初二遇貴人---吉
家中沒有熱水、沒有暖氣接近兩個星期，尤其是在天寒的日子，過得實在不甚愜意
。每天要走過去柏文大廈游泳池的更衣室裏洗澡；盡量避免接觸冰冷的自來水，期間沒在家裏煮飯；……。
找人先換了合新規格的氣喉，煤氣公司然後才肯裝換新熱水／暖氣爐。經過幾重程序，終於等到年初二中午來裝新爐，過程尚算順利，以為就此苦盡甘來，可以鬆一口氣
。豈料技師走後發覺熱水供應雖已恢復正常，暖氣系統開了好一陣，吹出來的卻仍然是涼風！唯有立即又再繼續逼迫煤氣公司跟進…，擾攘一番
，終於在晚上十時許等到一位當值的漂亮女技師(似乎是意大利人?)上門。知道問題後，二話不說，立即站高在爐房天花暖氣系統的喉管內放了幾桶水出來。我當然要問原委，原來之前停開一段時間，管內空氣阻着熱水流通(其實我仍然不大明白其原理?)
，需要放清管內的 “氣” 和“水”，新的熱水才可以通行無阻造成暖氣輸出。這位女技師的確專業和細心，解釋清楚詳盡，更難得並不計較，本來她們只負責熱水爐的問題，只要熱水爐運作正常，便不關煤氣公司的事，可以推諉要我們另找暖氣承造商處理!在她這完全是可以拒絕、不是份內的半小時深宵額外工作，可在我們卻是連日煩惱的終結!!
呵, 多可愛的 送暖“貴人” !!!
初四嚴寒---凍
今天氣溫由初三的攝氏零下4度劇降至攝氏零下18度！加上風凍效應，給人的感覺直低至零下卅度，是今年入冬以來最凍的一天。
深夜在弟弟處家庭日(開枱!)之後回來，幽暗的路，車影疏落，人踪杳然，顯得格外深沉肅殺。
在電腦之旁聽着窗外刮着呼呼的風，暖和的室溫，室溫的暖和，比起兩日前......
(Empty)
回覆刪除恭賀您：
回覆刪除一家和和睦睦；一年開開心心；一生快快樂樂；一世平平安安；
天天精神百倍；月月喜氣漾漾；年年財源廣進．恭喜！恭喜！
大家咁話。恭喜﹗恭喜﹗
回覆刪除祝您
回覆刪除買大開大
[版主回覆02/08/2008 03:17:00]呵呵, 我祝東兄
從心所欲! 財運亨通 !
祝你股壇得心應手，買嗰樣升嗰樣！
回覆刪除
回覆刪除新年快樂
阿大，你果邉熱唔熱鬧耶， 相信果邉咁多中國人，一定非常熱鬧啦，
回覆刪除[版主回覆02/08/2008 15:07:00]我住果度多華人, D華人商場內D店舖都幾有氣氛, 好多農曆年裝飾; 新年前後果幾日停車場實爆棚, 要等位泊車...我盡量避免入去貢架!
有無發新年財呀， 情人雖然自已放自已假，不過都係日日唔得閒， 不過又唔知自已忙乜耶，
回覆刪除[版主回覆02/09/2008 14:09:00]年初一昨日同家人開枱, 贏左少少! 做人有時真係難免無事忙, 不過我諗你上網同網友交流都用唔少時間耶! 星期一先返工?
係呀， 上網真係用咗自己好多時間，所以情人心情一唔好，就想執咗間野， 你都知情人上次執過架啦，不過一執果時就俾東東抦，唉！！ ５個月後仲有人入去留言，你話慘唔慘耶
回覆刪除[版主回覆02/10/2008 13:29:00]心情唔好果陣先要同網友UP吓野丫嘛......得閒寫多D, 忙時咪寫少D囉。駛乜話執啫?!
你果邉仲有無咁凍呀， 有時凍得太緊要， 真係邉樹都唔想去耶
回覆刪除[版主回覆02/11/2008 13:01:00]今日又凍番, 現在攝氏零下16度! 好在有番暖氣同熱水...
終於攪掂啦！
回覆刪除咁我就恭祝您成年都遇到 貴人 ！
[版主回覆02/11/2008 14:24:00]真係好彩遇到個有料又肯幫人的貴人, 現在才可以暖笠笠坐響度!
我都祝你鼠年吉星高照, 龍馬精神!!香港凍左咁耐, 小心身體呀!!
