驚夢

今天大人有約射雀, 一早先和她吃早餐, 撐其枱腳。之後就分道揚鑣...

回家趁仍在黃金時段, 匆匆再瞓多覺。一枕香甜, 與周小姐款款而談..., 矇矓之間隱約聞得喧擾的音樂聲及大聲公之聲, 嘈到終於扎醒了..

;  唉, 還未到中午呀。

原來今日居處的附近有嘢搞...

踏入夏天, 戶外活動漸多。加拿大是移民國家, 一向標榜多元文化。上星期的龍舟節剛過, 接著幾個星期不同的族裔又會輪流舉辦一些文化活動(當然包括食), 與眾同樂。

這些似是加勒比海地區諸國如波多黎各、牙買加等的移民...(???)
對面社區中心及左鄰的板球場都搭起許多篷帳, 有得睇、有得玩, 當然還有得買、有得食...
今日陽光猛烈, 天氣炎熱, 氣溫30度。
咁熱在家歎冷氣好過, 都懶得落街趁熱鬧了, 就在窗前(目及)吓影吓算咯...
(板球場那邊更大更熱鬧, 不過影唔到咯)

我唔去啫, 但有好多鷗鳥喺度盤旋, 哄哄吓, 唔通想玩埋一份...

過一兩星期, 華人團體亦有個叫Taste of Asia 的活動。一如往年, 打算搵埋小饞去逛吓, 主要是掃街食嘢..... 不過小饞年紀漸長, 不知今年還有沒有興趣...抑或會自己帶多個伴同行先制咯...


最新UPDATE 19:47PM

暮色漸濃, 人群仍未有散去之意...

想是攤檔的食物香氣衝天, 吸引海鷗愈聚愈多...

...................20.08PM

樂不思歸, 人之常情。奈何天不留人...忽然落起9C, 其勢更愈落愈大...
一轉眼, 熱鬧就已過盡, 曲終人散, 不由人戀棧...

噫, 發完(o翕)風, 肚子亦空, 是時候摷雪櫃看看有甚麼殘羹冷菜了...