歲次丙申

恭賀新禧

-----------------

大年初一

兩家人慣例在廚神府團拜

年初一大人如常開工
午後廚神雖搵我早尐上去開枱

都要接埋大人收工才一起出發

大人老實不客氣嚟到就搵尐嘢食先

 是晚菜單

 咕嚕肉的鮮菠蘿酸甜芡汁(另上)

 大煲...湯

兩仔爺... 

靚仔小生 & 大胃中生

XD

 

 酒糟鴨及咕嚕肉

仲有架

冷盤

呢枝係 "長頸FOV"

已經 "絕版" 好多好多年了

老豆當年愛飲而飲得較多的一隻拔蘭地 ~ 印象那時自己靚(平聲)得青澀(?)(即烚也)

吼住老豆飲開自己也少不免湊興 DAP 尐... 

^-^

老豆不能再飲之後

 屋企還剩番兩枝未開
塵封...

 移民時連枝路易十三一併帶了過來放在細佬處
 自己搬開亦未帶走

細佬並非好酒貪杯之人

於是此兩枝FOV移民來加之後得與路易十三相依廿年

今日繼去年路易十三之後

細佬拎過來再與眾同DAP

相隔了差不多半個世紀

喚回了 FOV 那種入口微辣和稍為嗆喉的感覺 ~

雖遠猶近...

 相內人也未齊

 餸也未齊

廚神自己想當年

 在小島吾宅隔座她兩公婆未夠700呎的 "蝸居"

曾有39人(自己至今才知實數)擠於一廳圍枱又坐又企夾完行開而食的紀錄
據說紀錄至今未破

當時自己亦躬逢其盛

為之歎為觀止

 酒禁...雖已復開

唯不敢豪飲、急飲
 慢酌、淺斟...

 大人不知從何處攞了些酒糟給廚神

 廚神炮製了這味酒糟鴨饗客
 豈非...正合那句..
 我出豉油你出雞? XD
今回大人出唔使錢攞番嚟的酒糟(仲抵過出豉油)廚神出鴨(呢邊尐雞唔夠鴨好食)

味道不錯...哈哈

年年都家肥屋潤  :P

 那金銀潤...呵

五枝火柴猶自可

臘味嘛....白雪雪的部分可愛係可愛...

不過自己心中有數
所以寧可割愛了

XD

東坡肉

今勻避無可避矣

因為好食(講真唔係次次有今日的水準架 ...今日嘅係超水準... )

 味道及肉質(腍滑鬆化) 幾乎好過晒在外面所吃過的(在外面其實不常吃)

要挑剔者就係尐皮嘅顏色稍失諸唔夠 "深" 和 "靚" 以及

 冇用刀片刮清晒尐毛(冷眼旁觀佢老公今日都無剃鬚...哩)

XD

 同大人一人一舊

大家都去了皮下那層厚厚的白色(五花腩去了一層厚的還有一層較薄的...)

大人醒埋那層厚的連皮脂肪給我

 不是說...己所不欲...勿施於人...的嗎?

然而大人醒到嚟

只食層皮算囉

 

 呢條讓莘莘學子和家長聞之色變的魚 ~ 十分精彩

海鮮高級專門店的......上水魚

(相信係買慣買熟店主才會 "介紹" 該熟客 "吼" 到買這類 "筍" 嘢的最佳時機...)

已經唔游得水都賣近卅蚊磅

若是生生猛猛喺缸游緊的要賣近百蚊條(抑唔只?)...喎

游水正價我當然會話...黐線

不過咁...

若果食咗一次之後包保揼我落水就自動會識游水

都怕會忍痛買嚟食一次...嘅 

XD

餸已齊(?)

人馬雜遝兼真係唔夠位坐

主人家一向十分客氣好禮

始而 "邀" ...繼而 "催" ... 後復 "引" 客入座

 推讓及擾攘一番

 終於...

吾等異姓的非 "原住民" 先行陸續落坐

原住民的家族親屬等才相繼或坐或企(還好冇位坐者得兩三位啫...)

 "大局" 已定就等廚神這對藝高又落力的廚侶從 "演武廳" 拍住出嚟亮相   :P

人齊柴娃娃開動...

途中稍食一陣自己都側側膊唔多覺揸碗執筷起身行開行埋打游擊
 有時又做下隔離維持端坐姿勢 ~ 吾之大人...那背後的男人

好待空位"讓" 人輪番填補...

^-^

 

廚神尐餸雖然真係有口皆碑以及食到唔停得口

然而此位吾族靚女個肚咁勁...

卻非關今餐之功也

XD

-----------------

今日特意帶埋份年卅晚的報紙馬經排位版給廚神大伯過目   XD

而開餐前前後後就玩雀助興

 今回大伯自摸一舖清一色對對糊而大勝

 擸埋摸旺累積的10底JACKPOT(自己都心存大慾架...其實個個都...)
 JACKPOT 有主之後其餘三人已經無心戀戰
而且有人明早亦要返工
於是埋埋尾就收檔計數

 好在自己唔使輸...小勝近三底

完場後大伯連纜并預付纜銀50元給我

跑完慢慢計...喎...

 哈哈...

又玩又吹水又飲又食又拎
歡娛半日
才夤夜冒雪揸車返歸

-----------------

今日剛好新鮮熱辣收到詩人主任惠寄的大作

 其中一副春聯 ~ 嗯...啱使喎

騰歡大聖翻筋斗

凑興新春打幾圈

遂不問自取...信手轉借一用

XD