熊之鑑

今日雙英約了前家長飲茶

之後大人把握機會 "想" 去逛公司

專用兼職司機雖烚然慣看老細眉頭眼額
自然不會拂逆上意

於是...

在商場裏面傍住老細留連幾個小時 ~ 行到腳都幾乎唔願抬起

終於...吩咐可以坐低抖抖在FOOD COURT醫埋肚
食完就鳴金收兵
鬆一口氣兼色然而喜

收兵時經過出口(並非我地攞車的出口)見有不少人在外面擔高頭影相

攰都八卦出去睇下   ^-^

原來...

有隻大...浣熊(RACOON)

表演倒掛金鈎(還是掛臘鴨?)

不過...倒掛咁耐郁都唔郁嘅?
個頭會唔會充血得太耐架?

綜合幾個商場保安及路人甲、乙、丙、丁...所說
原來隻嘢正陷於進退兩難的困局
這個姿勢己經維持好一陣了

尐保安正商量如何營救脫險
有人提議放尐紙皮盒墊地等佢跌落去
心諗你估佢係小島雜耍之猩的動作片替身咩?

而且臨時臨急有幾多紙皮盒可用? 可以堆到幾多層高?

你隻嘢又係嘅...
以前靚仔後生時不錯係身手敏捷而且有氣有力
可以隨意爬椽走壁捐煙囪

但今時今日見你咁大份鬆泡泡的身型
想必年紀相當...老邁了吧?  ^-^

應知好漢不復當年勇

還以為自己乜都掂咁咪出事囉

今次墜咗落嚟就爬(彈?)唔番上去咯

至於後事如何就未知分曉

因為都唔知還要搞幾耐
自己亦年紀老邁支持了幾個小時已成強(?噱)弩之末而行到搖搖欲墜 ~

要返歸休息
所以影完相就走先咯

你至緊要頂多陣頂到有人嚟救先好呀

必要時可能還會出動消防車架

希望你安全著陸

還要明白今非昔比...以後小心為是

自己日後操波都要引以為鑑而因住嚟... :-D