跟大哥大嫂拜年!!祝鼠年行好運,日日遇貴人!也祝二人身體健康,股運亨通!!
回覆刪除[版主回覆02/11/2008 15:02:00]多謝! 大家咁話...
有靚女送上門，壞多幾次都無妨。
回覆刪除[版主回覆02/11/2008 15:59:00]千祈咪搞... 新爐應該起碼可以有幾年安枕無憂罅卦? 今次要換埋喉先大劑,以前壞爐唔着多數換個新 "打火器" 就OK.
我唔信無啦啦會咁好人..........一定係你用咗美男計......俾咗甜頭
回覆刪除佢...............!!
[版主回覆02/12/2008 10:33:00]哈哈, 雖然她是站高舉手放水之勞; 對我嘛......誇張點說則是救命的恩惠......曠日持久, 再凍D分分鐘凍瓜; 就算唔凍瓜, 整來整去都整唔掂, 都會激瓜! 呢度D人天冷好緊張暖氣, 壞左叫人修理一般不出廿四小時就有人黎。靚女話佢自己都好怕凍, 佢間屋雖有暖氣, 但仲另外置有4部暖爐取暖。可能佢見我地已經捱左成兩個禮拜都冇暖氣咁陰功, 所以幫我們搞掂。 俾左甜頭佢? 邊有丫, 真係汽水都冇請佢飲支呀! 呢邊又唔興醒佢(口既)。
春回大屋，恭喜恭喜﹗否則零下18度都幾難捱﹗
回覆刪除[版主回覆02/12/2008 10:42:00]呢輪搞到我地都病病地, 我自己輕左成三、四磅!!
攝 氏 零 下 十 八 度 . 避 寒 毋 用 靠 細 佬.
回覆刪除送 暖 貴 人 深 夜 至 . 共 謀 水 氣 找 出 路.
好咯好咯！乜春都返晒黎咯！加埋股票回升，睇怕陰冷日子都過完路卦！ 好好大家好，阿嫂同我 d 咳都可以兩三日之內斷尾咯！
回覆刪除[版主回覆02/12/2008 11:41:00]抗生素食完, 今日去左睇多劑, 換左隻咳藥水, 希望有覺好瞓。 真係, 希望大家都早日清晒手尾, 龍精虎猛罅!!
好囉！好囉！終於有靚女送暖，暖在心頭！
回覆刪除[版主回覆02/12/2008 12:06:00]今日先開工呀?
阿大，你又哩埋大炒特炒耶， 搵多Ｄ啦
回覆刪除[版主回覆02/12/2008 15:14:00]話咁易咩 ...不過都希望承你貴言
我一直都好佩服識做水電,<鬥>木,諸以似類o既女人.
回覆刪除好厲害.一個服字.
女性厠身喺呢D男人當道(口既)行業, 本身藝業同知識應該會幾出類拔萃先可以分一杯羹...
回覆刪除情人祝你人日快樂！
回覆刪除[版主回覆02/13/2008 10:58:00]人人都快樂耶!!!
情人祝你情人節快樂！
回覆刪除[版主回覆02/14/2008 18:07:00]多謝! 今日你一定更加頻撲啦!
阿大，你琴日同你honey去邉樹威耶， 快D寫出黎俾大家學下野啦
回覆刪除[版主回覆02/15/2008 12:18:00]我地呢邊係今日... 哈, 學我就死火嘞!!! 這些洋玩意非為我輩而設。我是個唔多曉、亦唔鍾意 刻意 浪漫的人(我自己成日懷疑喺情人節當日, 買紥花送俾心儀的人, 咁就是浪漫耶? ) 對這個節素來不太熱衷。就算以前追大人之時, 都不過係出街行吓, 食番餐咁氹吓佢架咋! 咁耐以來, 喺情人節好似送過兩次花, 仲係搵人送去佢寫字樓果種, 我冇試過(手查)住一大紥花通街走, 然後親手送俾佢架。 佢都知我木獨無乜情趣, 習以為常, 在這方面對我無乜期望... 要表示心意, 日中大把機會, 特別的日子譬如佢生日、結婚紀念日等我覺得更有意義。
係呀! 亞大,
回覆刪除花....係要送去公司........比同事睇架咋. 攞到返屋企, 三两日就掉得. ............乞嗤都唔使打個呀.....!!!
