移民後的退休生活比較悠閒，人又貪食而活動少，早幾年年檢驗身有些指數已瀕於超標或在臨界邊緣，加上年齡因素，當時家庭醫生諄諄告誡應該開始經常做些帶氧運動。
其實我也有自知之明，祇是既懶又怕辛苦，之前多年來若無其事，逃得一時算一時罷了。
無奈時辰已到，近兩三年唯有的起心肝持續到健身室行跑步機，每星期至少做三四天。習慣運動之後，的確起碼強化了雙腿的肌肉，日中在家經常上落兩層樓梯也不致氣喘及發軟蹄。陪太座行街逛商場，也可以支持得耐久一些哩！
柏文大廈的健身室設施
還有一個標準泳池及小型熱水按摩池(池側左方未入鏡頭)；
更衣室又附設SAUNA房。
可惜不懂水性，只試過在泳池浸身!
理論上適當的飲食和運動都是保持健康的重要元素。
所以雖然久不久喜歡吃餐自助餐，家常飯菜則傾向簡單清淡。
豆腐麵根炆班尾、青瓜炒牛肉、淥菜。
...不過, 這餐的製作時間, 大人由洗切開始至埋枱食得，竟不少於個半鐘哩! 貨何其細也!!!
適當的飲食和運動係香港咁頻繁的生活節奏,都應該幾難 自從出左o黎做野,做運動真係懶得懶..哈哈哈
回覆刪除[版主回覆04/20/2008 22:45:00]以前在香港我都冇乜運動......有份工羈身, 又不容易找處理想運動場地, 真是甚為困難。
呢篇寫俾我睇架？
回覆刪除呢篇寫俾我睇架？
回覆刪除[版主回覆04/20/2008 22:50:00]呵呵, 假如真係幫到你少少, 何妨對號入座!
呢個點算係標準泳池呀﹗
回覆刪除[版主回覆04/20/2008 22:57:00]哈哈, 意思係這個是柏文大廈類別的標準(大小)泳池(有D會細D架!), 並非比賽用的標準泳池!
It doesn't matter how old we are, it's how old we feel!! Exercise is good at all ages, but as we get into the "sunset" age in our life, Cardio exercise will always help the heart to be stronger, and live longer!!
回覆刪除[版主回覆04/21/2008 09:33:00]是呀, 實在不必介意。沒做運動果時個人總是覺得 "立立" 地, 容易攰，又易感冒。現在比較爽D, 抵抗力較佳。哈哈, 如今的宗旨, 是在自己喜歡做的事情上(所謂享樂!)和健康之間取一個 "平衡", 不致肆意摧殘自己, 咁活到果時咪果時就算囉！
哈哈...好一個藉口...如果真係想做運動..跑吓步都可以呀..唔須要話要場地先可以做
回覆刪除[版主回覆04/21/2008 09:47:00]以前在香港做工，其實冇做運動習慣; 有段時間一個星期和朋友打一兩次網球, 比較自已孤獨運動好玩D, 不過真係好花時間同幾麻煩......又要訂場, 又要大家就到得閒......, 打打吓就散檔。之後就總是沒有決心做D慣性運動咯!
豆腐煮魚，好！麵根不宜多吃，因製造過程須要大量油炸，膽固醇極高！
回覆刪除[版主回覆04/21/2008 09:57:00]明白! 麵根事前會出一出水, 去敢d油先, 一包十粒, 重要分兩餐哩, 不是經常吃的 。 大人知我挑剔麻煩, 食餸傾向量少款多, 所以整餸都落多一兩種唔同配料, 或整多一味半味, 寧願食唔晒留番第二餐。
3幾個一齊玩又確係開心d 自己而家一年都唔知有無去做一次運動.. 以前的波友而家全部又係散曬,大家少搵之吓,到而家直頭唔搵..哈哈哈
回覆刪除[版主回覆04/21/2008 10:25:00]後生仔活力十足, 周圍貢, 新陳代謝都快過人, 唔做都冇所謂啦!! 不同的朋友, 好多時都會在不同的人生階段分別出現丫嘛!
阿大兄你住鎮屋 , 可往柏文大廈的健身室玩嗎 ?
回覆刪除要俾錢嗎 ?
[版主回覆04/21/2008 11:44:00]住緊呢度D鎮屋和柏文兩者同屬一個社區, 只是住屋的形式不同。每月大家都要交管理費, 其中已包埋公用及康樂設施的運作開支, 去玩不需另外付費。
射雀運動你就精神！
回覆刪除[版主回覆04/21/2008 12:03:00]哈哈, 兩種運動各有各好處。 行跑步機有益身心; 射雀就有益荷包!! 星期六又同過氣主任打左場三腳, 戰果正常!! 三人麻雀幾過癮, 爽快利落。不過目前佢地已由$50底改為$25底了, 年中搵少成半!!
食飯至緊要係食得他條安樂,心情舒暢才有益............
回覆刪除....你.......你..你竟然係戰埸度食......??????
[版主回覆04/21/2008 11:54:00]張雀枱放在厨房, 一物兩用。食飯之時, 對住張枱, 不期然諗起場場佳績, 狼屠盡多少英雄豪傑, 心情焉得不樂? 胃口豈得不開耶? 實與針山兄所言不悖!!
跑步機就行血; 射雀就補血!! 補血+行血, 小心大出血.........!!
回覆刪除腦........大........出.........血...........!!!
[版主回覆04/21/2008 17:48:00]噫, 所以到咁上下都要輸番一場, 放敢D血, 然後先襟玩!
!!! !!!
回覆刪除[版主回覆04/21/2008 17:51:00]??? ???
繼續 Keep 住做運動，大家都要努力呀！
回覆刪除[版主回覆05/05/2008 17:24:00] 好辛苦的喲! 有時都會賴貓...