上星期六參加了大廈舉辦的春季活動------「美食節」同樂日一天遊。行程既以美食節為主題，節目雖排在回程之前，惟民以食為天，是故搶先出閘。
出發
會場熱鬧
能量飲品
排隊試PIZZA
朱古力噴泉(FONDUE)
烹飪示範
蝦串
燕麥札
各類穀物
鮮甜的巨無霸士多啤梨(市面很難買到這麼碩大的加州品種)
這些士多啤梨由機構捐出, 在會場想買也沒得賣, 只供試食。
夏天消暑佳品
綜觀全場攤檔, 似以此姝最為出色。(真人唔笑重靚過上鏡!)
待其泡製兩杯飲品後, 情商拍照。
意大利肉丸
果醬餅食
特濃DOUBLE DARK COFFEE + 小食(SUNDRIED TOMATO)
兜了幾轉, 坐下嘆陣!
(幾十種不同的小盒庄咖啡, 試食者揀好之後, 排隊逐個泡製。)
食完又拎
冇嘢食嘅﹖
回覆刪除[版主回覆04/29/2008 11:27:00]你急不及待啫!
啊! 呢 d 美食節.
回覆刪除我以為係咩呢添!
[版主回覆04/29/2008 11:30:00]哈, 其實係試食, 美唔美就見人見智喇!
全中文通告，中式美食自助餐，真係為阿大度身訂做。(好似仲有櫻花睇喎﹖)
回覆刪除[版主回覆04/29/2008 11:28:00]留番下集...
因為我只係<立>到寫住郊遊, 所以以為係係戶外野餐.
回覆刪除[版主回覆04/29/2008 12:00:00]行程係上晝遊十九世紀漁港，中午中式自助餐, 最後去試食。
見一杯杯冰放響度，仲以為有冰琪琳食添！講到尾原來阿大志不在此，黎呢度係想食眼睛冰琪琳就真！
回覆刪除[版主回覆04/29/2008 12:08:00]一陣淨係講, 有人又話有好野唔公諸同 "好" , 今次不待開聲, 特登揀位青春少艾(口既)筍野俾大家睇吓, 索唔索呀? 妹妹仔見話同佢影相, 都不知幾開心, 重問駛唔駛笑添......
有得玩，又有得食，合晒合尺。任試任食任拎？
回覆刪除[版主回覆04/29/2008 12:16:00]係呀, 雖然D野係普通野, 勝在款多、人多，氣氛熱鬧。你可以兜個圈排完又排, 試完又試，拎完又拎，不過我地都係貪得意, 樣樣攞D就算囉。有D自己唔啱(口既)食就攞左俾侄仔食。場內有D野我食左幾轉。哈哈。由三點零玩/食到六點幾, 個肚納納雜雜, 食到頂住, 果晚唔駛食晚飯。,
試食應該食唔飽喎，我諗自助餐至係主打卦！
回覆刪除[版主回覆04/29/2008 12:24:00]根據經驗, 逢親跟團旅行在埠仔食的中式自助午餐, 十分之雞, 我地不予期望。結果真係如此。中午果餐都有野送...鎚仔是也!! (報名時我以為是在賭場食西式自助午餐, 若然係咁就正好多!!)
嘩..見到d大大粒的士多啤梨..i ilke it,有無試過個d士多啤梨呀,大哥,係唔係又甜又多汁?? 又食又拎,又幾抵玩喎,個d能量飲品唔知係唔係真係有效用,香港都有得買,不過個隻叫red bull 你去美食節,要就住就住黎食,咁未樣樣都未必試食得到??大哥
回覆刪除[版主回覆04/29/2008 12:35:00]大到兩粒就吖晒成隻手掌, 難得咁正, 梗係試多幾轉啦! 仲要係瞄準目標, 埋去揀最大果粒, 嘩, 香甜多汁, 正極!! 可惜佢地唔賣, 只供試食, 咪實買D返屋企食。 係呀, 場內好多攤檔, 為免嘥位, 咪揀黎試囉, 有D一盒盒, 還可以拎走。你見唔見薯仔都攞左兩個返歸, 哈哈。
43 蚊為起黎三百幾，玩足一日又食又拎，都算係咁喎。
回覆刪除[版主回覆04/29/2008 13:53:00]去年都有搞, 仲平, 喺下面聽運動友話$23或25; 因為去埋賭場, 賭場請食自助晚餐, 不過就要留在賭場約兩三個鐘(?)(焗賭?!哈哈, 分分鐘圍皮可以食一圍東酒!!) 今年佢地唔想去賭場, 咪樣樣自費, 所以貴D。我地今年係頭一次跟去咋。
睇落薯仔好似係紅薯黎添喎..打包兩隻夠唔夠食架.. 從未見過咁大隻士多啤梨,有無問佢邊樹有得賣呀...大哥
回覆刪除[版主回覆04/29/2008 14:02:00]呢D薯仔有 "出世紙" 貼住, 係加拿大東岸較北的 "愛德華皇子島"(Prince Edward Island)產品, 幾出名好食架(果度重出龍蝦仔青口等海產)。夠就唔多夠一餐, 不過多地方行, 掛住食, 攞完一次就算, 第日買多些少撈埋就OK。 應該喺D主流大超市有得賣, 不過就未必會粒粒都咁勁大囉, 同埋要當造, 呢類靚貨同普通貨價錢會貴一截。
有埋出世紙咁巴閉添呀...