[版主回覆02/15/2008 18:16:00]噫, 呢D係佢地面子黎架! 所以我自己雖然唔buy呢套, 但都要做(唉, 都係偶然做吓咋)...
你同豬仔兩個一人一句咁話到Ｄ女仕好似好.....
回覆刪除[版主回覆02/16/2008 15:23:00](Empty)
今日你咪家庭日耶， 有無開枱？？
回覆刪除[版主回覆02/18/2008 09:00:00]例牌節目, 開完枱, 食埋晚飯, 剛剛回來。
真識嘆耶， 成日飲飲食食，變咗個快樂消遙掌門
回覆刪除[版主回覆02/18/2008 15:10:00]人生各個階段之別而已! 我都經過日日身水身汗返工放工、平時工作緊張(我諗係自己性格緊張多D! )、有時更做到半夜三更的日子耶!! 自己既然選擇離開工作崗位, 退休移民, 算是少了羈絆, 理宜在目前的有限條件下過些自己喜歡的生活方式。有人就算退休都閒不下來, 我卻無工一身輕, 以前工作時個胃不停噯氣等的緊張癥狀近年都沒有了! 至於快樂......就未必快樂; 冇乜壓力、覺着舒服多了就是。
亞大.........退休...??? 噫! 你真係....亞大...了!
回覆刪除[版主回覆02/19/2008 11:05:00]哈哈, 退休...就真係...阿大...了!! 你係指 年紀 耶?...
難怪你的文筆那麼好, 咁有見地. 說話那麽完滑,風趣及有深度!
回覆刪除請多多指導猪仔........謝!
[版主回覆02/19/2008 11:22:00]箭兄做乜咁客氣呢, 知道我係退休人士, 尊重老人家呀? 哈哈! 你仲圓滑風趣啦 !!! 自己只覺自己渾渾噩噩, 安於現狀.....; 你講果D其他優點...
哈哈! 唔係完滑呀, 係圓滑先啱!
回覆刪除[版主回覆02/19/2008 11:22:00](Empty)
Ｅ........乜呀豬仔家陣哩埋起呢到同你吹水耶. 最近你仲有無炒股呀？
回覆刪除[版主回覆02/19/2008 14:39:00]哈哈, 你見到箭兄話圓滑, 立即聯想到個 "股" 字耶? 最近爐火唔夠旺, 炒唔起, 睇多過做囉...
你見到箭兄話圓滑, 立即聯想到個 "股" 字耶－－－邉有咁誇張耶， 只係想睇睇你地班股神炒成點耶
回覆刪除[版主回覆02/20/2008 20:33:00]忍!!
情人請你食靚湯圓！ 雖然聽日先係你地既１５，不過食湯圓就無乜所謂啦
回覆刪除[版主回覆02/21/2008 23:01:00]多謝喎! 喺香港之時你有冇食過 "元宵" ?
早晨， 乜野叫食”元宵”呀？ 係咪即係湯圓呀？ 話時話， 情人想問下你呢，點解上元同中元相差半年，但係中同下只差三個月呢？ 情人唔寫blog,都唔知上元節既意思
回覆刪除[版主回覆02/22/2008 10:27:00]早晨, 乜今日咁早耶? 元宵不是湯圓。元宵好似炸煎堆咁整法, 不過煎堆炸起皮是硬的, 而元宵是軟的(唔知係咪糯米粉造的? )我以前在香港只吃過佐敦道北京樓的, 印象不是很多食店可以吃到，北京樓亦好像只是元宵節附近才做來應節的。元宵內裏的餡是花生碎、芝蔴、糖冬瓜...; 新鮮炸起時幾香口軟糯, 是屬於餐後單尾甜品。 至於點解上元同中元相差半年，但係中同下只差三個月呢？ 我現在唔識答! 稍後睇吓搵唔搵到料答你啦。
(續) 點解上元同中元相差半年，但係中同下只差三個月呢？ 搵唔到料解釋你個問題添 !! 或者我斷估 UP 吓 , 不過就全無根據架嘞 … 七月十五是民間傳統用以祭薦祖先及超渡孤魂野鬼的日子；十月十五亦是拜祭祖先神靈以求福的節日。七月十五和十月十五兩個節日性質相近 , 我諗係前人刻意訂該兩個節日為拜祭先祖的日子 , 然後 “ 好事之徒 ” 再加埋性質不同而在歲首的元宵節 ( 大家都係在月之十五 ), 湊成三個數 …而成 上元、中元、下元。因為日子既定 , 所以月份隔幾耐就幾耐 , 不會因而更改。 ……
回覆刪除原來選這三個月份這是跟道教三元說有關 :
回覆刪除道教所稱的三官大帝(又稱'三元')，是主管人間禍福的三個神靈，他們各有當令輪值的日期，天官當令是 “ 上元節 ” ，地官當令是 “ 中元節 ” ， 人官 ( 水官 ) 當令是 “ 下元節 ” 。這三位神靈分別在不同時段當值 , 而 這三日又剛好是 三官大帝分別的誕生日, 所以就把這三日訂為'上, 中, 下'三元節,以示尊敬.
