為 "口" 奔馳

今晚煲粥。

許久沒有買過青班了, 因為價貴。沒有青班, 多數不會起意煲粥食...。

昨晚一邊欣賞煙花, 順便貢去睇吓店舖的網上減價優惠宣傳單張呢期有些甚麼東西合用, 因為早前想買隻16G的手指來儲相, 但吼了一排都未曾如願。

總係有意栽花花不發...; 無心插柳之下, 卻見到有兩間超市的青班居然不約而同減價, 近月難得一見。
一間只減星期五今天, 另一間就減五六日三天。大人餓魚粥已久, 可是今日要返工 ....。哈, 咁就不如等我這個閒人出馬喇...

等大人放工返嚟搞條魚就算, 其他一槪由我負責! 
朝早一個人去飲茶, 順便攞定兩碟腸粉今晚佐粥, 可以慳番啲功夫, 等大人唔使咁 "勞" 。
飲完茶就去買魚, 買到魚是煲粥的先決條件。主要要睇吓的魚掂唔掂, 細條就唔多啱滾粥食。
賣7.99磅的一間, 見得幾條魚(?!)在魚缸(第一日減價, 而且咁早喎!), 大都夠大, 不過身又甩鱗,  顏色又淡, 估計是養了不少時間賣唔出的貨尾, 可能有病添, 咪搞嘞!
再去另外一間看看, 貴一蚊, 但啲魚多啲而且靚好多。於是要條大的, 不過都唔夠兩磅。

為了食餐魚粥, 左騰右騰; 返嚟就開始煲粥...

大人放工返嚟就整魚...

呢兜仔係 "一勞" 嗰餐食剩的節瓜冬菇肉絲, 淥個壽桃嚟撈粗, 一併清倉。