回覆刪除[版主回覆04/29/2008 14:37:00]即係貼張招紙係度!!
大兄密密出手，呢度 heat 爆 o咼﹗
回覆刪除[版主回覆04/29/2008 14:52:00]呵呵, 多謝各位網友賞面捧場, 惟恐招呼簡慢, 雖懶都要間中出動吓架嘛...
有張貼紙,即係有品質保證喎...用黎焗薯蓉應該會好好食..
回覆刪除[版主回覆04/29/2008 15:18:00]據說呢種紅薯相對比白薯多D澱粉質, 比較香甜好食......
第二集幾時出呢?..大哥
回覆刪除[版主回覆04/29/2008 15:23:00]冇機睇, 瞓番覺足(口既), 就可以開工, 希望過一兩日都得嘞卦...
勤力d好喎... ...
回覆刪除[版主回覆04/29/2008 15:53:00]我都好勤力......去瞓覺架罅 , 不過衰在慣左適應香港時間(股市同跑馬), 又要就番呢邊生活起息, 所以一有空檔都盡量瞓陣, 有時一日最多分三覺瞓, 重唔夠勤力呀?
係加拿大買到香港馬票架原來?
回覆刪除[版主回覆04/29/2008 18:40:00]唔怪得你唔知大勝係乜生物黎... 以前電話投注, 現在網上投注...好方便、好快!
嘩，好正呀，似乎唔係好多人，無香港D美食節咁擠迫，好似唔使錢買咁。
回覆刪除[版主回覆04/29/2008 20:02:00]免費試食D攤檔人龍最多十個八個人, 雖然我無乜耐性排隊, 都覺得OK。由頭到尾都唔覺悶，大人就更加得其所哉, 氹氹轉, 滿場飛...!
左邊白色個樣野係咩?
回覆刪除[版主回覆04/30/2008 05:27:00]大人在一個攤檔玩遊戲, "轉" 幸運輪轉到的 "獎品"......一個塑膠洗碗刷
呀..係喎..有網上投注架喎而家...哈哈哈... 但而家都仲有買下馬仔 ?
回覆刪除[版主回覆04/30/2008 05:26:00]差不多次次都有玩, 冇D細藝用吓個腦何以遣退休加國咁靜的生涯耶? 好易老人痴呆架! 在賽馬日上網, 開著收音機, 入馬會投注網站, 睇住賠率變化, 煞有介事, 哈哈, 除左無馬睇, 仿如現場一樣。 大家都是愛護動物之人, 你愛魚, 我愛雀、馬(好在唔鍾意去賭場, 否則成個病態賭徒)! 哈哈。
亞大：今日公佈咗個名單嘞，真係有曾老嘢呀，唉！佢唔通真係噓聲當掌聲？呢個老嘢真係被佢笑死呀，Ｄ人問佢驚否會被搶聖火？佢答邊個夠膽搶呀？唔驚佢咗大隻呀？真係令全港幾百萬人O晒咀呀，如果我係Ｄ人就個個唔搶嘞，剩係同佢玩，不過咁，就當敬老啦，反正佢都風燭殘年嘞，就讓俾佢！呢Ｄ人等天收啦，影子話，鬼唔望佢激得滯自己暈低，咁就亞爺多謝佢嘞！
回覆刪除[版主回覆04/30/2008 05:31:00]曾先生姿態咀臉一向如是, 今日老而彌顛而已。 "聖火薪傳多波折, 泱泱總恨民主絕, 民主絕, 風燭殘照, 曾憲寧缺。"
哈哈...咁得閒就醒兩隻馬仔黎買吓啦..
回覆刪除[版主回覆04/30/2008 10:26:00]你唔問吓我D戰績先?
不會問,只會信...
回覆刪除[版主回覆04/30/2008 11:21:00]你有冇賭過馬先?
買 W 佢跑 P ，買 P 跑嬲尾。
回覆刪除[版主回覆04/30/2008 11:23:00]庶幾近矣!!
騎師王 次次買 韋達 實掂﹗
回覆刪除[版主回覆04/30/2008 11:24:00]點樣實掂? 還是點實樣掂?
幾年前都有玩,但而家戒左囉
回覆刪除[版主回覆04/30/2008 11:49:00]咁更加唔好打爛你個齋砵囉。 其實都好難預先話俾你知買乜, 因為我係賠率派, 一般要臨時睇賠率變化, 至差不多開跑才決定買乜。因喜扒冷, 賽前街知巷聞的熱門, 我多數飛左佢。計場數我一定輸多贏少, 偶然中一場半場, 咁賭法多數輸。
不會問 , 只會信 …
回覆刪除噫！好似有潛質做甲級信徒喎！介紹你俾耶穌會收翻個佣先！
我只信訓覺架咋,唔好推我比耶穌呀....亞伯
回覆刪除臨場比就買唔切囉...
