試新

看完今天的網上報紙之後, 忍不住都匆匆寫了前篇的 <台階>  才出發去試新嘢 ~ 意大利菜。

一行五眾。


去到相當墟冚, 全店爆滿。沒訂位的話, 肯定有排等。

來了...

即管試吓, 依樣葫蘆...  麵包蘸意大利醋 + 橄欖油
不覺得有甚麼特別 "效果" 喎...(可能因為我自己不大愛吃麵包);  不過倒並不難吃

蕃茄雞肉薄批
批薄香脆料正茄醬芝士味道好...
從前只食過出邊的普通大路貨色就抗拒PIZZA這種食物, 如今覺得要修正了...

吞拿
比較喜歡生吃的口感, 如此略炙也可接受...

龍蝦湯
香濃

煎鵝肝配無花果

口感甘香腴肥

黑海鱸
肉滑, 雖略輸魚味, 以汁補足
大人嗜魚, 多讓半舊予她

逐道菜上, 可能人又多......你急佢唔急, 等你慢慢傾、慢慢歎, 佢哋可以賣多幾杯...
小休閒談之餘, 游目四顧, 發覺這位侍應叔叔這個老花鏡甚為有型...用時二合一

顧及大人不吃羊肉, 事前已交帶店方; 然而終於都漏招; 不禁想起了那梅菲定律(Murphy's Law)...
唯有益我食多舊; 魚羊往還 , 合是鮮耶?
食落一舊肥啲, 一舊瘦啲, 我當然比較喜歡肥少少的口感...

Tiramisu
焦糖蛋
Raspberry Dark Chocolate
士多啤梨

樣樣的的骰骰
滿意和滿足的一餐
每人消費大概$80...應該唔算貴咯