兩探高球場。一睹煙花照

這幾天之內分別 "探" 了兩個高爾夫球會的場地。

 上週末大人參加同事的婚宴，
昨日黃昏則去上堂 ~  學校替先生報讀的一個課程。

兩者都唔關自己事，
本俱不與焉。

惟該兩處地點比起平日慣常出入的地方算係偏遠，
 "御用兼職" 又受命得負責接送，
事前少不免要 "咕圖索位"(Google地圖)。

一向知道有不少 "新人" 喜歡在高爾夫球會的宴會廳舉行婚禮和 "擺酒" (食西餐)。



當日現場場景

(寄自大人同事)
 

一般西餐飲宴都包括幾道 "菜式" ~  湯、沙律、主菜、甜品、咖啡
大致如此
酒就無限供應
(不過賓客自己要斟酌揸車返歸的安全考慮)

主菜似乎多數都係雞胸拼牛扒
我食過兩三次都如是
大人評語...呢度尐嘢都幾好食

至於上課揀在高球會場舉行今次則是初曉。

過癮的是...， 課程竟是 "包餐" 的。
課堂人數逾70人。
(可能怕有人收工未及進餐; 亦不知是否因此而要假座可供膳食的球會場址上堂?)
XD

課程中原來預有時間食番個 "自助晚餐"，
大人甚至見到有人略為遲到，
還可以拎碟食物一邊食一邊聽講呢。
(大人且留意到這裏都有自助餐食，$80幾蚊，有龍蝦和生蠔...喎)

上次去婚宴因為過程時間長(晏晝就去觀禮)，
可以返家候命(散席有人送大人回來，御用慳番一程)。
昨日的課程則由下午六時至八時半，
若返屋企恐怕未坐暖已再要開車去接。


放低大人和同事，
自己唯有搵尐細藝去打發時間喇。

首先去 "附近"  "慢慢" 歎個餐 ~ 一碗牛筋腩河 + 奶茶的 $7 套餐，
而所謂 "附近" ，若果要行， 可能行到半夜三更都未必到...。
食完碗粉，揭幾頁書(早有準備)，歎埋杯凍奶茶(係攤到凍而非要加錢的冷飲)，
然後...，去超市巡下，
如此這般，預早半小時左右...到差不多八時才又開車去接。

來到尚有時間，
隨意逛逛，影幾張相...。

夏令時間日照甚長，
此乃八時二十分的夕陽。

此君可能經常近距離過洞不入

於是在洞口苦練
XDDD

就算唔打波

站在這裏睇下都舒服

-------------------

2016/07/01

149th
國慶

煙花

(相片寄自朋友)