回覆刪除[版主回覆04/30/2008 12:33:00]始終唔賭慳番好多架! 我成日都輸, 不過注碼細, 當娛樂費囉!!
意大利肉丸 ?? ( 嘩! セ真係咁大粒!!)
回覆刪除[版主回覆04/30/2008 12:34:00]一蒲頭就亂點鴛鴦, 搞亂檔!
舊時就係因為贏贏埋埋都唔夠輸,所以都係戒左佢算 小賭怡情都ok o既
回覆刪除
回覆刪除點樣實掂? 還是點實樣掂?
**************************
因為韋達 有個 老實樣, 所以 實掂!!!
[版主回覆04/30/2008 13:27:00]老實? 周時扇到D友攤攤腰架喎!
韋達係一個股或樣黎喎...咁都老實樣?? 講到老實樣,不得不提及到個時個偶像..馬佳善...
回覆刪除[版主回覆04/30/2008 13:43:00]呢個比較好D... 講真其實喺果個圈, 個個都古古惑惑。
所以睇自己好唔好彩,買到佢做馬個隻就fit囉..
回覆刪除記得自己個時買馬以來最勁一次,用$10,買死左隻馬....
[版主回覆04/30/2008 14:00:00]間唔中有馬戰死沙場, 仲有漏閘、堕馬......未到終點可以提早MEET飛! 哈哈. 所以明白只可以小賭怡情(輸點都係冇癮架罅! 怡情未必, 不致亂性囉) 。賭咁多年馬, 仍未輸死, 只玩可以負擔又不影響日常生活和心情的注碼, 這是我唯一雖輸仍引以自豪的一點。
呢班國際大奸 … 唔係！ … 係國際大騎師，全部都挑通眼眉，無論佢生成乜嘢好樣，其實骨子裏全部都係粉腸係 o 既，唔知頭唔知路果 d 馬主真係俾佢地玩死呀！
回覆刪除[版主回覆04/30/2008 14:06:00]圈內人自己好多時都爾虞我詐, 集團操控搵食，基本上除一堆二堆的所謂自己友, 餘者皆為羊牯，處於對立或利用的位置。為求目的, 不擇手段。
賭都係少沾為妙..
回覆刪除[版主回覆04/30/2008 14:08:00]旨哉斯言! 好在我唔鍾意去賭場, 否則咁得閒......去去吓......死梗!!
阿星點解唔響四十年前同我講呢句嘢！等我做左幾十年病態賭徒，若果我果時唔賭，華達片場可能要改名！
回覆刪除四十年前計返你個時都係十一,二歲咋喎....咁早學人賭!!..而家係到仲可以同你吹到水,你都算係懸崖勒馬喎... 不過我緊書時都已經學人賭..
回覆刪除我記得七八歲就識買三六，果時大澳有檔收外圍狗，街上面 d 鋪頭老闆會依時依候買現場，我同阿龍佢地幾個就做跑蹆，佢地中左我地就有得醒，攪攪下咪乜都識囉！賭齡我大大話話都有四十幾年罅。
回覆刪除乜野叫36呀..點樣賭法??
回覆刪除呢個時段用作賭博網, 列入PG16類別
回覆刪除嚒囉呀嚒囉，係狗仔呀，澳門跑果 d 呢！我好多賭馬 o 既前期知識都係響果度學架！過五關穿幾多條孖、幾多條三關，呢 d 嘢我未夠十歲就識架罅。
回覆刪除哦...跑狗...呢d從未接觸過唔知嘛.. 2x3,3x7,4x15,呢d你識計???
回覆刪除過關穿雲箭, ? X ? = ?, 喺馬會網站, 一目了然。
回覆刪除你連呢 d 咁基本 o 既功課都唔曉呀！好彩你唔繼續買咋，唔係多多都唔夠呀！
回覆刪除我只係識得計中曬收返幾錢咋,幾多條孖宝呀個d,唔係咁清楚..
回覆刪除學過第樣好過啦！呢 d 學唔學都罷！
回覆刪除學左又唔會賭,只係想得個"知"字咋嘛...
回覆刪除嘩！淨係齋食都抵番啦！ 仲有得 食完又拎 添！
回覆刪除[版主回覆05/05/2008 17:29:00]哈, 眼花撩亂, 納納雜雜, 呢種場合心理滿足多於實際囉, 不過十幾蚊入場費, 過癮兩三個鐘, 都係抵!!
Hello ~ 你好 ~ 謝謝你分享 ~
回覆刪除外國d美食好正wo, d巨無霸士多啤梨認真正, 無得頂 ~
[版主回覆05/05/2008 20:05:00]HI, 多謝探訪至真。 展場D士多啤梨大大粒, 又香甜又多汁, 的確係上等貨色! 得閒多D入黎傾吓啦...