進貢

今日舊同事又上門開枱。

現在打雀的興趣已不比從前, 不過久不久都要 "應酬" 佢哋一二。通常我打到大人收工回來就起身讓座, 無心戀戰。

剛才睇完今天香港的網上報紙, 落去駐足觀戰一陣。見大人勢盛, 有舖牌做13么, 對家亦然(我站的位置見不到她的牌的, 不過估到...)。到佢摸最後一隻, 我都以為會摸旺, 點知佢居然摸隻生章發財食出, 幾位舊同事知佢做13么都冇用, 脹然。

如此看來, 又是雀后大殺三方之局。

稍後戰罷, 另有同事偕夫人專程來一齊吹水食飯, 於是大人等會亦破例同去相陪 ~ 所謂破例者, 平時我哋四兜友去食, 佢多數唔參與, 費事阻我哋發UP瘋喎。

今晚肯定要遲啲才可以埋位開工了...