近兩年露台趟門下面每落大雨就會有些滲漏, 可是看來看去, 卻找不出是那裏漏。
去年趕在返港前催促管理處在外面做過些少修補, 並換了屋內那塊有水漬的BASE BOARD(質料非木, 似是水松之類)。
回來之後, 過不多久, 發覺情況依然未掂...
半月前管理處通知會在整個屋苑的正門和露台等處做防水及維修工作, 每座為期數週。猶如在廚房發現蟑螂般, 看來自己的露台漏水問題, 應該不會是單一的事件...
本來水漬沒那麼嚴重, 但在維修期間又未補好之際, 落了場大雨, 於是重杰...
磨去浮鬆的石屎、補窿、在夾縫塗足防漏灰、髹兩層厚厚的防水油...
工程進行期間, 要捨正路而弗由...經由走廊的門口出入(也沒甚麼不便, 一向習慣如此
)
表面看就做得十分妥當, 不過仍沒有十足信心, 要待觀後效; 因為根本搞不清喺邊度漏...
自己亦買了枝防水膠, 今日解禁後, 出露台有理冇理唧埋啲可疑的罅...
----------------------------------------
今晚...
今晚舊燒牛肉比平時好食
...X 2 
個CONE夠脆, 又X 2 ;
唔怕C, 食了西瓜和雪糕; 還好, 到現在都似乎冇乜咳番...
咁大劑！
回覆刪除[版主回覆09/20/2012 20:01:47]煩!
以前島居之時，入伙有耐，就每年秋冬都要搵管理處搭棚搞一輪，但每年到雨季...唉﹗煩C﹗
回覆刪除[版主回覆09/21/2012 19:34:11]雖然無大信心, 都希望做完這次工程, 滲水情況會有改善喇...
嘿, 你見張相有一細條紙卷在BASE BOARD之下, 一方面是用來索水, 另一方面, 也是用來測試還有沒有繼續滲水的...唉, 你話幾煩吖!
[shadow回覆09/21/2012 16:55:49]漏水呢家嘢，有排煩﹗我由入伙至遷出都未掂﹗不過有管理處跟進，咁就年年搵下佢地囉...
[版主回覆09/20/2012 23:11:25]去年投訴後, 管理處試過搵專人來測試, 在露台外射水良久, 卻冇發現目前大雨時所出現的地下滲漏情況, 脹然!!
測試後佢哋懷疑係度趟門裝得唔正, 提議我自己出錢搵人做ALIGNMENT; 我不以為然, 唔聽佢支笛。若是度門唔正, 雨水從門罅入屋, 應見水濕的地方; 但實際卻從來沒有見過。而且, 若是做完仍然唔得, 甚至更弊, 邊個負責?
觀察今次的維修工程, 已經做得幾好。若是真的由於出面地台的石屎剝落及防水甩漏而引致滲水, 可做的應該已做齊。問題現在仍無人可以實牙實齒確說原因, 唔知要點做才掂...
Nice beef! You can chalk the crack and make sure there is no gap!!
回覆刪除[版主回覆09/20/2012 23:21:27]今次專業維修公司應已做足功夫了, 我又加意喞防水膠封晒見到的罅隙, 肉眼所見, 真的無窿無罅的了, 且等下次落場勁雨, 才知掂唔掂...; 不過, 就算唔掂, 都真係無符了...
阿大...早晨呀...
回覆刪除又去任食....so happy....
[版主回覆09/21/2012 10:26:00]MISS早晨!
哈哈, 分界是在找數的那一刻...
埋單之前就有MISS所說......的感覺;
之後的感覺就比較複雜---肉痛、內疚、驚青..., 兼而有之, 一樣一啲...
阿大...早晨...
回覆刪除快樂始終都係要付出嘅....
[版主回覆09/22/2012 11:21:37]MISS早晨呀!
這種用金錢買到的所謂 "快樂", 原來是會有後遺症的啊...