乾乾淨淨… 全部食物冇加醬汁---饅魚壽司、沙律、牛肉刺身等等都冇加料… 大人一向食得比較清, 怕了一些食物亂咁落古靈精怪的醬汁。日式食物好多整好之後都加些甚麼甚麼醬汁淋在食物之上, 令本來相對清淡的原味變得太濃, 甚至唔好味。 為免麻煩逐樣講要定唔要, 我們索性寫在單上： 請免後加醬汁 。落單食物全部 “整好之後不需再添加醬汁”(另上的就無所謂! 煮之時要落的當然照落)…哈, 事頭婆又幾認真, 幾轉單真係交帶一滴醬汁都冇加到落去… 刺身原該沒汁, 所以提示說對解開謎團沒關係, 冇亂點者也…
回覆刪除唔好揼我... 去也, 早抖!!
回覆刪除嘩!又有好嘢食,梗係又斬獲.
回覆刪除估乜鬼,有得睇冇得食
[版主回覆06/19/2009 19:11:00]嘿, 咁計我呢兩日......應該絕食!
又唔使絕食嘅...食..........豉...............啦!
回覆刪除[版主回覆06/19/2009 20:27:00]所謂豐茲吝彼(即有網友曾經說過的做人多數有一瓣、冇一瓣), 在食方面我似乎尚算得天眷顧多DD(換言之即係其他如錢等等就冇囉), 就算食...豉...都會食著豆, 至於那...豉...就不敢奪愛, 留番俾你......食喇!
有無搞~~~~~錯....完來order唔落汁...叫人點估呀...汁你一身呀嗱..
回覆刪除[版主回覆06/20/2009 00:38:00]有相可憑架喎------君不見隻隻碟搵滴汁睇吓都冇咩? 雖則我地要求比較怪雞, 若然唔係, 我點會話 "一點特別" 之處啫? HAWA? 星DOY...
嘩,星期三0既日式自助餐好多嘢食呀,D刺身好大件 ...星期四"阿一小廚"睇來都好好味呀 ...星期五自煮餐應該更有風味?
回覆刪除[版主回覆06/20/2009 18:42:00]星期五的確是別饒風味呀 ---微波爐叮熱星期四晚的阿一隔夜餸---匆匆食完, 要去同家人講手!