一波未平, 一波又起。
腳痛都未完全好得晒, 早兩天又覺得頭痛頸梗、骨痛、乏力、攰...
由頭到腳, 周身唔舒服, 當然瞓得唔好, 精神委靡。
唔使問阿貴...啪了兩日感冒丸都係咁上下, 個頭仍然 "墜" 住..., 似乎唔係幾掂。阿貴就唔使問啫, 但看來要去畀白袍老友睇睇好啲 (據說美國流感大爆發...
)。剛才打電話去約想今日睇, 嘿..."醫生早前放了兩星期假, 最快都要排到下星期一先有期...。"
五日後?...
續記 (HKT 11/1 8:20AM)
五日後, 嘿, 到時都唔知...點
唯有自己執生先喇
一方面胃口欠佳, 一方面叫做戒吓口
整份公司三文治; 話就話唔舒服(今晚似乎精神少少), 都食咗3/4
在仍然頭痛、骨痛的情形下...
唯有繼續食住感冒糖仔頂檔, 減輕不適 ~ 建議份量可以每日四粒
不過自己拉長嚟食, 真係頂唔順先啪一粒, 大槪24小時兩至三粒
老大,五日期算快這裏分分中一個月約何不執買二包黃老吉頂住先出一身汗或會好的
回覆刪除[版主回覆01/11/2013 04:22:46]吓, 唔係睇專科跟進喎, 就咁普通嘢睇吓家庭醫生都要排咁耐...?
中藥照說應該比較王道; 不過一向比較少食中藥, 怕麻煩要煲, 又覺得慢啲...
大sir, 保重身體丫! 我公司已成疫區啦!
回覆刪除[版主回覆01/11/2013 09:58:41]唉, 保重(仲音)難, 久不久就難逃一劑; 保重(重量的重)就易啲...希望今次連重都保唔住, 輕番多少, 算係安慰。
咁為安全起見, 應該成層樓清空消毒, 所有人等放假一周。
啪完丸係咪好興奮呢﹖
回覆刪除[版主回覆01/11/2013 15:07:23]現在個市一浸浸逐個板塊玩, 而且到咁上下又要回吓氣, 不能奢望日日有料到 ~ 若覺得仍會反覆向上, 跌得多就買啲, 等彈囉...
最近有冇玩...?
[goldmine回覆01/11/2013 14:40:03]你隻愛股呢兩日無以為繼
[版主回覆01/11/2013 11:44:09]都可以咁講...
食完公司治回來啪咗粒才埋機, 本來有啲疲不能興的, 粒丸藥力化開之後, 現在未有睡意, 可以奮力落盤...愛股(期待下午..)
哈!破財就擋災,贏錢係要付出代價.
回覆刪除[版主回覆01/11/2013 11:49:45]星期三已經頭、腳兩痛交煎, 烏烏吓都無心戀戰, 求其買定了兩三場就收兵去攤抖休息, 終於輸錢喎...
份公司治幾吸引...我無乜胃口都想食......我都係食緊D成藥...我個醫生放3星期假...好似要下星期至返.....
回覆刪除[版主回覆01/11/2013 14:46:10]嘿, 原來同是天涯感冒人...
若無併發細菌感染喉嚨痛發炎及發燒, 捱四、五日就應該鬆番啲, 或者唔使睇醫生。
頭墜、眼濕、鼻癢，昨天才在藥房配咗D感冒藥.....
回覆刪除[shadow回覆01/11/2013 16:34:59]咁睇下呢個禮拜有冇時間玩“焗”....
[版主回覆01/11/2013 16:03:49]呵, 看來唔只美國大爆發, 港、加都一齊爆...
咁唔好食咁多炸嘢住罅...
你食的感冒糖仔好似是抗生素多的如是要嗎一個療程要食十日廿柆才有效快去找白袍友見吓全世界也流感好大PAN保重
回覆刪除[版主回覆01/12/2013 12:05:12]謝謝。
那些白色感冒丸不是抗生素, 而是普通的 "撲熱息痛" ~ 即是差不多香港的必理痛。
知道藥物多多少少都有副作用, 所以除了食抗生素依足時間、份量食晒, 這類止痛(包括痛風的止痛藥)、退熱的藥, 我是因住食的。好唔舒服才食, 食也盡量唔食咁密...。
星期四雖未能即時約到白袍老友, 都已約了五日後的星期一去睇, 不過現在似乎己經好咗啲, 今天已冇食感冒丸了, 若跟著兩天續有進展, 星期一早上會取消和白袍老友的約會。
阿大...早晨......你好d未?....我就仲有d鼻塞...希望捱多兩日大家都無事...
回覆刪除[版主回覆01/13/2013 11:29:48]MISS早晨呀!!
有心; 好好多罅。
病毒的殺傷力應到尾聲, 昨晚已不需食糖仔了...。
剛才還去食咗餐小饞的杰作...;星期一應該可以取消和白袍老友的約會了。
希望你都早日食得番雪糕...
Hope that you recover soon!
回覆刪除[版主回覆01/15/2013 04:30:31]謝謝!
近一兩日OK罅...今日都唔使去睇醫生了!