破財日誌

善後 (Pt. 1)

昨天整車師傅來電報價，並且約了今午車去換胎；接完大人收工立即啟程。

升起架車拆晒四條胎出嚟(包括條後備胎)，然後換過四條新的。後備胎依然做番後備胎，那個轆RIM撞彎之處，師傅說問題不大，可以並且已經DUP番。

當晚師傅問對新胎有乜要求，我說安全就得。他提議用韓國胎，平尐，用得過。反正韓國車近年大行其道，自己架車又舊，點話點好。

四條胎連工包料及該晚在出事現場換後備胎，總共五百蚊多尐找數，比想像中收得平 ~ 該晚出差沒額外收錢(雖然師傅是收工 "順便" 嚟)，只計番換胎人工。上次六、七年前在出車的代理車行淨換四條米芝蓮胎都要八百幾蚊。

人心肉做，費事濕碎找續，齊頭畀$550，當請師傅飲茶多謝當晚出差幫忙。遲尐才再約時間整埋車身，因為要擺低架車兩三日...。

-------------------------------------------




一啖沙糖一啖C


在車房要等四十五分鐘左右，大人睇雜誌，我就睇電視...

前日阿伯說暫不收水，個市興奮升14X點；
興奮過後，今日因乜事個市又反悔，跌番18X點，還跌突。所以話尐大鱷上下其手，根本一時一樣。那些跟到貼、行動快的醒目仔女，咪難免畀人左一巴、右一巴囉...；我自抱元守一，不為所動。  :-)
好在愛股勢強，跌唔到幾多。

-------------------------------------------

慳皮餐

剛破幾百蚊財，要慳住食...

一人一個下午茶餐算數，姐姐送湯   :-)

已經面目全非的 ~ 公司治

豬扒湯河