昨天家庭日, 照例上弟弟處開枱。
原來弟弟早幾天中招, 病到五顏六色, 發燒、咳、喉嚨痛, 週身唔掂(=
???, 
), 剛吃了兩三天抗生素...。早前自己感冒纏身, 一波接一波, 實在聞FLU色變。雖然剛打了感冒針, 不過, 我和廚神吾妹都齊聲要求弟弟要戴口罩上陣、洗完手方才埋枱交手, 以減少傳染機會。 穩陣起見, 自己也索性取了一個口罩戴上, 同時緊記避免摸面的動作; 中途休息之時, 又去洗手..., 算是做足了預防措施。
這是有生以來首次戴口罩。覺得有些不慣, 吸呼不暢。兩兄弟在雀枱上戴著口罩的樣子, 實在有些好笑。
開完枱之後, 怕得要死, 連飯也不吃, 洗完手就走...。
且看今次能否逃過一劫...
幾個蒙面超人坐埋一檯，邊個被砌低呢？咸旦、高達......呵呵.......抑或阿大............
回覆刪除[版主回覆11/16/2009 04:53:00]被廚神女金剛大發神威, 殺到片甲不留。兩個虧精蒙面超人, 人弱牌弱身子弱, 全程無反擊之力。 杭州之旅好玩嗎? 掃盡湖蟹捧腹而歸?
d老人家成日話麻雀能醫百病...有病都打到無啦....
回覆刪除[版主回覆11/16/2009 09:31:00]呢句野是講D唔講D, 報喜不報憂, 猶如說飲酒可以防中風...; 證諸昨天的我, 打麻雀足以令人情緒低落, 血壓升高, 荷包乾澀, 乘興而開、敗興散場..., 好彩中途沒被激瓜
...感冒纏身, 一波接一波....
回覆刪除既然有兩波，咁就要戴X罩啦。
[版主回覆11/16/2009 10:14:00]你雖對X罩裏外情有獨鍾, 已成癖好, 也不能有理冇理、叫人亂戴的呀... 稍有醫學常識, 都知感冒當然應該要戴口罩; 早前乳腺炎若情況極端嚴重, 那時X罩方是適戴之物...
寒流到港，呢兩日鼻痕痕，已經啪定成藥避免成病﹗保重﹗
回覆刪除[版主回覆11/16/2009 10:23:00]對呀, 保重至緊要..。 你會不會是有些鼻敏感..?
本身係有鼻敏感，有時痕下痕下，打幾個噴嚏係架啦，有時都搞不清傷風定敏感﹗食過藥後個鼻似乎冇痕嘞﹗
回覆刪除[版主回覆11/16/2009 16:17:00]若是敏感, 有時朝早起身, 在被竇捐出黎, 已立即會打噴嚏、流鼻水...。
哎喲! 我都要帶住口罩先敢上老大個 BLOG. 睇完快快去洗手先得....!!
回覆刪除[版主回覆11/17/2009 11:06:00]你真係要戴口罩上黎UP野, 因為網友唔同我, 可能好多都頂唔順。
唓!個個星期都帶架啦,去老人院探外母
回覆刪除[版主回覆11/17/2009 11:10:00]我喺 "沙士" 果陣都冇戴架, 今次破題兒第一遭。因為連氣食幾劑抗生素, 病到怕!!
老大,
回覆刪除中建科技. 0261 呢幾日有動作 0.001---0.0013 上落. 最大風浪都未執.重企得穩. 0.001 又己經係最低, 冇得再低. 有冇興趣 買落去? 長揸到出年. 買佢唔執. 唔執就實會炒起. 因為容易.銀碼細. 註: 我唔識賭股票, 亦冇消息. 祗作推論. 買,賣,輸,贏全無把握. 請先作自身考慮...!
[版主回覆11/17/2009 11:45:00]索吓料先, 都唔知乜股黎... 照計若預左打幾千蚊水片都諗得過...哈哈。
山兄, 多謝報料先。 不過隻野係0.01-0.013上落, 唔係0.001...。 每手8萬股, 0.013, 都係$1040 。不過買得少相對使費好甘, 買得多又犯本, 要預左渣都冇。 你的提議的確值得考慮, 雞仔注以小博大。不過目前手上另外有隻股票, 暫時賬面賺到多少, 可是仍未捨得多沽獲利, 若果稍後順利套利落袋, 會攞幾千蚊博吓, 買番幾十萬股 , 蝕晒條氣都冇咁頂..., 反正是街外錢。 BTW你點會來料呢隻?
回覆刪除YES! 打錯啦!
回覆刪除股票冇得睇財政年度, 衹估幾時炒到佢.同埋會唔會執.
回覆刪除一日唔執, 細價股都有日变鳳凰. 而家重企得住嘅細價股就愈細愈好.
執嘅機會愈細. 重有機會俾人收購!
[版主回覆11/17/2009 14:05:00]睇番就記得隻野曾經係歌手老豆打骰, 隻野之前負面新聞多多, 股權左轉右轉, 令人眼花繚亂, 我將之歸入老千股一類。不過正如你說, 反正現在1仙多D(應該好多人一殼眼淚), 幾乎跌無可跌, 當將錢片水片, 買了瞌埋對眼等運到, 萬一執笠除牌就當賀佢囉。 不過自己要真金白銀去買, 輸少少條氣都唔順的, 所以賺到街外錢時先攞少少去買, 心理上會覺得舒服一些(QQ? )。 一於邊做邊睇邊等, 萬一走雞都沒所謂。
If he is sick, he should stay home...
回覆刪除[版主回覆11/18/2009 11:03:00]佢冇錯係留在屋企, 不過我地成日移船就磡去佢果度開枱啫...
打佐預防針未？今次隻針，令我好疲倦，成日眼瞓。
回覆刪除[版主回覆11/19/2009 11:33:00]只打了季節性流感針; H1N1仍未到家庭醫生處, 我亦非優先類別。
可能係轉季節原故,金礦響呢個階段都染咗風寒,仲傳染咗俾我,搞到成兩個星期先兩個完全好番晒.......
回覆刪除[版主回覆12/03/2009 16:30:00]是但一個有病就避免咁親熱喇嘛... 我早排唔掂, 自我隔離架...