號外---冷得我騰騰震呀!
剛才吃過晚飯，正在清洗碗碟之際，洗着洗着…發覺水溫愈來愈低，由熱水變溫水，再由溫水變冷水。心知不妙，到爐房一看，果然見到熱水爐顯示燈熄了，意味發生故障，沒有熱水供應……，亦無暖氣！ 清楚情況後急忙立即打24小時緊急維修電話求救，最快要等到明天上午才有人來修理。無可避免今晚要度過一個寒冷的晚上！
今天日間氣溫徘徊0度至-4度左右，半夜會再低幾度。現在屋內最暖的地方只得18度左右，看來接近天亮時還會再低三幾度。目前坐在電腦之前睇機, 已加穿了一件外套, 還有些少寒意，不知是真的因為屋內溫度下降，還是股市又跌了逾千點；稍後上床尚不知能否如常入睡......
咦！我又做 第一 ！
回覆刪除咁您要諗諗辦法去保暖， 保重保重！
回覆刪除跌逾千點，唯有希望在明天！
[版主回覆01/29/2008 02:51:00]屋寒更兼逢跌市......
咁凍冇暖氣就唯有焗冷氣﹗
回覆刪除[版主回覆01/29/2008 02:54:00]焗冷氣......冬天無暖氣, 庶幾近焉!
你地不如通宵打邊爐啦，滾下滾下、烚下烚下，有D蒸氣，會暖D。
回覆刪除[版主回覆01/29/2008 02:57:00]而家搞到D火就滾下滾下, 人都烚下烚下...
最實際係加多兩件衫啦!!
回覆刪除[版主回覆01/29/2008 02:58:00]已經加衫、加褲, 加埋襪添呀!
快快快，點壁爐取暖。
回覆刪除[版主回覆01/29/2008 02:59:00]我地間屋冇壁爐架, 陰功!
咁咪要斬晒你屋外 D加松當柴燒？
回覆刪除[版主回覆01/29/2008 03:03:00]冇壁爐、冇柴爐, 有碌松響度都冇用!!
又撞車，又無氣，老鼠頭 啱啱 開始就唔多老利，流年唔掂喎！都係搵鵝頸阿閃幫幫手啦！
回覆刪除[版主回覆01/29/2008 03:06:00]埋年流流先搞兩劑濕滯野, 希望僅此兩單, 負負得正... 一定要買新年金多寶!!!
梗係跳上張牀度, 蓋多幾張被,
回覆刪除點著個炭爐啦. haha.......
開玩笑咋,唔好嬲呀!
[版主回覆01/29/2008 03:22:00]為左取暖, 都要一試, 但係...又驚唔知醒喎!!
昨晚帶着寒意睇完市後立即縮上床, 蓋張厚被, 不過都只能輾轉淺睡一陣。早上送完大人返工，又要將部車拿去修理, 以及租車暫用(保險包埋)。幾分鐘前剛接電話, 熱水爐維修人員正在途中...唉, 希望稍後一切回復正常。
回覆刪除呢趟真係麻煩，修理技師睇過, 話D喉好似漏GAS, 要搵人一係做壓力測試, 一係換晒D喉管, 搞掂再通知佢地黎換個個新熱水爐, 話有危險唔肯整, 唉, 睇黎仲有排搞矣......
回覆刪除中國正飽受大風雪侵襲，七千萬人受災，阿大遠在加國，亦與中國人民心連心，感同身受。
回覆刪除[版主回覆01/29/2008 10:50:00]豈敢, 我環境算好少少!
梗係跳上張牀度, 蓋多幾張被,
回覆刪除點著個炭爐啦. haha.......
開玩笑咋,唔好嬲呀!
***************************
唔怕啦! 點著個炭爐唔會死啦! 點著個炭爐裹面D炭先會有事....!!
[版主回覆01/29/2008 10:53:00]點着個炭爐梗係唔會死, 但索得多燒緊D炭會有事丫嘛...!!
哎o乜！真係攪出個大頭佛啦！一於唔好修理住，全部返港避寒及過年，一路住到加夏才回去全屋裝修，換喉換爐啦。
回覆刪除[版主回覆01/29/2008 11:07:00]哈, 我夠想唔理咯, 但係始終都要解決, 唯有按步就班逐樣做; 要返香港我諗暫時排到最尾喎...
諸事欠妥，又唔想搵鵝頸阿閃幫手，仲有一個好辦法，就係沖喜。宜家放響面前現成一件喜事，就係四仔鮑風車草果件，趁住仲有幾日至過年，一於快手快腳拉埋佢，大嫂同阿大就即刻去機場等機位返黎，落機就直去酒樓飲呢餐「草包聯婚」，既可避寒擋煞，又順便返港過年，實在一舉幾得。阿大唔駛驚經費無著落喎，金多寶就開，我地條過三關一定掂！阿大可以坐響度等分錢！
回覆刪除[版主回覆01/29/2008 11:16:00]佢地單野不透半點風聲, 連你都係估估吓, 會唔會已經搞掂晒你都還蒙在鼓裏?
