這個幾月連二接三乜乜物物輪流發炎, 共食了三劑抗生素。
食藥期間, 精神不振, 郁也懶郁。上星期連日潮濕陰雨, 明顯轉冷; 禍不單行, 天殘腳又乘時興風作浪。要就住痛位有時行得拐吓拐吓, 終於頂唔順啪了幾日止痛丸。天氣持續濕冷------放在家裏睇門口的存貨今日已經清倉, 昨日要問弟弟借藥備用(哈哈, 大家都差不多衰果D瓣數, 有時可互通有無
), 待下星期初驗身時才順便取些新藥。如此 "之之佐佐", 差不多已個多月沒到健身室行跑步機, 近日整個人感覺 "立" 晒, 連出口都似有怠工現象, 表現欠佳...(衰在唔舒服胃口都依然不差, 套用經濟術語, 那是大幅 "入超" !
)。昨晚上磅, 嘩, 竟然重了三磅有多, 點搞?!移民後, 慣了每年驗身。年前白袍老友諄諄告誡, 自己遵囑 "辛苦"(?
)經營, 才令仍然超重的磅數保持(好難一減再減!), 沒繼續破位攀升, 差堪告慰。可是減得慢時增得快, 莫非一兩個月就前功盡廢？磅數猶是其次, 不知那些甚麼甚麼身體的 "衡生" 指數會否随著未能控制磅重而超標? 若然, 今次驗身之後, 恐怕有段時間會冇啖好食了。正是：十年辛苦兩茫茫, 自思量, 無處話淒涼。
十年生死兩茫茫！？
回覆刪除不喜歡此君，實有少許厭其矯情，蘇軾作這江城子時，只因王氏早死，雖以三妻四妾。
但他官途失意，被貶密州，才憶及故人。
我想要是真有懷念之情，又豈會十年後才有感而發？
真正原因只是落拓江湖，前途未卜，才擺舊侶上臺，缱綣痴情？？開玩笑，揾鬼信。
[版主回覆10/18/2009 04:06:00]呵呵, 你對蘇學士真的冇乜好感喎?! 情真情假局外人如我不敢妄斷, 從前的人三妻四妾閒事啫(就算現在法律所限, 明裏暗裏都仍然有不少啦! )。起碼他沒在其妻子生前就始亂終棄, 強於元稹之流多矣。(元稹有離思五首, 其中 "曾經滄海難為水, 除卻巫山不是雲, 取次花叢懶回顧, 半緣修道半緣君。" 頗為傳誦, 許為情深之作。以詩論詩, 我亦喜歡。但陳寅恪評其人 "豈多情哉, 多詐而已...") 順手借用江城子, 是覺得 "貪饞" 與 "貪懶" 乃我的性格兩茫之處, 此中矛盾, 為健康著想, 實在不知如何平衡, 故覺淒涼矣! "無處話淒涼" , 乘機在這裏呻吓啫...
That's the same problem with me, like to see, and hate to gain!! I should be 175 according to the doctor,but I am 190...
回覆刪除The weather is definitely not helping out, cold and wet makes anyone tired!! and depressed!
[版主回覆10/18/2009 03:33:00]通常為食之人, 多有超重之虞。 悶了好幾天, 好在今日轉晴, 陣間或會過去公園閒踱並且晒吓...
出口怠工就 重了三磅多?
回覆刪除嘩! 存貨都唔少噃!
[版主回覆10/18/2009 11:14:00]或者個磅壞壞地卦...!
嘩 ~ 大哥快d去做 sport 減下喇 ....如果唔係
回覆刪除哈 ~ 好快由西瓜升級到大冬瓜 ... 到時點減
[版主回覆10/18/2009 11:16:00]隻腳冇事就去行番架罅
哈!你都幾多嘢啵,真係財多身子弱.
回覆刪除哈!食少啲好嘢啦.
[版主回覆10/18/2009 11:21:00]係身子底質問題啫, 你說果兩樣野都冇我份的...
試吓偉哥啦﹗
回覆刪除[版主回覆10/18/2009 18:47:00]多謝金神農誠心推介!!
貪吃為食難為腳，除去幾磅不能免...
回覆刪除[版主回覆10/18/2009 18:57:00]哈, 今朝似乎腳痛已消得八八九九, 且預告天晴, 可以去鬆吓腳頭咯。
Hehe！Dont worry, everything will be ok ！
回覆刪除[版主回覆10/18/2009 20:31:00]應該OK卦! 係衰在最近冇運動囉; 趁陽光未猛, 現在出去行陣公園咯...