星期一的今天, 是感恩節公眾假期。
今年我和大人分道揚鑣, 各自搵食---大人應酬C9家長, 早上玩細雀, 晚上吃大雀。我就下午才應邀戥腳和家人開戰, 在早上黃金睡眠時間可以瞓足精神然後出動。
早兩日超市Prime Rib減價; 今年的感恩節, 我們就捨火雞而改吃燒牛肉和烤羊架罷...。
這餐的燒牛肉和羊架兩樣都很正, 肉質十分嫰滑!! 可是近日天陰欲雨, 備受痛風威脅, 不敢放肆, 而且下星期還要驗身, 唯有就住黎食, 連啤酒也不敢沾唇
...近場射雀連戰皆北, 鬱結多時。今天終於吐氣揚眉, 又食又拎。
(在雀枱銀當然要拎, 牛肉都拎了兩片返歸, 讓大人嚐嚐。)
呵呵, 感恩節宜乎感恩...
烤羊架兩舊
燒牛肉亦兩大舊
嘩!真係感恩烤咁大舊肉,正喎.啲烤爐好正好實用啵.
回覆刪除連鋸肉都電動,認真先進架生.
哈!我夠有把積梳,遲吓唔鋸木,用來鋸肉雕花至得.
[版主回覆10/13/2009 16:33:00]呢把野幾好用的...就算好厚肉都能輕易 "迎刃而解", 唔使切到甩甩漏漏... 。 我地冇技術, 就大路的用黎鋸肉; 你好技術, 應可以喺磚豆腐度雕花
呢把電鋸戒賭之時都用得著。
回覆刪除[版主回覆10/13/2009 16:37:00]何祇戒賭用得著, 戒色都得!!
Lamb chop!!! Tasty!!!
回覆刪除[版主回覆10/14/2009 09:14:00]的確很正!
睇見D烤焗美食，又諗起要買番個焗爐。
回覆刪除[版主回覆10/14/2009 09:52:00]很好用; 烤雞烤牛肉, 一路轉住, 受熱平均..., 焗出黎幾好食。我諗係事後清潔麻煩些少。
火雞次次都食剩...都係羊架正d...
回覆刪除[版主回覆10/14/2009 11:14:00]我留力都掃清晒 "四舊" (突然諗起除四舊 )咁滯, 饞氏一族都算厲害... 以往吃火雞的經驗, 食剩的多是雞胸..., 有時會帶些少返歸用來夾麭包做早餐...