身邊 "風景" 之(2)

謝師禮物
小班教學, 學生人數畢竟不多。大人返學最後一天陸續收到餘下的 "散學謝師" 禮物一覽...


信封內的是美容/纖體禮券...

TIM HORTON  咖啡店及PC消費咭, 比較實際...

學生親手(?)所製, 這 "小花" 當然特別令大人覺得窩心

-----------------------------------------------------------------


睇醫生
早前自從吃了一味椒鹽蚌膽之後, 口腔黏膜隨即出現數處潰瘍(可能對椒鹽比較敏感, 屢試不爽), 時好時差, 嚴重時一邊頸側淋巴位置還有些腫脹。稍後口腔潰瘍好得八九, 可是差不多三個星期, 淋巴核始終仍未消散。近來條頸活動更似乎有些不大自然, 時有牽扯不適和輕微脹痛的感覺。嘿, 記得坊間說過無名腫塊經久不愈..., 忐忑之下, 愈想愈驚, 昨天唯有去找家庭醫生傾偈。告訴醫生條頸有D唔妥......, 醫生首先照探嚨喉, 然後在條頸周圍摸周圍按..., 摸吓按吓(我一路瞄住佢表情)...好一會, 又叫我將個頭上、下、左、右郁來郁去, 看完才開口說："喉嚨幾紅吓喎, 有D發炎, 你唔覺(口既)咩...?"

一聽他如此說法, 總算放下一半心頭大石, 便由得他哦 。"係喉嚨發炎引致淋巴炎, 食劑抗生素睇吓打散佢喇..."。忙不迭應好; 祇不過又要捱七日了。
條頸雖有輕微脹痛, 尚不致要吃止痛丸卦? 不過, 既開之則配之, 攞定都無所謂, 真係好痛先食...

-----------------------------------------------------------------

食番餐

睇完醫生, 心情為之一鬆。大人開始放假, 從此有兩個月不必早朝, 我亦不用做早更司機。 "病" 都要食番餐慶祝, 兩個人終於去了食自助火鍋。


幾十樣湯底材料及調味配搭

大人口味偏淡,揀了皮蛋芫茜昆布窩底

開爐前幾款小食...

一次過送的兩位用海鮮碟

每人一大杯酸梅湯

全晚祇吃了牛、羊各一碟; 大人完全不吃羊, 牛肉又不靚(失望!), 她只吃了少許, 由我包晒。最後都剩1/4牛肉沒吃完浪費了。
自打墨魚丸和牛肉丸不差, 不過太大粒; 豬肉丸則未見佳處。

薄牛展片

鍋分兩邊, 我地習慣一邊放不肥的食料及瓜、菜等, 另一邊才用來淥肉和放一些出油的食料, 兩不相溝, 則食菜之時不會沾惹太多油脂。

大人無魚不歡, 三文魚頭腩當然不如青班, 好過冇!

甜品荳腐花---掛住食, 唔記得影, 好在臨尾還有些少...