吾家來客甫走
廚神的姑仔一家幾口上星期又從香港過來省親
姑仔兩夫婦都在這邊長大讀完書然後返香港工作
住在廚神斜對面的叔仔今日搞個後園燒烤大會闔府歡聚
叫埋我地
這幾個星期食到爆晒燈了... :P
^-^
先在廚神府磨蹭一陣
兩姑嫂在後園睇吓栽種的收成
醒尐畀大人
兩個靚節瓜係隔籬屋嘅
兩鄰舍頗熟
經過後園見獵心喜老實不客氣叫廚神摘了兩個
隨即托埋車中的啤酒過府
行幾步過去斜對面...
------
廚神叔仔一家包括年輕廚侶都齊齊開工整緊嘢咯...
佢地屋企種了甚多大大小小五顏六色的番茄
今日燒烤的主角
羊架和兩舊各約40安士的...TOMAHAWK...似唔似斧頭?
其實唔只開卷有益
食嘢都有益架 ~ 識多個字...雖然可能好快就唔記得
字雖然未必記得
但舊嘢好唔好食就應該記得嘅
XD
大人受傷
因為玩貓
餵佢食嘢...連手都噬埋...
餵佢食嘢...連手都噬埋...
後記 ~ 答同事提問
^-^
主人家目前養有三貓
是逐隻逐隻收養的
這兩隻應該同種而體型大細稍稍不同
兩隻同是貓 "仔"
這隻是最遲收養的...貓女
據女主人說
自從這貓女來了之後
本來互相還算親近的兩條 "仔" 就開始有時有些 "不和" 了...喎
哈...貓界的爭風呷醋...耶?
XD
傷口搽番尐殺菌藥膏
飲住先
好快有嘢食...架罅
主人家咁講 ...
主人家咁講 ...
XD
奧運今日晏尐閉幕
人睇緊籃球決賽
貓貓就瞄緊枱面的美食
女仔好心機
每款芝士標籤了名稱及濃淡
燒烤前的頭盤
哈哈...科班出身樣樣講究
我地有口福囉
今日天氣好
廿零度多雲唔係太熱
早上灑了一陣雨
中午有番尐陽光
穩陣計笠頂帽才出後園坐在太陽傘下
他他條條咁謦下飲下食下...
正極!!!
XDDD
廚侶男方(右)及其伯父(即大伯也) ;-)
大廚係要咁著襪的? XD
大伯今日不知是否飲多兩杯...甚HIGH
客串幫廚
食食下廚侶女方又介紹我睇下佢喺男友屋企種的多色番茄
還有辣椒
好勁辣...架喎
下面呢隻尤辣過上面嗰隻...喎
無花果
雙斧出場
老虎蝦和魷魚
兩個大伯
其一揸碟...其一揸機
大斧解體
睇下已知正
大人舞斧柄
甘腴好味
連尐膏都唔捨得飛清...一於食咗先算
羊架
比平時自己食開的大舊肉尐
極為嫩滑
紅、白、黑、黃都飲齊了...稍後還有...
魚皮香脆
太陽漸收
略有寒意了
今晚半夜最低得13度
今晚半夜最低得13度
任務圓滿完成
"卜" ...
開多枝香檳
開多枝香檳
又飲尐
天色漸暗...
入番屋先歎西瓜
多謝! 無得彈的一餐!
XD
貴親有幾隻貓﹖嗰兩隻係同胎嗎﹖好似樣。佢地尐貓係咪會出街的﹖間屋咁大又有花園，困唔住吧﹖
回覆刪除呢餐好掂，酒店格局、酒店質素，大兄食神托世啊﹗
有美食亦要大家口味差不多才食得過癮。
以前得呢兩隻, 最近多了一隻較小的, 稍後放埋上嚟你睇下。:)
刪除我不肯定是否同胎, 稍後求證。XD
據知似乎唔出街的, 香港來客(其妹)一家幾口現住佢處, 有兩個女比我兩個侄兒稍細一級, 可能有時搞下尐貓, 當日又多人, 所以兩隻貓都縮在雪櫃頂, 平時應該會在屋內走動下的。我見大電視機前面放了兩件貓用的 "傢具?" ~ 一張几咁嘅, 和一個有幾枝纏麻的柱腳的矮架(你都有個較高的?)
廚侶都係科班出身, 分別在主流的大餐廳工作, 因此食物和格局執得較正。問過佢若是請人到會, 一如今日咁款, 唔計酒水, 餐廳可能要收每人大槪C$200。
刪除人多熱鬧, 呢邊地方較為鬆動, 食物又正, 人又啱謦, 的確幾過癮的。
今晚又去廚神府黐餐了... XDDD
“每人大槪C$200”~ 嘩 !!!!!
刪除“連手都噬埋...”~ 佢地只係心急食嘢“揩”親啫，豈曰“噬”﹖我去年嗰劑才叫“噬”，咬住唔放口的，我隻手就變豬手嘞 XDDD
三貓熱鬧啊，有地方不妨領養多幾隻﹗;P
如是佢云... XDDD
刪除我估真係到會應出動兩人(?)侍候, 一個燒, 一個侍, 頭尾要五六個鐘; 那兩件戰斧牛扒和開了十幾廿舊的羊架都係上等貨式, 加埋頭盤又生蠔等等...; 此外的交通運輸、服務費、稅項, 餐廳重要賺呢..., 計計下消費真係唔簡單架。XD
這個明白, 嚴格來說應該係畀尐尖牙揩親。只是我自己亂嚟, 見到棚牙就說 "噬" ~ 牙噬噬嘛...XDDD
我諗女主人暫時都不打算再添養了。目前一家三口都要返工架...
我誤以為是去酒店食的價，咁到會就要咯~~~
刪除應寫上門到會會比較清楚尐, 現在小島應該都極少有到會呢枝歌仔唱了?!... XD
刪除想當年...靚仔時, 自己住在荷李活道附近, 有幾間 "筵席專家", 多設在舊樓的二三樓, 佔用一或兩層, 未必有地舖, 地方比較簡陋, 沒甚麼裝修的。除了可在該樓層設筵, 亦可以叫佢地上門做的 ~ 我諗係事前可以準備的功夫先行做好, 上門就做最後的步驟。