九月二十二日(農曆八月廿三)是秋分, 在節氣上原來已開始踏入秋天。近兩星期果然明顯涼了, 早晚都只得幾度, 外套又要出籠。入秋短短兩個星期, 許多樹葉已經悄然換色, 相信再過得一陣, 又是今年賞楓的最佳時間了。
大人學校外邊......(接放工隨手即興之作!
)
照片拍完, 大人亦夠鐘放工, 匆匆往買料打邊爐, 以踐中了649請大人食餐之諾。
買著買著..., 陣勢枱面排開, 看來兩個人肯定食唔晒喇!!
兩個人在家打邊爐, 怕煩就簡, 捨正式電邊爐鍋不用, 就在電爐
之上用個細煲仔, 另有風味......由大人掌勺分食, 我就坐享其成,
頗有點兒吃"殘廢餐"的況味!
早一日預備的蝦膠
螺片、青斑、肥牛...都是熟口熟面的自家火鍋食料
料鮮味正, 尤其 "大人牌" 蝦丸爽口彈牙, 只可惜腳痛剛癒, 未
敢一啤, 美中不足啊!
香港呢邊亦都初起北風,早夜都帶點涼意...舒服極...最LIKE呢D天氣... 兩個人咁多野食...好似多左D喎...仲要大伯娘服務周到,今時今日咁既服務態度...香港有救囉....
回覆刪除都係諗住食唔晒可以留番第日做餸料唔會嘥先買多些少啫, 兩丁人自己整同出外食都有這般煩惱------少就偏寡, 多又食唔晒。 你叫星女得閒入黎望吓囉, 咁或者你都可以......。
回覆刪除款多份量少咪得囉...咁就唔會偏寡啦... 我就比較犯賤...唔鐘意比人服侍架呢...打邊爐最好都係自己霎吓霎好d...
回覆刪除[版主回覆10/07/2008 14:16:00]買(口既)都差不多係起碼最少份量罅... 正常梗係自己淥俾自己食啦, 不過喺屋企用電爐就要移船就磡, 泊位又唔夠兩隻船一齊喎, 於是咪由大人泊埋位, 做埋加工兼運輸LOR!!
嘩真係好多喎，食剩留第日食，咁唔留第三日第四日第.....
回覆刪除[版主回覆10/08/2008 16:06:00]食剩果D今晚一餐已經食晒罅! 等陣出多篇 "菜式" ......
哈, 講起蝦膠... 大嫂有冇用d "澄麵粉"去醃呢 ?!
回覆刪除記得海馬講過話會爽口彈牙d... 唔會咁"削"喎 !!!
[版主回覆10/09/2008 11:05:00]噫, 好耐冇見咯喎... 大人似乎冇落 "澄麵粉" (?)(口既), 佢預先隔夜整定-----"顏" 爛D蝦膠, 向住一個方向搞至起膠, 裝好用保鮮紙封住放入雪櫃, 第二日先攞出黎煮食, 咁D蝦膠就爽口彈牙。 不過試過一次衰在我手上, 我剝蝦之時, 以為將蝦頭D膏加埋入D蝦肉度會香D, 點知果次食落就有DD霉霉地, 俾大人教訓左幾句。
哈, 唔係好耐啫...
回覆刪除大嫂做法過程冇錯... 下次叫大嫂 try下加d澄粉, 記住唔使落咁多喎 ~
[版主回覆10/09/2008 11:35:00]......不過, 澄粉即係乜粉? 豆粉呀?
澄麵粉 ~ 應該係麵粉果類 啩 ?!
回覆刪除哈, 呢科你問下大嫂.... !!!
[版主回覆10/09/2008 12:40:00]哈, THANKS!
嘩！咁多美食，一餐肯定食唔哂啦！
回覆刪除好啊！遲 D 等你再影多 D 楓葉相，我最鍾意架啦！
[版主回覆10/15/2008 04:35:00]噫, 你忙完嗱? 現在陸續轉色......不過呢幾日有些少感冒, 攰攰地, 唔想郁; 等精神番D就會出動睇吓有冇景...? 本來十月四日住處搞左個賞楓團, 不過恐怕日子太早, 好多樹葉都未轉色, 所以冇參加。若時間湊合, 好多偏遠地方D楓葉濃密絢麗, 真係非常之靚。
當然等您身體無恙才外出拍攝轉色楓葉相啦！
回覆刪除當年我也由多倫多北上魁北克省時沿途也見到很多轉色楓葉，真的好令人懷念！
[版主回覆10/15/2008 09:52:00]呵呵, 旅行家足跡遍天下... , 講真賞楓睇相點及現場實景咁燦爛及咁多層次丫, 尤其我D架生同攝影技術都咁雞......哈哈!
亞大：真係好想可以飛去你嗰邊睇下紅葉，見到如此美景，有Ｄ後悔當年唔過嚟添 。
回覆刪除[版主回覆10/26/2008 23:24:00]來日方長, 暫眼睇住相先啦...