[版主回覆02/22/2008 18:33:00]GM好嘢!!!TY!TY!! 我太懶、無耐性, 又唔知 "訂" 去搵, 唯有老作; 哈哈, 離題萬丈!! 我對唔住情人，對唔住好多網友..., 不過我係咁, 仍會堅持下去, 唔會放棄亂UP...!!!!
阿大,你講緊係幾時o既佐敦道<北京樓>呀?
回覆刪除[版主回覆02/22/2008 18:41:00]噫, "最近" 食果次係在移民前...1994/95左右卦?! 移民後番香港都偶有幫襯, 不過冇機會再食元宵囉!! 你呢個 "香港人" 有冇幫襯過? 北京樓而家執左未呢?
我只係幫襯過ocean centre o既北京樓,無吃過佐敦道個間.
回覆刪除亦唔知道個度有間北京樓.
但係無吃過什麼 "元宵"呀.
[版主回覆02/22/2008 20:32:00]佐敦道果間其實正確位置係在彌敦道, 往尖沙咀方向, 過左佐敦道些少, 在右手邊, 冇地舖, 要上樓, 門口/樓梯口不顯眼。
阿大兄, 回請您一次目食.
回覆刪除北京酒樓 Peking Restaurant 佐敦彌敦道227號1樓 - 2735-1316 ( 11am-10:30pm)
[版主回覆02/23/2008 14:55:00]緣也! 緣也!!講開北京樓, 東兄竟然立即上門到會......, 哈哈, 真係有心人, 非常多謝盛情呀! 你咁啱最近去食過耶?
原來係咁解， 唔咁要啦， 阿大鍾意老作，情人又鍾意老作，哈！！ 不過家陣都知道點解啦， 多謝金鑛，多謝阿大！
回覆刪除[版主回覆02/23/2008 15:02:00]亂UP慣了, 經常老作變老點, 好在已經老皮靭肉 ...... 拋磚引金, 真係要多謝GM耶!!!
完全攪錯晒, 係<北京酒樓>, 唔係<北京樓>呀.阿大!
回覆刪除唔怪得我完全無印象.兩間格調完全唔同.
唔該don't think too much.
不過個招牌就有見過,但係就未吃過啦.
& 張菜單已經係好耐世紀之前, 仲係七個number o既.
[版主回覆02/23/2008 20:37:00]哎吔, 咁耐都係講佐敦果間北京樓, 又似乎個個都明係邊間(?) , 唔係你提都真係唔覺其實叫 "北京酒樓", 可能因為都係食京菜, 人又懶, UP少個字, UPUP吓慣左以為就係叫北京樓, 所以... , 哈哈, 既烏龍復求其又一明證!!SORRY呀! 你真係心水清, 留意到電話仲係7個號碼
‘ 北京樓 ’ 在尖東 , 印象中 , 是主力做遊客生意 .
回覆刪除‘ 北京酒樓 ’, 我只到過一回耳 .
相片是在網上 copy 的 .
話時話 , 最後那一味 ’ 高力豆沙 ’ 我未試過 .
是否如豆沙 ’harm’ 的沙翁呢 ?
[版主回覆02/23/2008 20:49:00]餡係豆沙, 見細妹整過, 唔知點...要打到D蛋白夠身(又唔記得駛唔駛用粉撈... ), 用嫰油慢火炸, 新鮮熱辣幾好食架! BTW, 好耐以前星光行係咪都曾經有間叫北京樓呢? 唔該晒!!!
星光行的北京樓 ? 沒印象了 . 只記得當年有檔賣糯米糍 , 熱騰騰的 , 但記得是幾貴吓 .
