腌悶之誌

近來的天氣就算有一兩日稍為會回 "暖" ( "暖" 都仍然都係負數嚟啊...)，

不過跟住又再凍過。
氣象局不時發出極度嚴寒警告( 攝氏 -15度以下)。

咳了幾個星期至今仍未清得晒，

如此天氣對條氣管自然比較麻煩，
所以尐咳一時好尐、一時差尐。

不過總算有藥噴住，比初時咳到條氣扯住完全瞓唔到的情況就咳得沒那麼辛苦。

當此嚴寒天氣，少出街為妙 ~ 可是始終都要出去買下嘢、食下嘢架。
包到實有時都會覺得有尐凍，那可能已經又 "吹親"，
所以這幾個星期以來尐咳都比較反覆。

腌悶...

星期五廚神來電謂大伯又手痕，
約星期六射雀。

自己悶極思玩思食，甚好 !

時間不就，大人打雀就打唔到羽毛球 ~ 魚與熊掌也...
始終...射雀應該好玩過打波喇...。 ^-^

開始我出馬打四圈先，贏了三底幾讓位予大人，功成身退。
然後自己溫習功課、影相、摷零食...

大人接手後得勢不饒人，大小通吃，猛食猛食...。
食飯前神經刀已成大殺三方之勢...。 :-D

小休 ~ 開餐先

是晚餐單

大杯水...少尐肉

仍然自我節制戒口

豉油雞
去皮脂先食

都算正氣
今日唔知係咪用了第二種雞
還是自己口寡
覺得食味似乎遜前
而且咁乾嘅...冇乜豉油汁???

話梅酸甜豬手就幾好味

僅敢食一舊細的過下口癮

兩碟菜：
大芥菜煮燒肉
鹹魚炒芥蘭
只食呢碟芥蘭...芥菜都怕寒...真虧耶..
早日試過食了兩次攤暖的蘋果都好似咳多咗
唔知咁啱還是... 唉...
暫時戒下尐生冷寒涼嘢先囉

(在此非常(虧)時期近日唯有採取非常(煩)措施 ~
記得就一日嗒半粒維他命C(250MG)頂住檔先...)

呢碟魚啱食
不過乜都唔敢食咁多

係飯就...添了細半碗  ^-^

餐後原班人馬續戰方城，
大伯一早揚言要打夜尐；

大人餓雀久矣，
正中下懷，自然偷笑。

我坐多陣待大伯小休 "度" 埋條馬纜之後，

就一兜友挾纜先行告退 ~ 趕返去代為投注而自己亦差不多夠鐘OT。
(此著留低大人自己走先，請託大伯夫婦打完順道送她回來，皆大歡喜焉。)

馬仔只中了一條派100元的位置連贏，
星期六開的六合彩買了95元，中咗$40，
兩者俱得不償失。

跑馬跑到凌晨點零鐘暈陀陀之際，
大人失驚無神從後出現，

並報說贏了30幾底，
難掩得意之情。

邇來打得少 ~ 確是難得的佳績了。

有尐自己喜愛的動物玩下調劑下生活，有時確係可以稍為解下悶的。 ^-^


-----------------

差不多

-----------------

今日食自己

昨日在廚神府又食又拎，
  臨走還攞了罐自己不備的可樂回來，

晏晝叫大人整半杯仔煲檸樂加薑試下。
寒咳啱飲...卦???
至少飲尐熱嘢喉嚨會舒服尐。

近幾日胃口及出口算好番尐

谷鬼氣...焗塊安格斯補一補身以增進食慾

起碼等咳都咳得有氣有力

-----------------

後記

開工之際 ~
外面又不停落緊雪...

預告明天連風凍效應...-20幾度