兩針。一席話

今日往見白袍老友，

約了驗身。

上次的例行健康檢查距今將近兩年，過晒期矣。

一向怕煩。

這類並非緊急的事情，拖得就拖。

 期內復因去年梢蛇患、今年中照鏡，

 時間或長或短俱令身心平添煩擾。

鴕鳥私心希望歇多一歇，過多一陣 "安樂" 日子才驗。

 XD

 自己沒有主動向白袍老友投案，

 兩月前的某次卻遭洞悉內情之人有意無意之間踢爆， 

給 "篤" 了出來！

於是不驗不驗還需驗...。

---------

 昨宵只開半工就上床攤抖以節能，蓋中途不能叉電也。

今朝枵腹出動，乃診所第一個客仔 ~ 早驗的雀仔早尐有得食。 XD

捱姑娘兩針，再與老友一席話；

 之後順便請老友開方半紙，
過隔鄰藥房攞埋幾種藥；
 最終還得留下一小樽液體。
 功德圓滿，

才匆匆往食早餐。

 (兩針 ~ 一針抽三筒血、另一針係感冒針。
一席話 ~ 老友真箇由頭問到落腳趾公，身體有冇乜乜、有冇物物...；並及生活習慣。
至於屢屢出現的假性(?)白袍高血壓，稍後又要向老友舉證其 "假"，都話麻煩架喇。)

之後，

無消息就是好消息。

(老友提起，今年開始有免費蛇針疫苗打了。
 是今年開始而非去年，豈注定自己在劫難逃? 嘿！
老友強調，打針並非免疫，不過發病之時會冇咁痛。
 並謂一次發病之後，五年內的再發率不過是5%左右。
問我打唔打，
咁... 唔使錢都...唔打...住...咯。)