回覆刪除而家星光行仍然有間 北京樓(美心集團) 。 最近幾年到冬天都會去一次 北京酒樓 ，食其涮羊肉，佢仍然用銅碳爐，甚有風味，羊肉又正，不過那處地方細，客又多，坐得迫“gip”，食到咁上下伙記叔叔就會有表示架嘞。
回覆刪除[版主回覆02/25/2008 15:16:00]上次返黎去過星光行間金島, 盲中中咁, 都冇留意到間北京樓添。 北京酒樓都算好野, 咁耐仲頂得住!! 印象中我去親都鬼咁多人(口既), 認真旺場。涮羊肉、羊腩煲、羊扒、燒羊肶..都正! 不過...食羊就要碰機緣同人食, .....因為大人唔食羊肉!
阿大，你做乜呢幾日咁靜局耶， 咪過成日哩埋，掛著炒蝦炒蟹耶， 得閒寫下blog啦，
回覆刪除[版主回覆02/25/2008 15:20:00]呢排冇乜料寫耶......
阿大要等爆屎渠至有料寫﹖
回覆刪除[版主回覆02/25/2008 22:29:00](Empty)
唔係嘛？首先揩車，再黎換氣喉，跟著可能又要換C喉，唔係咁黑呀！！！大哥、快 D俾多少法師替你去鵝頸橋作法啦！
回覆刪除[版主回覆02/25/2008 23:39:00] 豬尾有些少阻滯, 心情的確煩擾了一陣 。 然而小人其實在自己心中, 乃心魔是也!! ".....順逆交替, 做人豈能全美耶? 呢D濕碎野而已!!" 咁樣自己同自己作法打小人... 天阨我以遇, 我以阿Q之道亨之, 不勞鵝頸橋阿嬸了。
識得插圖，有進步﹗
回覆刪除[版主回覆02/26/2008 11:59:00]爆屎渠就唔識整啫, 抄圖都唔識咩? 你咪咁天真..., 我係懶, 唔係儍!!
唔好唔開心啦， 做人最緊要happy先好呀！ 得閒同honey出去食個大餐耶
回覆刪除[版主回覆02/26/2008 14:43:00](Empty)
咪過係咁以笑下就算啦， 將唔開心野寫下出黎，會舒服ＤＤ架
回覆刪除[版主回覆02/27/2008 11:57:00]事過情遷, 而家已經舒服番晒啦. 架車整番好; 有番暖氣、熱水; 上面兩段野已經寫左我D感覺...
做乜呢度門庭咁冷清？
回覆刪除[版主回覆02/28/2008 10:56:00]檔攤冇野睇, 何來吸引力丫! 一分耕耘, 一份收穫嘛! 好彩你得閒黎巡吓撐場旺吓咋...
咁您咪快 D 寫返野啦！
回覆刪除例如影 D 相俾我地睇吓加拿大既初春係點既樣？
係囉，有乜春咪寫乜春囉！揮春都得架！
回覆刪除嘿, 等睇加春就襟等LOR, 而家仲係冬天喎...; 早輪禧春、希春、嬉春...咁多你地仲未睇夠呀?
回覆刪除不如你寫寫肥肥啦， 聽聞果邉都攪到幾大喎，係咪呀！
回覆刪除[版主回覆02/28/2008 15:55:00]我都係睇新聞, 溫哥華果邊, 訂左一日做肥肥日。不過, 除左間中為華人慈善機構籌款之類的活動, 我都唔清楚佢以前喺果邊做過D乜, 有乜貢獻喎?!佢大部份時間都在香港。
你係咪好忙呀 ， 點解唔寫下新野耶
回覆刪除[版主回覆02/29/2008 16:18:00]忙就唔係好忙, 之不過......係懶耶!
阿大兄, 你住果頭又有否香港名人住呢?
回覆刪除[版主回覆02/29/2008 16:31:00]溫哥華和多倫多都有不少前香港知名藝人, 喺我地呢邊有...(不過若果你太過後生, 唔知識唔識喎, 哈哈...)例如：以前拍謝賢果個江雪、同李小龍有D "淵源" (口既)苗可秀, 佢地係度仲一齊做緊電台節目; 以前無線個大聲公蕭亮, 住響我地果區附近; 據說劉家傑仲住係我地D鎮屋度, 不過咁耐都未撞過佢...應該仲有, 不過我 "背" ......