大哥要繼續唱：唉！冷得我騰騰震.....真係震到入心，金金主你好快溶D金俾機票我地返港飲你「草包聯婚」個餐啦.......好凍呀......！
回覆刪除[版主回覆01/29/2008 12:04:00]而家由底到面着住四件衫(薄口既啫!)睇機, 應該唔駛再嬲張席添嘞卦?! 今日升番幾百點, 個心冇乜震咯。
阿大，起身啦﹗
回覆刪除[版主回覆01/29/2008 12:05:00]咁快敬酒耶???
老鼠頭都未開始，應該係豬尾運唔掂喎，都係去還個神囉。
回覆刪除[版主回覆01/29/2008 12:17:00]反正豬尾就過, 些少不順啫, "天阨我以遇，吾亨吾道以通之。" NO BIG DEAL ! 夠唔夠Q?!哈哈!
左手斬鼠頭，右手去豬尾。
回覆刪除[版主回覆01/29/2008 12:31:00]希望大家時時都諸事順利啦.
亞大，今日李四叔出來見傳媒，佢叫Ｄ人唔好再叫佢做股神，佢謙稱自己只是普通股民，佢後來俾記者問有邊隻值得推介，佢話神華喎，睇吓會唔會變成神話先？
回覆刪除[版主回覆01/30/2008 05:56:00]你會唔會跟番D呀?!
有番溫暖未﹖
回覆刪除[版主回覆01/30/2008 12:08:00]約左人星期四換喉, 要租吊雞車伸臂上屋頂做, 而家有兩家一齊, 平左些少。換完喉先約煤氣公司換爐, 樣樣順利估計最快也要下星期初才掂! 而家沖涼要去柏文那邊游泳池更衣室度沖, 麻煩!
阿大﹐ 天氣凍要多加保重才好啊 !!
回覆刪除[版主回覆01/31/2008 11:59:00]大家咁話喇！ 而家環境你更加要小心身體耶!
有電力供應可以用電暖爐、電氈、電椅......
回覆刪除[版主回覆01/31/2008 12:20:00]幾樣都用唔着喎。煮食用電爐, 不過呢個星期幾晚都冇喺屋企煮飯咯...免得過濕少D凍水。 呢邊這幾天凍番D, 出面得負幾度, 室內閂冚晒就約15/16度, 平時我地校21度左右。我諗而家我在屋企D凍法同喺香港差不多, 日間在家要穿多一兩件厚衫，睡時蓋張絲棉被(平時一張薄被就掂)。
gold mine分分鐘可以坐電椅! 好犀利....!!
回覆刪除[版主回覆02/01/2008 15:24:00]GM己之所欲, 推以及人!
(Empty)
回覆刪除阿大,攪掂未呀?
回覆刪除[版主回覆02/01/2008 21:13:00]仲未呀! 昨天開始換喉, 要整埋今天。整好攞左換喉證明才通知煤氣公司換新熱水爐。我諗點都要下星期中先掂。唉, 非常唔方便。
嘩，乜攪咁耐呀？凍死亞大嘞，陰公！我都開咗暖爐同d貓一齊取暖了。你嗰邊咁凍點頂呀？我返完今日就放到初五先返工嘞，咁鬼凍點大掃除呢？不過我都係想有個凍嘅新年！在此預祝亞大心想事成先啦。四叔d貼屎，我都唔會買啦！佢係大戶都唔知係咪等出貨，吹咗風你地d傻佬咪入囉，而家美國都唔知攪成點呀？都係小心d好嘞！
回覆刪除[版主回覆02/02/2008 14:28:00]凍可以着夠衫, 但係在家一濕水...嘩, 冰赤程度簡直有如十大酷刑, 痛苦!! 你成日呻做得辛苦, 連放咁多日假, 認真休息吓啦!...... 不過多數到放假又不甘寂寞, 靜唔落黎架喎?! 係呀, 正貼屎, 呢頭話神華, 果頭跌逾半成, 死未! 現在市勢反覆, 要揀股買, 但係買邊隻呢...? 唔地頹...!
阿大， 呢幾日換咗部電腦， 但係中文軟件有問題，尋日連中文都打唔到，今日用咗個新軟件，但就好難，唔方便，打幾個字都打好耐呀！ 不過情人都要多謝你一聲先得呀
回覆刪除[版主回覆02/03/2008 00:28:00]唔駛客氣! 打中文同以前用(口既)唔同左咩? 新機慢慢適應吓啦......
真係好頭痕耶！ 好多字都成日出唔到黎，所以唯有留言都要從簡先得耶
回覆刪除[版主回覆02/03/2008 15:24:00]你電腦醒, 唔掂實整到掂(口既)!
