出發

五月二十七日(星期六)

坐飛機返香港，全程15小時，
自己一向視之為 "畏途"。

出發前怕網上CHECK IN 時唔知劃唔劃到路口位，
劃唔到更衰多兩錢。

保險一些，
花多些少錢買個航空公司留起 "推出" 來賣，
可以伸腳伸得舒服一些的位。

反正機票買得平咗尐，
除笨應尚有精吧?!

我咳完輪到大人。

大人咳到上機當日仍要會一會白袍老友，
因咳得厲害，
驚住唔畀佢上機...。

白袍老友介紹買樽100ML細咳水上機，

既符規定，

亦有需要。

坐飛機我一向覺得辛苦，
今回大人應該仲慘過我...。
(返到香港當日晏尐大人即要睇醫生，還捱了一針。)

自己完全瞓唔到，

這是打發時間的細藝之一。
有時玩下電腦，

又不時離位行下企下...。

嚴格來說，

坐唔定，瞓唔到，
個座位對我來說係蝕水的。
若有企位而賣得平尐，
可能更啱我...。哈...

--------

捱了15個小時的辛苦機程，
終於航機在天色仍然昏黑的27號大清早，
未夠五點鐘降落香港國際機場。

可能是清早的關係，
不算很熱，
無雨，
比想像中 "好" 天氣。

堂弟一早來接機。

返抵外母家已經見到陽光了。

這是最後一批，

廚神一早叫大人同佢預訂了幾隻。

早前都唔知要烚幾多煲了。

--------

當晚往何文田食飯，

途經曾住了接近廿年的屋邨。