唔好咁懶耶， 快Ｄ俾心機寫下野啦，最好寫下果邉一Ｄ華人既生活俾大家知下都好架
回覆刪除忙乜呀？
回覆刪除冇呀, 星期六同朋友柴娃娃聚左一日, 今日又係例牌家庭日, 剛剛回來開機。
回覆刪除阿大星期六同朋友柴娃娃打咗一日牌, 今日又係打牌家庭日
回覆刪除[版主回覆03/04/2008 03:41:00]除左家人同舊同事, 冇乜機會同人打牌。
咁開心，family day! 情人呢幾日忙到....
回覆刪除[版主回覆03/04/2008 03:40:00]咁生活咪夠晒充實囉!
充乜鬼實呀， 家陣個腦唔方唔實耶， 唔好咁懶啦，寫下野啦
回覆刪除[版主回覆03/04/2008 21:11:00]呢排個腦又立又實, 得個 "股" 字轉黎轉去, 冇乜心機寫野耶!!
阿大﹐ 錢係搵唔灑架﹐ 唔好為咗金錢而影響心情啦﹐ 有時平平淡淡﹐ 一家人健健康康就係上天賜既最大福氣耶﹐ 請你多多保重! 可憐豬仔以經變咗針山耶
回覆刪除[版主回覆03/06/2008 03:30:00]平時都唔係成日咁肉緊(口既), 不過碰啱呢排手上有D股蠢蠢欲動, 先比較花精神(目及)實, 以免失諸交臂啫; 而且早兩日又要搞吓申請新股添! 錢係搵唔晒架 , 我呢個懶人對這道理當然十分清楚明白, 否則自己都唔會晨咁早就話移民乘機退休唔撈......。嘿, 其實人在缸湖, 應該講 錢係好難搵(口既), 隨時要蝕入肉! 唉!!講真玩得呢味野, 心情難免有時會隨市起伏 <---> 。不過自問都算睇得開, 以前經歷股災, 一樣食得、瞓得, 唔會影響日常生活。移民後生活已經夠晒平淡, 可能喺魚缸邊哄吓哄吓, D腎上腺素先有機會間中分泌D出黎, 使身體機能運作得比較正常咋。 而家一邊睇機, 一邊間中同你地班網友UP吓野, 除左要調節睡眠時間, 自我感覺良好架 !!! 豬仔就麻煩D, 由通身箭變通身針...佢又唔講乜野事, 唯有希望佢針到病除啦! PS 嗱, 想UP就自然多野UP, 呢個回應咁長, 應該頂得住一篇新BLOG嘞卦, 咁唔好催住啦... 最後, 多謝關心耶!
你真係奸懶耶
回覆刪除[版主回覆03/06/2008 15:36:00]得饒人處且饒人耶
真係好多隻烏蠅係度飛黎飛去！
回覆刪除[版主回覆03/07/2008 11:45:00]唉, 不消提, 數黎數去, 呢兩三日咪得幾隻金(口既) 、青(口既)同埋啱啱呢隻黑(口既)飛黎擺低D少少野, 餘者(?)嬲吓咁就飛走咯!!
喂! 成個月啦! 你仲識唔識寫字架!!!!!!!!!!!!!!!!!!!!!!!!!!!!!老大!!!
回覆刪除[版主回覆03/08/2008 19:12:00]寫字就真係好耐冇乜寫滯, 我諗好多字都唔記得點寫架嘞! 不過仲仍然日日喺網誌D回應度操練打字, 冇乜生疏到喎! 哈, 你又點呀, 拮左咁多次掂未? 身上喺咪成身針窿? 不過任拮任針之後, 任督二脈應該通晒, 體內真氣澎湃啦?! 而家喺星光大道唱歌之時喺咪唔駛用 "MIC" 都聲震全場LA?????????????針山兄!!!
(Empty)
回覆刪除[版主回覆03/08/2008 19:14:00](Empty)
阿大兄 ,
回覆刪除想問問下一篇網誌是否下個年初二才出呢 ?
名稱為 : 初二再遇貴人 --- 又吉
[版主回覆03/09/2008 11:58:00]umm......., 此篇名為 "初二遇貴人---吉" , 新的一篇卻未必要等到明年年初二隔成年咁耐卦, 或者跟住的農曆二月初二(比較緊逼, 多數趕唔切 )、三月初二、四月........就可以出到。標題會係 "初二遇財神---中三T" 諸如此類......, 請你耐心等候好消息, 我就耐心等運到。
金...........毛............豬............王 ???
回覆刪除你真係好過份耶﹐ 咁 多人叫你出篇blog﹐ 你就借咗龍耳陳對耳
回覆刪除