放呢幾日假唔係用來休息，亞大！因為自己平時懶又無錢請工人，所以每年都留幾日大假用來大掃除。平時又懶有文化咁睇Ｄ小說呀、雜誌呀、報紙副刋專欄呀，都要清理，因為我地一日早晚都要裝香拜佛，所以間屋係好黃，成日清潔就無事咋，一年一次都好大鑊，今日打算在家清潔一Ｄ先啦，明天要去俾相人同收錢，跟住去睇醫生做保健，平時無乜時間去睇通常趁放假就要去使下錢嘞。年紀大身體壞，Ｄ職業病無計啦！
回覆刪除[版主回覆02/03/2008 15:40:00]要返工梗係咁架啦, 等放假辦D私事。過年前忙幾日大掃除, 執乾淨D, 心安理得。以前我住屋邨, 一個人髹屋, 又執、又搬、又髹, 一日都做唔掂。而家比較好D, 日中得閒做吓清潔, 唔駛逼埋過年前一次過咁辛苦。而且今年講左全部在初三星期六大家放假約埋一齊團拜, 一劑搞掂, 唔駛逐舍去, 又唔駛係屋企招呼人, 樂得簡單, 我十分贊成!
亞大..................................變咗雪人未呀!!!!!!!!!!!!!!!!!!!!!!
回覆刪除人地話, 食幾多, 用幾多,整定架. 有Quota 架!
係咪你年頭大洗, 用哂D熱水,煤氣Quota 咁呀!!!!
[版主回覆02/04/2008 10:46:00]好在呢一兩日開始暖番些少......徘徊零度左右, 冇咁難捱。 我都諗係有quota(口既), 所以呢輪要我用少d, 駁長分開黎將來用, 應該係好兆頭黎
咦! 係噃! 我而家都應該要用少D d時間 ......駁長分開黎將來用..........
回覆刪除(Empty)
回覆刪除[版主回覆02/04/2008 14:08:00] 多謝!!!
阿大 ,
回覆刪除預祝你戊子年身體健康, 心想事成,開開心心.
[版主回覆02/05/2008 01:34:00]多謝! 大家咁話啦!!! 再加特別利息：食得瞓得...!!!!!
阿大， 你唔係凍到要成日呢埋呀？ 點解咁少見你耶
回覆刪除[版主回覆02/05/2008 14:16:00]今朝同個香港朋友講左差不多兩個鐘電話, 未得閒周圍貢耶...
乜仲未攪掂呀？！
回覆刪除[版主回覆02/06/2008 08:49:00]等安排時間換新爐, 希望呢個星期搞掂啦, 今日暖番一日, 未來一兩日又落雪凍番...唉
加國饞人喜迎新, 功力日增半食神
回覆刪除天南地北嘗珍味, 鮑參翅肚化體温
UP得就UP無顧忌 老少咸宜阿大人
洞悉先機快一步 狗馬股票全變金.......... 全...........變金 !
[版主回覆02/06/2008 10:11:00] 多謝!! 喺呢度同箭兄拜年......恭喜發財, 祝身體健康, 闔府平安。 豪豬一箭越關山, 鼠年猛進捧金還, 星光大道同樂樂, 伉儷藝精譽港灣。
(Empty)
回覆刪除[版主回覆02/06/2008 11:03:00]大家咁話!! 打和算啦!!!!!
祝你股海亨通，步步高陞，阿大嫂笑口常開。
回覆刪除[版主回覆02/06/2008 11:02:00]多謝!!
我衷心祝願您
回覆刪除「身體健康」
「心想事成」 「新年發大財」
[版主回覆02/06/2008 11:12:00]多謝多謝! 大家咁話。
回覆刪除[版主回覆02/06/2008 12:49:00]哈哈, 多謝晒!! 大家咁話!
意頭幾好，可惜曇花一現。
回覆刪除大哥、大嫂：祝股市上揚，股金滾滾來。
回覆刪除[版主回覆02/06/2008 22:10:00]夢夢, 以為你又返左中山過年添! 我都祝你同族人身體健康, 財運亨通, 萬事勝意!!
鼠年順利﹗ 身心康泰﹗ 恭喜﹗恭喜﹗
回覆刪除阿大， 情人同你拜年！ 祝你一家老少平安， 身體健康，更祝阿大長搵長有，天天發大財
回覆刪除[版主回覆02/07/2008 12:11:00]多謝多謝!! 我諗你住果度過年冇香港咁熱鬧, 甚至或者不及多倫多(?), 咁而家喺網度懷緬番吓過中國年的氣氛都幾好丫......我自己都係架!!! 祝你和家人在彼邦生活愉快, 開開心心!!
(Empty)
回覆刪除[版主回覆02/07/2008 14:09:00]多謝! 你好似放正年假喎?!啱啱拜完年耶?又話唔駛戒口嘞, 食左幾多賀年食品咁呀???