近來服裝店競相推出夏季大減價
傾銷月下貨
大人頻頻出動
擇 "抵" 而噬
我雖一向話尐衫著唔通...(二十年前的衫有些仲著緊)
睇下睇下有時見抵都忍唔住手會買一兩件
XDDD
今日陪行行到腳軟而大人終於又執到三件獵物之後
臨走出商場門口
經過......一間...
又貢入去 ~ 最後一站
四件衫
兩件買畀尐靚
C$4.65...加稅
全部共該銀 C$5.20
冇打錯小數位架
黐鬼線
買塊抹地布都唔只呢個價錢
當然尐衫本身已經係減價貨
而且全部屬於顧客在網上購買之後最終卻拎回舖頭退貨
不同分店收番件貨於是又在已減價的價錢上再來個...
一折...喎
真係要再講多句...黐鬼線
不過那些退貨不少係古靈精怪的 ~
由二三百磅的肥人XXXL(甚多)至幾個月大的尺碼雜亂無章掛在一起
這類尋寶遊戲就算有耐心
都未必能夠揀到又啱又抵的超平嘢
覺得右上角那件全棉花格恤衫(合歲零兩歲)幾好
啱肥仔BB侄孫
現在四個月大
十分好肉(而且好玩) ~ 侄女提示現在已要著一歲尐衫咯喎
相信今秋著仍稍大
明秋就啱啱好
哈...都唔知有冇入錯電腦
咁樣一件長袖恤衫居然賣......$0.47...另稅
買個檸檬都未得
黐鬼線
所謂豐儉由人
反正呢邊尐嘢貴與平有時都同樣可以令人咋舌就是了
XD
而家開始收手了，以前成日買衫呀、鞋呀、袋呀.... 真係着埋呢世都有剩，又唔夠地方安置~~~更兼買黎買去、著黎著去都係嗰尐款，真係嘥錢又無謂﹗
回覆刪除過了來之後, 未買過恤衫、皮鞋, 還將好幾對以前返工時買落帶過來而從未穿過的皮鞋畀了妹夫。現在休閒鞋和波鞋尤其係波鞋著得最多。近年最捨得買波鞋, 自己鴨屎蹄(扁平足), 著有氣墊的跑鞋覺得比較舒服, 行耐些少都捱到。
刪除看來到咁上下, 大家都會 "迷途知返" 。XDDD
你試下問身邊朋友他們有幾多件衫，幾多條褲，幾多對鞋或袋，相信冇幾多個人可以立刻答到你。我不算好鍾意買野，但得閒睇啱買件，遇減價見抵又忍唔住買下，日積月累衣櫃都塞滿了，有幾件厚褸，退休後未著過，相信可著到終老。年紀越大越應過簡單生活，不要被太多身外物覊綁，有需要時才買，好多時貪平買埋啲唔等用的東西，放埋一段時間便忘記了，甚至唔記得自己買過，好嘥錢。
回覆刪除女士相信無邊個可以答到 ~ 就算男士都一樣答唔到。XD
刪除買衣履我慣了在舖頭大減價時才出手, 在香港時已經如是, 那時返工下面的商場逢大減價我見平就買尐買尐, 幾乎大部分衣履都來自該商場的舖頭, 貪其方便就腳；其實買了唔會即刻著, 放埋一邊, 所以至今仍有不少未穿過的。
記得有一次, 同那位包先生(記得係邊位嗎?)撞衫添, 哈哈。