今天是網雀戰期，卻只能打完首輪兩圈就要早退，因為另與主任有家雀之約，夠鐘先往飲茶。今早網雀難得淨飯王落場客串，不勝驚喜之餘，重憶去年中山一役，有人歡喜有人愁，亦慨歎時光流逝。淨飯王果然客氣，神龍乍現，給了見面禮後即復隱沒雲端，當不知何時再有機緣現身，難免怏怏。
目前真雀殺得如火如荼，主方戰略先派大人上陣。自己小睡片時，然後蓄銳以臨，搴旗斬將，有厚望焉。
後記：晚飯後我臨尾三圈又趕往打臨時加場之"暴風網雀"，由大人收拾家雀殘局，當時贏兩底左右；大人埋位後一度倒輸五底，可最後運高補章之不足，連連食糊，埋數淨肉(抽水飲茶、食飯)終贏十底(C$50)收場。哈, 車輪戰術又奏凱歌！
飲茶前將搵食工具準備停當，以迎佳客(佳腩?)。
首圈開戰途中......
此舖大人對對糊, 下家混對索子有突正拆對5索, 大有威脅。
......在對死7索之下, 終於大人自摸9萬五番，殺出重圍!
噫...乜琴晚用多多A/C打緊個果係淨飯皇黎架....到而家至知添 哎呀..又錯失左次機會同淨飯王切初下添.. 真雀賽果如何呀?....大伯....會唔會係正常賽果呢??
回覆刪除[版主回覆08/06/2008 09:37:00]淨飯王客串打左一舖咋! 重有三圈, 打穩陣腳之後再派大人同主任周旋... 我上黎睇下網雀環境!
既然大人先打，網雀可打耐D啦﹗
回覆刪除[版主回覆08/06/2008 09:35:00]要齊齊先去飲茶嘛!!
淨飯王客串只打左一舖, 就咁送左大禮比阿大... 真唔話得
回覆刪除[版主回覆08/07/2008 04:32:00]佢係好腳黎架，非常利我......至目前和他只打過一真一網；去年回港蒙網友熱情招待，其中同遊中山一役，與法師、GM及淨飯王通宵切磋而僥倖讓我大捷，小人得志，至今仍津津樂道；之後與與淨飯王雀枱一別逾年，昨日始再越洋一會，打一舖即送禮，喜何如之!! 此佳腳實在不勝惦念之至!
你賊公婆,真雀網雀都玩曬,邊夠你地玩呀...就黎到16號...目標仲未達到添..
回覆刪除[版主回覆08/07/2008 10:15:00]雌雄雀盜月中藉以幫補生計, 睇開D啦! 目標呢個月唔得, 咪下個月先囉。