近幾年暑假剛開始的六月底，住處附近的一條街其中一段會封路兩天，在街頭舉辦一個亞洲美食節。不知是否家族遺傳，吾侄自小亦咀饞，街邊美食節開始以來，每年均帶他去吃個痛快。去年因六月底返港而錯過了，今年更加非帶他去補數不可。吾侄由我心口咁高，食到現在我到他耳仔矣。
活動之一的街頭三人籃球賽
小朋友的遊戲攤檔
小型車展
臭豆腐不比以前香港擔街賣的那麼臭，有點不是滋味。
臭豆腐賣相
可有發現甚麼？
今年首見即開生蠔，十元八隻。大人吃煮的桶蠔許多時
會敏感而拉肚子，淺嘗生蠔反而無事，奇怪!
十元八隻，吃了三輪！
邊行邊食
雪糕車都黎搵食
竟然有轉盤賭錢的玩意
分六種色, 每種色又分1、2、3、4、5的倍數賠錢。
即先要中色, 然後按所中數字收幾多倍派彩。
譬如開紅色, 停在紅色中的 "3" 格, 即買1元紅色者除本
外獲派3元。
我計落買者十分蝕底, 手上拿着的1元始終沒有下注! 哈哈!!
其他的納雜攤位
時近龍舟節，熱門主角亦要擺擺威風! 相片乃是地區政
要及社區知名人士。!
小朋友天地
晚上三隻草蜢會到場表演
墨魚小丸子
炸蟹鉗
可以在這裏報考船牌，法師及星DOY可以諗諗過黎考!
遠至加國都有臭豆腐食咁好!!...有無食返兩三舊呀....大伯..
回覆刪除[版主回覆07/08/2008 14:06:00]三兜友食左一碟(四舊), 我同大人一人一舊, 吾侄兩舊。D豆腐都唔臭乜滯, 炸時有小小味, 食就好似炸豆腐咁架咋。噫, 冇放幅相添, 等陣加番...
如果太臭會俾人投訴﹖
回覆刪除[版主回覆07/08/2008 18:08:00]可能係呢個原因未定...其實我都唔知個過程點先可以整到D豆腐會好臭。好似見過以前擔街賣果D未炸之時係發MO到綠綠地色, 幾核突架! 年前唐人街有華人被投訴屋企煎鹹魚味太勁, 飄出黎聞死D鬼...
見個個都已經短衫短褲，咁快就已經好熱？
回覆刪除乜臭豆腐變咗樣既呢？
[版主回覆07/08/2008 18:07:00]今年天氣算不錯, 前一晚及當日早上仍下雨, 稍後就放晴, 太陽亦不太猛, 氣溫廿六七度。比前年在卅度烈日暴曬之下, 已經相當舒服。 氣味唔多臭, 又冇發MO, 炸起好淺色, 似炸豆腐多D囉......重興加D酸椰菜添噃!
船牌可以即報即考，又幾方便喎。
回覆刪除果然係大小通吃喎，小至豆腐，大至汽車，通通都有得賣，真係可能會由食兩舊豆腐而睇中架車，或甚至考牌買船，小買賣變成大生意，利害！
回覆刪除諗吓明年六月底過黎啦, 等我除帶吾侄之外, 帶埋法師同師太掃吓街, 話唔定你考埋個船牌、買埋船, 橫渡太平洋自已返香港..。沿途又一路行, 一路釣魚..., 叫定星DOY整架貨櫃車黎接你地裝魚穫。
回覆刪除揸貨櫃車黎裝鯨魚呀????
回覆刪除[版主回覆07/09/2008 10:20:00]到時法師釣到乜咪裝乜囉。
到底個船牌點樣即考啫？係咪即係埋去俾銀填個名就俾個牌你咁呀！好似好兒嬉咁 o 既！
回覆刪除[版主回覆07/09/2008 12:59:00]即考唔知係咪即刻同你報考咁喎? 唔會俾錢即刻俾個牌你咁兒嬉卦! 若果你有心過黎考就特登跴去(用架車!哈哈)同你問下!!
睇下網雀打到出年搵唔搵倒兩套機票啦，若然搵埋買船錢，就實行過去食你 d 豆腐。
回覆刪除[版主回覆07/09/2008 13:05:00]不過你唔好贏我D錢呀, 咪唔招呼你架!!
類似香港每年響會展舉辦的美食嘉年華，不過呢度就要收入場費，大約$20-25，唔係幾記幾多，食物種類很多，不過肯定冇臭豆腐。haha
回覆刪除[版主回覆07/09/2008 13:15:00]呢D唔臭(口既)臭豆腐，係俾呢度D異鄉港人，聊慰鄉愁而已！食果D都唔理佢是不是真正那回事了。
臭豆腐放入臭口，唔臭都變臭啦﹗
回覆刪除[版主回覆07/09/2008 13:09:00]我話應該搵你做生招牌, 一邊炸, 你一邊講野嗌生晒, 或者好似出左13么之後咁大啖喘氣都有同樣效果, 自會臭到引埋隔離街D人過黎幫襯。
可唔可以問埋合格率有幾多成添呀...大伯...
回覆刪除[版主回覆07/09/2008 15:05:00]NO PROBLEM!
Nice Street Festival, in NYC they have it every summer, nice! You know what they say...Eat fish, live LONGER, eat Clam, LOVE longer, Eat Oyster, LAST longer!!!
回覆刪除[版主回覆07/10/2008 05:12:00]呵呵, 中外人士所求本無二致!! 所以我都食左七八隻啊......
吾侄由我心口咁高，食到現在我到他耳仔矣。
回覆刪除點解阿大會越食越縮﹖
[版主回覆07/10/2008 14:47:00]身高此縮彼長, 何足奇哉? 至驚你好縮唔縮...... 縮龍成寸咋! 若然就單聲罅, 呢邊好多呢d...廣告架, 一定有好介紹俾你!
台味臭豆腐係唔臭架，咁多款式可以食到飽喎。
回覆刪除[版主回覆07/12/2008 19:24:00]係咩? 咁應該就係所謂台味咯! 重有好多檔口, 好以咖哩魚蛋、燒羊肉串、粟米......等等, 有D冇影, 真係太多, 有D冇放上黎。 當日俾左$30蚊吾侄, 由得佢自由行, 鍾意食乜就食乜(佢食剩$5!, 不過果三轉蠔就我地另外買), 當日由下午五點食到七點鐘左右走人, 果晚佢唔駛食晚飯, 哈哈!