洗牙。牛雜粉

六月二日(星期五)

返港前兩三個月電郵預約了雙英的牙科服務 ~  主要係想洗牙。

大家不同診所、不同日子。
今日大人先陪我過海洗牙。

預早了一小時又十五分鐘到隧巴站，
以為好掂檔。
隧巴在隧道口一貫塞車，
塞下塞下幾乎都要遲到。
早幾年收到通知睇開的牙科診所已遷往政府海港大樓，
新址唔熟路，
在中環街市落車，
岳下岳下行餐懵
去到啱啱夠鐘。

醫生初步檢查懷疑有蛀牙，
先洗後跟懷疑蛀牙~ 照X光。
若是就咁叫我照，我唔會照，
諗住照嚟都無用，
一陣就返加記，費事無端白事捱幾劑放射線。
年輕醫生問我幾時走，
言下之意似乎係若有蛀牙可以畀多個期補埋蛀牙才走，
加記睇牙就算身屬耆英都要自費，
有乜事喺度搞埋，
可以慳番尐，都好啦。

照了三張，
上面左右近智慧齒(出唔到)隔鄰的懷疑蛀牙各一，
加一張正面角度移動鏡頭拍得的成棚牙。

睇片話尐牙無乜嘢，懷疑蛀牙蛀的地方似乎僅似芝麻大小，
平時並非經常痺痛，
唔值得在現階段挖大補之，
提醒番去加意清潔可也。

雖捱了三嘢放射線，
總算唔使搞乜搞物，
都偷笑矣。



--------------

返嚟咁耐未食過心頭好 ~ 牛雜粉，

趁今日洗淨棚牙，

和大人一於返地頭整碗先。

你兩兜粉腸...吖，
好多年未食過咯。

淨牛雜細的都要七八十元，

兩個人食似乎太多，
自己又唔係咁叻，
哼...遞日搵機會再試。

今日係咁意頂住癮先。